കൽപറ്റയിലെ 16 സ്ഥാപനങ്ങളിൽ പരിശോധന

ക​ൽ​പ​റ്റ: ന​ഗ​ര​സ​ഭ സെ​ക്ര​ട്ട​റി​യു​ടെ നേ​തൃ​ത്വ​ത്തി​ൽ ആ​രോ​ഗ്യ വി​ഭാ​ഗം ന​ട​ത്തി​യ പ​രി​ശോ​ധ​ന​യി​ൽ ക​ൽ​പ​റ്റ ടൗ​ണി​ലെ ഹോ​ട്ട​ലു​ക​ൾ ഉ​ൾ​പ്പെ​ടെ​യു​ള്ള ഭ​ക്ഷ്യ​വി​ത​ര​ണ സ്ഥാ​പ​ന​ങ്ങ​ളി​ൽ​നി​ന്ന്​ പ​ഴ​കി​യ ഭ​ക്ഷ​ണം പി​ടി​കൂ​ടി.

16 സ്ഥാ​പ​ന​ങ്ങ​ളി​ൽ പ​രി​ശോ​ധ​ന ന​ട​ത്തി​യ​തി​ൽ ആ​റെ​ണ്ണ​ത്തി​ന്​ നോ​ട്ടീ​സ്​ ന​ൽ​കി. മൂ​ന്ന്​ സ്ഥാ​പ​ന​ങ്ങ​ൾ​ക്ക്​ നി​യ​മ​ങ്ങ​ൾ പാ​ലി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കാ​ൻ ക​ർ​ശ​ന നി​ർ​ദേ​ശം ന​ൽ​കി. സി​വി​ൽ സ്റ്റേ​ഷ​ൻ കാ​ന്‍റീ​ൻ, ഇ​ന്ദ്രി​യ, അ​ഫാ​സ്, രു​ചി മെ​സ്, 1980, ന്യൂ ​ഇ​ന്ത്യ​ൻ കോ​ഫി ഹൗ​സ് തു​ട​ങ്ങി​യ സ്ഥാ​പ​ന​ങ്ങ​ളി​ൽ​നി​ന്നാ​ണ് പ​ഴ​കി​യ ഭ​ക്ഷ​ണ​സാ​ധ​ന​ങ്ങ​ൾ പി​ടി​കൂ​ടി​യ​ത്. ഇ​ന്ദ്രി​യ​യി​ൽ​നി​ന്ന് പ​ഴ​കി​യ മ​ട്ട​നും ചി​ക്ക​നു​മാ​ണ് പി​ടി​ച്ചെ​ടു​ത്ത​ത്.

സി​വി​ൽ സ്റ്റേ​ഷ​നി​ലെ കാ​ന്റീ​നി​ൽ​നി​ന്ന് പ​ഴ​കി​യ നൂ​ൽ​പു​ട്ട്, വെ​ള്ള​പ്പം എ​ന്നി​വ​യും പി​ടി​കൂ​ടി. അ​ഫാ​സ് ഹോ​ട്ട​ലി​ൽ​നി​ന്ന് ക​ട​ല​യും പ​ച്ച​ക്ക​റി വി​ഭ​വ​ങ്ങ​ളു​മാ​ണ് പി​ടി​കൂ​ടി​യ​ത്. ബൈ​പാ​സി​ലെ 1980 ഹോ​ട്ട​ലി​ൽ​നി​ന്ന് പ​ഴ​കി​യ ചി​ക്ക​നും ച​മ്മ​ന്തി​യു​മാ​ണ് ആ​രോ​ഗ്യ​വ​കു​പ്പ് അ​ധി​കൃ​ത​ർ പി​ടി​ച്ചെ​ടു​​ത്ത​ത്. ന്യൂ ​ഇ​ന്ത്യ​ൻ കോ​ഫി ഹൗ​സി​ൽ​നി​ന്ന് പു​ട്ട്, പ​പ്പ​ടം എ​ന്നി​വ പി​ടി​ച്ചെ​ടു​ത്തി​ട്ടു​ണ്ട്.

തു​ട​ർ ദി​വ​സ​ങ്ങ​ളി​ലും ശ​ക്​​ത​മാ​യ പ​രി​ശോ​ധ​ന തു​ട​രു​മെ​ന്ന്​ ന​ഗ​ര​സ​ഭ അ​ധി​കൃ​ത​ർ അ​റി​യി​ച്ചു.