കുട്ടികളെ ഉപദ്രവിക്കാന് ശ്രമിച്ച കേസില് യുവാവിന് തടവും പിഴയും
text_fieldsമധു
കല്പറ്റ: സ്കൂള് പരിസരത്ത് കളിച്ചു കൊണ്ടിരുന്ന കുട്ടികളെ ലൈംഗികമായി ഉപദ്രവിക്കാന് ശ്രമിച്ചയാളിന് രണ്ടരവര്ഷം കഠിന തടവും 7000 രൂപ പിഴയും. നടവയല് സ്വദേശിയായ മധുവിനെയാണ് (37) കല്പറ്റ അതിവേഗ സ്പെഷല് കോടതി ജഡ്ജി കെ.ആര്. സുനില്കുമാര് ശിക്ഷിച്ചത്. 2022ല് രജിസ്റ്റര് ചെയ്ത കേസിലാണ് വിധി.
ഒരു മാസം മുമ്പ് സമാനമായ മറ്റൊരു കേസിലും മധുവിനെ അഞ്ചു വര്ഷത്തെ കഠിനതടവിന് ശിക്ഷിച്ചിരുന്നു. 2022 ആഗസ്റ്റിലാണ് കേസിനാസ്പദമായ സംഭവം. സ്കൂള് പരിസരത്ത് കളിച്ചുകൊണ്ടിരുന്ന നാല് കുട്ടികളെയാണ് ഉപദ്രവിക്കാന് ശ്രമിച്ചത്. അന്നത്തെ പനമരം പൊലീസ് ഇന്സ്പെക്ടര് എസ്.എച്ച്.ഒ ആയിരുന്ന കെ.എ. എലിസബത്താണ് കേസിലെ ആദ്യാന്വേഷണം നടത്തിയിരുന്നത്.
പിന്നീട് സബ് ഇൻസ്പെക്ടർ വിമൽ ചന്ദ്രനാണ് അന്വേഷണം പൂർത്തിയാക്കി കോടതിയിൽ കുറ്റപത്രം സമര്പ്പിച്ചത്. പ്രോസിക്യൂഷന് വേണ്ടി പബ്ലിക്ക് പ്രോസിക്യൂട്ടര് അഡ്വ. ജി. ബബിത ഹാജരായി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.