വ്യാജ രേഖകളുപയോഗിച്ച് കെ.എസ്.എഫ്.ഇ ലോൺ; പ്രതിക്ക് ജപ്തി നോട്ടീസ്

കൽ​പ​റ്റ: സ്ഥ​ലം വ്യാ​ജ രേ​ഖ​ക​ൾ സ​മ​ർ​പ്പി​ച്ചു സ്വ​ന്തം പേ​രി​ലാ​ക്കു​ക​യും വ്യാ​ജ പ​ട്ട​യ​വും ആ​ധാ​ര​വും നി​ർ​മി​ച്ച് 14.20 ല​ക്ഷം രൂ​പ ലോ​ണെ​ടു​ക്കു​ക​യും ചെ​യ്ത​യാ​ൾ​ക്കു കെ.​എ​സ്.​എ​ഫ്.​ഇ​യു​ടെ ജ​പ്തി നോ​ട്ടീ​സ്. ല​ക്കി​ടി സ്വ​ദേ​ശി അ​ബൂ​ബ​ക്ക​റി​നാ​ണ് നോ​ട്ടീ​സ് ന​ൽ​കി​യി​രി​ക്കു​ന്ന​ത്. നി​കു​തി​യ​ട​ക്കാ​തെ കി​ട​ന്ന അ​യ​ൽ​വാ​സി​യു​ടെ സ്ഥ​ലത്തിന് റ​വ​ന്യൂ വ​കു​പ്പി​ലെ ചി​ല ഉ​ദ്യോ​ഗ​സ്ഥ​രു​ടെ ഒ​ത്താ​ശ​യോ​ടെ എ​ട്ടു വ​ർ​ഷം മു​മ്പ് സ്വ​ന്തം പേ​രി​ൽ പ​ട്ട​യ​വും ആ​ധാ​ര​വും ഉ​ണ്ടാ​ക്കു​ക​യും നി​കു​തി​ശീ​ട്ട് ശ​രി​പ്പെ​ടു​ത്തു​ക​യും ഈ ​രേ​ഖ​ക​ൾ സ​മ​ർ​പ്പി​ച്ച് കെ.​എ​സ്.​എ​ഫ്.​ഇ​യി​ൽ നി​ന്നും ലോ​ണെ​ടു​ത്തെ​ന്നുമാണ് പ​രാ​തി.

ഇ​തി​നി​ടെ സ്ഥ​ല​ത്തി​ന്റെ യ​ഥാ​ർ​ഥ ഉ​ട​മ​ക​ൾ വി​വ​രാ​വ​കാ​ശ നി​യ​മ​മ​നു​സ​രി​ച്ചു രേ​ഖ​ക​ൾ ശേ​ഖ​രി​ച്ച് പ​രാ​തി ന​ൽ​കു​ക​യും വി​ശ​ദ​മാ​യ അ​ന്വേ​ഷ​ണ​ത്തി​ന് ശേ​ഷം സ്ഥ​ല​ത്തി​ന് നി​കു​തി​യ​ട​ക്കു​ക​യും ചെ​യ്തു. 2010ലാ​ണ് സം​ഭ​വ​ങ്ങ​ളു​ടെ തു​ട​ക്കം. ഏ​റെക്കാലം നി​കു​തി​യ​ട​ക്കാ​തി​രു​ന്ന ല​ക്കി​ടി അ​റ​മ​ല​യി​ലെ സ്ഥ​ല​ത്തി​ന്റെ യ​ഥാ​ർ​ഥ ഉ​ട​മ​ക​ൾ നി​കു​തി​യ​ട​ക്കാ​ൻ വി​ല്ലേ​ജ് ഓ​ഫി​സി​ലെ​ത്തി​യ​പ്പോ​ൾ സ്ഥ​ലം കേ​സി​ലാ​ണെ​ന്നും മ​റ്റും പ​റ​ഞ്ഞു നി​കു​തി​യെ​ടു​ക്കാ​തെ ഓ​ഫി​സി​ൽനി​ന്ന് തി​രി​ച്ച​യ​ക്കു​ക​യാ​യി​രു​ന്നു.

നി​കു​തി​യ​ട​ക്കാ​തെ കി​ട​ന്ന സ്ഥ​ല​ത്തി​ന് സൈ​റ്റ് പ്ലാ​ൻ ഉ​ണ്ടാ​ക്കി പ​ട്ട​യം ഉ​ണ്ടാ​ക്കു​ക​യും പി​ന്നീ​ട് പ്ര​തി​യു​ടെ പേ​രി​ൽ ര​ജി​സ്റ്റ​ർ ചെ​യ്യു​ക​യു​മാ​യി​രു​ന്നു. ഇ​തി​നു വി​ല്ലേ​ജ് ഓ​ഫി​സി​ലെ ചി​ല ഉ​ദ്യോ​ഗ​സ്ഥ​ർ സ​ഹാ​യം ചെ​യ്തെ​ന്നും ആ​രോ​പ​ണ​മു​ണ്ട്. പു​തി​യ നി​കു​തി അ​ട​ച്ച ര​ശീ​ത് കെ.​എ​സ്.​എ​ഫ്.​ഇ അ​ധി​കൃ​ത​ർ ആ​വ​ശ്യ​പ്പെ​ട്ട​തോ​ടെ​യാ​ണ് സ്ഥ​ല​ത്തി​ന്റെ രേ​ഖ​ക​ൾ വ്യാ​ജ​മാ​യി ഉ​ണ്ടാ​ക്കി​യ​തെ​ന്ന് തെ​ളി​ഞ്ഞ​ത്.

തു​ട​ർ​ന്ന് കെ.​എ​സ്.​എ​ഫ്.​ഇ അ​ധി​കൃ​ത​ർ വീ​ണ്ടും പൊ​ലീ​സി​ൽ പ​രാ​തി ന​ൽ​കു​ക​യും സ്ഥാ​പ​ന​ത്തി​ന്റെ കോ​ഴി​ക്കോ​ട് റീ​ജന​ൽ ഓ​ഫി​സ് റ​വ​ന്യൂ റി​ക്ക​വ​റി വി​ഭാ​ഗം പ്ര​തി​യു​ടെ വീ​ടും സ്ഥ​ല​വും ജ​പ്തി ചെ​യ്യാ​ൻ ഉ​ത്ത​ര​വി​ടു​ക​യു​മാ​യി​രു​ന്നു. റ​വ​ന്യൂ ഉ​ദ്യോ​ഗ​സ്ഥ​ർ​ക്കെ​തി​രെ​യും ന​ട​പ​ടി​യു​ണ്ടാ​കാ​നി​ട​യു​ണ്ട്. നി​ല​വി​ൽ ക​ൽ​പ​റ്റ ഡി.​വൈ.​എ​സ്‍പി ഓ​ഫി​സി​നു കീ​ഴി​ലാ​ണ് അ​ന്വേ​ഷ​ണം ന​ട​ക്കു​ന്ന​ത്.