പിടിവിട്ട്​ കോവിഡ്;​ ജി​ല്ല​യി​ല്‍ 798 പേ​ര്‍ക്കു​കൂ​ടി രോഗബാധ; ടി.പി.ആർ 30ന് മുകളിൽ

ക​ൽ​പ​റ്റ: ജി​ല്ല​യി​ല്‍ വ്യാ​ഴാ​ഴ്ച 798 പേ​ര്‍ക്കു​കൂ​ടി കോ​വി​ഡ് സ്ഥി​രീ​ക​രി​ച്ചു. 128 പേ​ര്‍ രോ​ഗ​മു​ക്തി നേ​ടി. രോ​ഗ​സ്ഥി​രീ​ക​ര​ണ നി​ര​ക്ക്​ (ടി.​പി.​ആ​ർ) 31.79 ആ​ണ്. 26 ആ​രോ​ഗ്യ​പ്ര​വ​ര്‍ത്ത​ക​ര്‍ ഉ​ള്‍പ്പെ​ടെ 793 പേ​ര്‍ക്ക് സ​മ്പ​ര്‍ക്ക​ത്തി​ലൂ​ടെ​യാ​ണ് രോ​ഗ​ബാ​ധ. കൂ​ടാ​തെ, വി​ദേ​ശ​ത്തു​നി​ന്നെ​ത്തി​യ ര​ണ്ടു പേ​ര്‍ക്കും ഇ​ത​ര സം​സ്ഥാ​ന​ങ്ങ​ളി​ല്‍നി​ന്നെ​ത്തി​യ മൂ​ന്നു പേ​ര്‍ക്കും രോ​ഗം സ്ഥി​രീ​ക​രി​ച്ചു.

ജി​ല്ല​യി​ല്‍ ര​ണ്ട് ആ​ക്ടി​വ് കോ​വി​ഡ് ക്ല​സ്റ്റ​റാ​ണ് ഉ​ള്ള​ത്. പൂ​ക്കോ​ട് വെ​റ്റ​റി​ന​റി ആ​ൻ​ഡ്​ ആ​നി​മ​ല്‍ സ​യ​ന്‍സ് യൂ​നി​വേ​ഴ്‌​സി​റ്റി, പു​ൽ​പ​ള്ളി പൊ​ലീ​സ് സ്റ്റേ​ഷ​ന്‍ എ​ന്നി​വി​ട​ങ്ങ​ളി​ലാ​ണ് ക്ല​സ്റ്റ​ര്‍ രൂ​പ​പ്പെ​ട്ട​ത്. ഇ​തോ​ടെ ജി​ല്ല​യി​ല്‍ ഇ​തു​വ​രെ കോ​വി​ഡ് സ്ഥി​രീ​ക​രി​ച്ച​വ​രു​ടെ എ​ണ്ണം 1,39,378 ആ​യി. 1,35,514 പേ​ര്‍ രോ​ഗ​മു​ക്ത​രാ​യി. നി​ല​വി​ല്‍ 2307 പേ​രാ​ണ് ചി​കി​ത്സ​യി​ലു​ള്ള​ത്. ഇ​വ​രി​ല്‍ 2183 പേ​ര്‍ വീ​ടു​ക​ളി​ലാ​ണ് ഐ​സൊ​ലേ​ഷ​നി​ല്‍ ക​ഴി​യു​ന്ന​ത്. 759 കോ​വി​ഡ് മ​ര​ണം ജി​ല്ല​യി​ല്‍ ഇ​തു​വ​രെ സ്ഥി​രീ​ക​രി​ച്ചു.

പു​തു​താ​യി നി​രീ​ക്ഷ​ണ​ത്തി​ലാ​യ 1701 പേ​ര്‍ ഉ​ള്‍പ്പെ​ടെ ആ​കെ 14,527 പേ​ര്‍ നി​ല​വി​ല്‍ നി​രീ​ക്ഷ​ണ​ത്തി​ലു​ണ്ട്. ജി​ല്ല​യി​ല്‍നി​ന്ന് 1637 സാ​മ്പി​ളു​ക​ള്‍ ബു​ധ​നാ​ഴ്ച പ​രി​ശോ​ധ​ന​ക്ക​യ​ച്ചു.

86 ശ​ത​മാ​നം പി​ന്നി​ട്ട്​ കു​ട്ടി​ക​ളു​ടെ വാ​ക്സി​നേ​ഷ​ന്‍

ജി​ല്ല​യി​ല്‍ 15നും 18​നു​മി​ട​ക്ക്​​ പ്രാ​യ​മു​ള്ള 86.4 ശ​ത​മാ​നം കു​ട്ടി​ക​ള്‍ക്ക് കോ​വി​ഡ് വാ​ക്സി​ന്‍ ന​ല്‍കി​യ​താ​യി ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​കെ. സ​ക്കീ​ന പ​റ​ഞ്ഞു. ഇ​തു​വ​രെ 25,327 കു​ട്ടി​ക​ള്‍ക്കാ​ണ് വാ​ക്സി​ന്‍ ന​ല്‍കി​യ​ത്.

ജി​ല്ല​യി​ല്‍ ജ​നു​വ​രി മൂ​ന്നി​നാ​ണ് കു​ട്ടി​ക​ളു​ടെ വാ​ക്സി​നേ​ഷ​ന്‍ ആ​രം​ഭി​ച്ച​ത്. ഒ​മി​ക്രോ​ണ്‍ സാ​ഹ​ച​ര്യ​ത്തി​ല്‍ പ​ര​മാ​വ​ധി കു​ട്ടി​ക​ള്‍ക്ക് വേ​ഗ​ത്തി​ല്‍ വാ​ക്സി​ന്‍ ന​ല്‍കാ​നാ​യി പ്ര​ത്യേ​ക വാ​ക്സി​നേ​ഷ​ന്‍ ഡ്രൈ​വ് സം​ഘ​ടി​പ്പി​ച്ചാ​ണ് വാ​ക്സി​ന്‍ ന​ല്‍കി​യ​ത്. 16 ദി​വ​സം​കൊ​ണ്ടാ​ണ് ഇ​ത്ര​യ​ധി​കം കു​ട്ടി​ക​ള്‍ക്ക് വാ​ക്സി​ന്‍ ന​ല്‍കാ​ന്‍ സാ​ധി​ച്ച​തെ​ന്നും ഇ​ത് സം​സ്ഥാ​ന​ത​ല​ത്തി​ല്‍ത​ന്നെ ഒ​ന്നാ​മ​താ​ണെ​ന്നും ഡി.​എം.​ഒ വ്യ​ക്ത​മാ​ക്കി.ജി​ല്ല​യി​ല്‍ 14 ശ​ത​മാ​ന​ത്തോ​ളം കു​ട്ടി​ക​ള്‍ മാ​ത്ര​മാ​ണ് ഇ​നി വാ​ക്‌​സി​ന്‍ എ​ടു​ക്കാ​നു​ള്ള​ത്. സം​സ്ഥാ​ന സ​ര്‍ക്കാ​റി​ന്റെ മാ​ര്‍ഗ​നി​ർ​ദേ​ശ​മ​നു​സ​രി​ച്ച് ഒ​രു സ്‌​കൂ​ളി​ല്‍ അ​ഞ്ഞൂ​റി​ല​ധി​കം കു​ട്ടി​ക​ള്‍ വാ​ക്‌​സി​ന്‍ എ​ടു​ക്കാ​നു​ണ്ടെ​ങ്കി​ല്‍ മാ​ത്ര​മേ പ്ര​ത്യേ​ക ക്യാ​മ്പു​ക​ള്‍ ന​ട​ത്തേ​ണ്ട​തു​ള്ളൂ.

ജി​ല്ല​യി​ലെ ഒ​രു സ്‌​കൂ​ളി​ലും ഈ ​സാ​ഹ​ച​ര്യ​മി​ല്ലാ​ത്ത​തി​നാ​ല്‍ വാ​ക്‌​സി​നെ​ടു​ക്കാ​ന്‍ അ​വ​ശേ​ഷി​ക്കു​ന്ന​വ​രെ ക​ണ്ടെ​ത്തി അ​ധ്യാ​പ​ക​രു​ടെ​യും ആ​രോ​ഗ്യ​പ്ര​വ​ര്‍ത്ത​ക​രു​ടെ​യും നേ​തൃ​ത്വ​ത്തി​ല്‍ ഇ​വ​രെ തൊ​ട്ട​ടു​ത്തു​ള്ള വാ​ക്‌​സി​നേ​ഷ​ന്‍ കേ​ന്ദ്ര​ത്തി​ല്‍ എ​ത്തി​ച്ച് വാ​ക്‌​സി​ന്‍ ന​ല്‍കു​ന്ന​തി​നു​ള്ള ക്ര​മീ​ക​ര​ണ​മാ​ണ് ആ​രോ​ഗ്യ​വ​കു​പ്പ് ഒ​രു​ക്കി​യി​രി​ക്കു​ന്ന​തെ​ന്നും ഡി.​എം.​ഒ അ​റി​യി​ച്ചു.

ജി​ല്ല​യി​ല്‍ 7582 പേ​ര്‍ക്ക് ക​രു​ത​ല്‍ ഡോ​സ് വാ​ക്സി​ന്‍ ന​ല്‍കി. ആ​രോ​ഗ്യ​പ്ര​വ​ര്‍ത്ത​ക​ര്‍, കോ​വി​ഡ് മു​ന്ന​ണി പോ​രാ​ളി​ക​ള്‍, 60 വ​യ​സ്സ്​ ക​ഴി​ഞ്ഞ അ​നു​ബ​ന്ധ രോ​ഗ​മു​ള്ള​വ​ര്‍ എ​ന്നി​വ​ര്‍ക്കാ​ണ് ക​രു​ത​ല്‍ വാ​ക്സി​ന്‍ ന​ല്‍കി​യ​ത്. 18 വ​യ​സ്സി​നു മു​ക​ളി​ല്‍ വാ​ക്സി​ന്‍ എ​ടു​ക്കേ​ണ്ട ജ​ന​സം​ഖ്യ​യു​ടെ 100 ശ​ത​മാ​നം പേ​ര്‍ക്ക് ഒ​രു ഡോ​സ് വാ​ക്സി​നും 88 ശ​ത​മാ​നം പേ​ര്‍ക്ക് ര​ണ്ടു ഡോ​സ് വാ​ക്സി​നും ന​ല്‍കി.