സ്കൂ​ൾ ഗ്രൗ​ണ്ടി​ലെ ഹെ​ലി​പ്പാ​ഡ് പൊ​ളി​ച്ചി​ല്ല; ക​ളിസ്ഥ​ല​മി​ല്ലാ​തെ വി​ദ്യാ​ർ​ഥി​ക​ളും കാ​യി​ക പ്രേ​മി​ക​ളും

ക​ൽ​പ​റ്റ: ഉ​രു​ൾ​പൊ​ട്ട​ൽ ദു​ര​ന്ത​ത്തി​നോ​ടനു​ബ​ന്ധി​ച്ച് പ്ര​ധാ​ന​മ​ന്ത്രി അ​ട​ക്ക​മു​ള്ള വി.​ഐ.​പി​ക​ളു​ടെ സ​ന്ദ​ർ​ശ​ന​ത്തി​നാ​യി എ​സ്.​കെ.​എം ജെ ​സ്കൂ​ൾ ഗ്രൗ​ണ്ടി​ൽ ഒ​രു​ക്കി​യ ഹെ​ലി​പ്പാ​ഡു​ക​ൾ ര​ണ്ടു​മാ​സ​മാ​യി​ട്ടും പൊ​ളി​ച്ചു നീ​ക്കാ​ൻ ന​ട​പ​ടി​യാ​യി​ല്ല.

ക​ഴി​ഞ്ഞ ആ​ഗ​സ്റ്റ് എ​ട്ടി​നാണ് ര​ണ്ട് ഹെ​ലി​പ്പാ​ഡ് സ്ഥാ​പി​ച്ച​ത്. ജി​ല്ല ആ​സ്ഥാ​ന​ത്തെ പ്ര​ധാ​ന ഗ്രൗ​ണ്ട് എ​ന്ന നി​ല​യി​ൽ പ​ല സ​ർ​ക്കാ​ർ പ​രി​പാ​ടി​ക​ൾ​ക്കും വേ​ദി​യാ​വു​ന്ന മൈ​താ​നം കൂ​ടി​യാ​ണ് എ​സ്.​കെ.​എം.​ജെ ഹ​യ​ർ സെ​ക്ക​ൻ​ഡ​റി സ്കൂ​ൾ മൈ​താ​നം.

കേ​ന്ദ്ര ഫ​ണ്ട് ഉ​പ​യോ​ഗി​ച്ച് നി​ർ​മി​ച്ച ഹെ​ലി​പ്പാ​ഡ് പി.​ഡ​ബ്ല്യു.​ഡി അ​ധി​കൃ​ത​രാ​ണ് പൊ​ളി​ച്ചു മാ​റ്റേ​ണ്ട​തെ​ങ്കി​ലും ഇ​തു​വ​രെ അ​നു​മ​തി ല​ഭി​ച്ചി​ല്ലെ​ന്നാ​ണ് വി​വ​രം. ഹെ​ലി​പാ​ഡ് നി​ർ​മി​ച്ച​തോ​ടെ വി​ദ്യാ​ർ​ഥി​ക​ളു​ടെ​യും മ​റ്റു കാ​യി​ക പ്രേ​മി​ക​ളു​ടെ​യും പ​രി​ശീ​ല​നം മു​ട​ങ്ങി​യി​രി​ക്കു​ക​യാ​ണ്. കൂ​ടാ​തെ, സ്ഥി​ര​മാ​യി ഇ​വി​ടെ വെ​ച്ച് ന​ട​ക്കാ​റു​ള്ള എ​സ്.​കെ.​എം.​ജെ സ്കൂ​ളി​ന്റെ ഇ​ത്ത​വ​ണ​ത്തെ കാ​യി​ക മേ​ള പി.​ടി.​എ ഫ​ണ്ടി​ൽ നി​ന്നും 10000 രൂ​പ മു​ട​ക്കി മു​ണ്ടേ​രി സ്റ്റേ​ഡി​യ​ത്തി​ലാ​ണ് ന​ട​ത്തി​യ​ത്. 100 മീ​റ്റ​ർ നീ​ള​വും 50 മീ​റ്റ​ർ വീ​തി​യു​മു​ള്ള മൈ​താ​ന​ത്ത് ഹെ​ലി​പ്പാ​ഡ് വ​ന്ന​തോ​ടെ ഫു​ട്ബാ​ൾ, ക്രി​ക്ക​റ്റ്‌ ഇ​ന​ങ്ങ​ളു​ടെ പ​രി​ശീ​ല​ന​ത്തെ​യാ​ണ് കാ​ര്യ​മാ​യി ബാ​ധി​ച്ച​ത്. ഓ​ട്ട മ​ത്സ​ര​ങ്ങ​ൾ​ക്കാ​യി ട്രാ​ക്കി​ടാ​ൻ പോ​ലു​ം ക​ഴി​യാ​ത്ത അ​വ​സ്ഥ​യാ​ണ്. പി.​ടി.​എ ഫ​ണ്ടി​ൽ നി​ന്നും പ​ണ​മെ​ടു​ത്ത് ട​ർ​ഫി​നേ​യും മ​റ്റു മൈ​താ​ന​ങ്ങ​ളെ​യും ആ​ശ്ര​യി​ച്ചാ​ണ് വി​ദ്യാ​ർ​ഥി​ക​ൾ ജി​ല്ല-​സം​സ്ഥാ​ന കാ​യി​ക മേ​ള​ക​ൾ​ക്കെ​ല്ലാം പ​രി​ശീ​ല​നം ന​ട​ത്തു​ന്ന​ത്.

ക്വാ​റി വേ​സ്റ്റു​ക​ൾ ഉ​പ​യോ​ഗി​ച്ചാ​ണ് ഹെ​ലി​പാ​ഡി​ന്റെ അ​ടി​ത്ത​റ​യും ഹെ​ലി​പാ​ഡി​ലേ​ക്കെ​ത്താ​നു​ള്ള പാ​ത​യും നി​ർ​മി​ച്ചി​രി​ക്കു​ന്ന​ത്. ക​ളി​ക്കു​ന്ന​തി​നി​ട​യി​ൽ വി​ദ്യാ​ർ​ഥി​ക​ളു​ടെ കാ​ലി​ലും മ​റ്റും മു​റി​വ് പ​റ്റു​ന്ന​തും നി​ത്യ സം​ഭ​വ​മാ​യി​രി​ക്കു​ക​യാ​ണ്. താ​ൽ​കാ​ലി​ക​മാ​യി നി​ർ​മി​ച്ച ഹെ​ലി​പാ​ഡ് മു​ഴു​വ​നാ​യും പൊ​ളി​ച്ചു നീ​ക്കി മൈ​താ​നം പ​ഴ​യ രൂ​പ​ത്തി​ലാ​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ലെ​ന്നും വി​ദ്യാ​ർ​ഥി​ക​ളേ​യും കാ​യി​ക പ്രേ​മി​ക​ളെ അ​വ​ഗ​ണി​ക്കു​ക​യാ​ണെ​ന്നും നാ​ട്ടു​കാ​ർ പ​റ​യു​ന്നു