സ്‌​കൂ​ളു​ക​ളിൽ ദു​ര​ന്ത​നി​വാ​ര​ണ പ​ദ്ധ​തി വ​രു​ന്നു; മാ​ര്‍ഗ​നി​ർ​ദേ​ശ​ങ്ങ​ള്‍ ക​ല​ക്ട​ര്‍ പു​റ​ത്തി​റ​ക്കി

ക​ൽ​പ​റ്റ: ദേ​ശീ​യ ദു​ര​ന്ത​നി​വാ​ര​ണ മാ​ര്‍ഗ​നി​ര്‍ദേ​ശ​പ്ര​കാ​രം ജി​ല്ല​യി​ലെ മു​ഴു​വ​ന്‍ സ​ര്‍ക്കാ​ര്‍-​എ​യ്ഡ​ഡ്-​സ്വ​കാ​ര്യ വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍ക്കും പ്ര​ത്യേ​ക ദു​ര​ന്ത​നി​വാ​ര​ണ പ​ദ്ധ​തി​ക​ള്‍ ത​യാ​റാ​ക്കു​ന്നു. ഇ​തി​നു​ള്ള മാ​ര്‍ഗ​നി​ർ​ദേ​ശ​ങ്ങ​ള്‍ ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി ചെ​യ​ർ​പേ​ഴ്‌​സ​നാ​യ ക​ല​ക്ട​ര്‍ ഡോ. ​അ​ദീ​ല അ​ബ്​​ദു​ല്ല പു​റ​ത്തി​റ​ക്കി.

•യു.​പി, ഹൈ​സ്‌​കൂ​ള്‍, ഹ​യ​ർ സെ​ക്ക​ന്‍ഡ​റി ഉ​ള്‍പ്പെ​ടെ എ​ല്ലാ സ്‌​കൂ​ളു​ക​ളി​ലും പി.​ടി.​എ​യു​ടെ​യും വി​ദ്യാ​ര്‍ഥി​ക​ളു​ടെ​യും സ​ഹ​ക​ര​ണ​ത്തോ​ടെ വി​വ​ര​ശേ​ഖ​ര​ണം ന​ട​ത്തും. ജി​ല്ല വി​ദ്യാ​ഭ്യാ​സ ഉ​പ​ഡ​യ​റ​ക്ട​റാ​ണ് പ​ദ്ധ​തി ത​യാ​റാ​ക്കു​ന്ന​തി​ന്​ ജി​ല്ല​ത​ല നോ​ഡ​ല്‍ ഓ​ഫി​സ​ര്‍.

ഓ​രോ വി​ദ്യാ​ല​യ​വും പ്ര​ത്യേ​ക നോ​ഡ​ല്‍ ഓ​ഫി​സ​റെ നി​യ​മി​ക്ക​ണം. ഇ​വ​ര്‍ക്ക് ഓ​ണ്‍ലൈ​നാ​യി പ​രി​ശീ​ല​നം ന​ല്‍കും. ഒ​ക്ടോ​ബ​ര്‍ അ​ഞ്ചി​ന​കം പ​ദ്ധ​തി ത​യാ​റാ​ക്ക​ല്‍ പൂ​ര്‍ത്തി​യാ​ക്കാ​നും പ​രി​ശോ​ധ​ന​ക്കു​ശേ​ഷം ഒ​ക്ടോ​ബ​ര്‍ 20 ന​കം ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി​യു​ടെ അം​ഗീ​കാ​രം നേ​ടാ​നു​മാ​ണ് നി​ർ​ദേ​ശം.

•യു.​പി, ഹൈ​സ്‌​കൂ​ള്‍, ഹ​യ​ർ സെ​ക്ക​ന്‍ഡ​റി വി​ഭാ​ഗ​ങ്ങ​ള്‍ ഒ​രേ വ​ള​പ്പി​ലാ​ണെ​ങ്കി​ല്‍ ഒ​രു പ​ദ്ധ​തി ത​യാ​റാ​ക്കി​യാ​ല്‍ മ​തി. കോ​വി​ഡു​മാ​യി ബ​ന്ധ​പ്പെ​ട്ട്​ സ​ര്‍ക്കാ​ര്‍ പു​റ​പ്പെ​ടു​വി​ച്ച എ​ല്ലാ മാ​ര്‍ഗ​നി​ര്‍ദേ​ശ​ങ്ങ​ളും പാ​ലി​ച്ചാ​ണ് ദു​ര​ന്ത​നി​വാ​ര​ണ പ​ദ്ധ​തി ത​യാ​റാ​ക്കേ​ണ്ട​ത്. ജി​ല്ല​യി​ലെ മേ​പ്പാ​ടി, വ​ടു​വ​ന്‍ചാ​ല്‍ എ​ന്നീ സ്‌​കൂ​ളു​ക​ളി​ല്‍ ഇ​തി​ന​കം പ​ദ്ധ​തി ത​യാ​റാ​യി​ട്ടു​ണ്ട്.