കു​ടി​വെ​ള്ള​ത്തി​നാ​യി ഒ​ത്തി​രി ദൂ​രം താ​ണ്ട​ണം: വ​ര​ട്ടി​യാ​ൽ​കു​ന്ന് കോ​ള​നി​ക്ക് ദാ​ഹി​ക്കു​ന്നു

ക​ൽ​പ​റ്റ: പ​തി​റ്റാ​ണ്ടു​ക​ളാ​യി രൂ​ക്ഷ​മാ​യ കു​ടി​വെ​ള്ള ക്ഷാ​മം അ​നു​ഭ​വി​ക്കു​ക​യാ​ണ് പ​ടി​ഞ്ഞാ​റ​ത്ത​റ പ​ഞ്ചാ​യ​ത്തി​ലെ വ​ര​ട്ടി​യാ​ൽ​കു​ന്ന് കോ​ള​നി​വാ​സി​ക​ൾ. കു​ടി​വെ​ള്ള പ​ദ്ധ​തി​ക്കു​ള്ള ശ്ര​മം വാ​ർ​ഡ് മെം​ബ​റു​ടെ നേ​തൃ​ത്വ​ത്തി​ൽ ന​ട​ക്കു​ന്നു​ണ്ടെ​ങ്കി​ലും സാ​​ങ്കേ​തി​ക​ത്വ​ങ്ങ​ളി​ൽ കു​ടു​ങ്ങി യാ​ഥാ​ർ​ഥ്യ​മാ​വാ​ത്ത​തി​നാ​ൽ, കു​റ​ച്ച​ക​ലെ​യു​ള്ള സ്കൂ​ളി​ന്റെ കി​ണ​റി​ൽ​നി​ന്നാ​ണ് ഇ​വ​ർ ദി​വ​സ​വും ത​ല​ച്ചു​മ​ടാ​യി വെ​ള്ളം വീ​ടു​ക​ളി​ൽ എ​ത്തി​ക്കു​ന്ന​ത്.

ദു​രി​ത​പൂ​ർ​ണ​മാ​യ ജീ​വി​ത​ത്തി​ന് എ​ന്ന് മു​ക്തി നേ​ടു​മെ​ന്ന ആ​ശ​ങ്ക​യി​ലാ​ണി​വ​ർ. പ​ടി​ഞ്ഞാ​റ​ത്ത​റ കു​റു​മ​ണി വാ​ർ​ഡി​ലെ ഈ ​കോ​ള​നി​യി​ൽ 147 പേ​രാ​ണു​ള്ള​ത്. 24 വീ​ടു​ക​ളി​ലാ​യി 35 കു​ടും​ബ​ങ്ങ​ളാ​ണ് താ​മ​സി​ക്കു​ന്നു​ണ്ട്. ഇ​തി​ൽ 11 കു​ടും​ബ​ങ്ങ​ൾ​ക്ക് വീ​ടു​മി​ല്ല.

കോ​ള​നി​യി​ൽ ആ​കെ​യു​ള്ള ര​ണ്ട് കി​ണ​റു​ക​ളി​ൽ ഒ​ന്ന് നി​ർ​മി​ച്ച് ഒ​രു വ​ർ​ഷ​മാ​വു​ന്ന​തി​ന് മു​മ്പ് വ​റ്റി​പ്പോ​യി. പി​ന്നീ​ട് ഇ​വ​ർ​ക്ക് ഇ​തി​ൽ​നി​ന്ന് വെ​ള്ളം ല​ഭി​ച്ചി​ട്ടി​ല്ല.

ര​ണ്ടാ​മ​ത്തെ കി​ണ​റി​ൽ വെ​ള്ള​മു​ണ്ടെ​ങ്കി​ലും മ​ലി​ന​മാ​യ​തി​നാ​ൽ കു​ടി​ക്കാ​നും പാ​ച​ക ആ​വ​ശ്യ​ത്തി​നും ഉ​പ​യോ​ഗി​ക്കാ​നാ​വി​ല്ല. ഈ ​കി​ണ​റും വേ​ന​ൽ ക​ന​ക്കു​ന്ന​തോ​ടെ എ​ല്ലാ വ​ർ​ഷ​വും വ​റ്റാ​റു​ണ്ടെ​ന്ന് കോ​ള​നി​വാ​സി​ക​ൾ പ​റ​യു​ന്നു. വി​വി​ധ ആ​വ​ശ്യ​ങ്ങ​ൾ​ക്കാ​യി പു​ഴ​​യെ​യാ​ണ് ആ​ശ്ര​യി​ച്ച് വ​രു​ന്ന​ത്.

കു​ടി​ക്കാ​നും പാ​ച​ക ആ​വ​ശ്യ​ത്തി​നു​മു​ള്ള​ത് കു​പ്പാ​ടി​ത്ത​റ എ​സ്.​എ.​എ​ൽ.​പി സ്കൂ​ളി​ന്റെ കി​ണ​റി​ൽ​നി​ന്നും ശേ​ഖ​രി​ച്ച് ത​ല​ച്ചു​മ​ടാ​യി കൊ​ണ്ടു​വ​ര​ണം. അ​ധി​കൃ​ത​രോ​ട് പ​രാ​തി പ​റ​ഞ്ഞ് മ​ടു​ത്തി​രി​ക്കു​ക​യാ​ണ് കോ​ള​നി​വാ​സി​ക​ൾ.

പ​ടി​ഞ്ഞാ​റ​ത്ത​റ പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ കോ​ള​നി​യി​ലേ​ക്ക് കു​ടി​വെ​ള്ള​മെ​ത്തി​ക്കാ​ൻ പ​ദ്ധ​തി ത​യാ​റാ​ക്കി​യി​രു​ന്നെ​ങ്കി​ലും അ​ത് മു​ട​ങ്ങി​യ നി​ല​യി​ലാ​ണ്. എം.​എ​ൽ.​എ ഫ​ണ്ട് ല​ഭി​ച്ചാ​ൽ അ​ടു​ത്ത വ​ർ​ഷ​മേ പ​ദ്ധ​തി ആ​രം​ഭി​ക്കാ​നാ​വൂ. വേ​ന​ൽ ക​ന​ക്കു​ന്ന​തോ​ടെ കോ​ള​നി​യി​ലെ കി​ണ​ർ വ​റ്റാ​നും സ്കൂ​ളി​ലെ കി​ണ​റി​ൽ വെ​ള്ളം കു​റ​യാ​നും സാ​ധ്യ​ത​യു​ണ്ട്.

ജ​ന​പ്ര​തി​നി​ധി​ക​ളും രാ​ഷ്ട്രീ​യ പാ​ർ​ട്ടി​ക​ളു​മെ​ല്ലാം ഇ​ട​പെ​ട്ട് കോ​ള​നി​യി​ൽ കു​ടി​വെ​ള്ളം ല​ഭ്യ​മാ​ക്ക​ണ​മെ​ന്നാ​ണ് ആ​വ​ശ്യം. നി​ല​വി​ലെ കി​ണ​ർ വൃ​ത്തി​യാ​ക്കി മാ​ലി​ന്യം ത​ള്ളാ​ൻ ക​ഴി​യാ​ത്ത​വി​ധം ഇ​രു​മ്പ് വ​ല സ്ഥാ​പി​ച്ചാ​ലും കു​ടി​വെ​ള്ള പ്ര​ശ്നം ഭാ​ഗി​ക​മാ​യെ​ങ്കി​ലും പ​രി​ഹ​രി​ക്ക​പ്പെ​ടും.

വി​ദ്യാ​ല​യ​ങ്ങ​ളി​ൽ എ​ത്താ​തെ വി​ദ്യാ​ർ​ഥി​ക​ൾ

കോ​ള​നി​യി​ൽ 27 വി​ദ്യാ​ർ​ഥി​ക​ളു​ണ്ട്. 14 പേ​ർ എ​ൽ.​പി​യി​ലും യു.​പി​യി​ൽ ആ​റു​പേ​രും ഹൈ​സ്കൂ​ളി​ൽ ആ​റു​പേ​രും ഹ​യ​ർ​ സെ​ക്ക​ൻ​ഡ​റി​യി​ൽ ഒ​രാ​ളും പ​ഠി​ക്കു​ന്നു. യു.​പി മു​ത​ലു​ള്ള ക്ലാ​സു​ക​ളി​ലെ വി​ദ്യാ​ർ​ഥി​ക​ൾ പ​ല​പ്പോ​ഴും വി​ദ്യാ​ല​യ​ങ്ങ​ളി​ൽ എ​ത്താ​ത്ത സ്ഥി​തി​യാ​ണ്.

ഗോ​ത്ര​സാ​ര​ഥി പ​ദ്ധ​തി​യി​ൽ വാ​ഹ​ന​ങ്ങ​ൾ കോ​ള​നി​യി​ലെ​ത്തു​മെ​ങ്കി​ലും കു​ട്ടി​ക​ൾ സ്കൂ​ളി​ൽ പോ​വാ​ത്ത​തും പ​തി​വാ​ണ്. എ​ൽ.​പി സ്കൂ​ൾ കോ​ള​നി​ക്ക് സ​മീ​പ​ത്തു​ത​ന്നെ ആ​യ​തി​നാ​ൽ, അ​ധ്യാ​പ​ക​രു​ടേ​യും ശ്ര​ദ്ധ​യു​ണ്ടാ​വു​ന്ന​തി​നാ​ൽ കു​ട്ടി​ക​ൾ സ്കു​ളി​ൽ എ​ത്തു​ന്നു​ണ്ട്.

യു.​പി മു​ത​ലു​ള്ള​വ​ർ പ​ഠി​ക്കു​ന്ന​ത് കി​ലോ​മീ​റ്റ​റു​ക​ൾ​ക്ക് അ​പ്പു​റ​മു​ള്ള പ​ടി​ഞ്ഞാ​റ​ത്ത​റ സ്കൂളിലാണ്. ചി​ല​പ്പോ​ഴൊ​ക്കെ അ​ധ്യാ​പ​ക​ർ നേ​രി​ട്ട് ഇ​വി​ടെ എ​ത്താ​റു​ണ്ടെ​ങ്കി​ലും കു​ട്ടി​ക​ൾ സ്കൂ​ളി​ൽ പോ​വാ​ത്ത​ത് തു​ട​രു​ക​യാ​ണ്. അ​ഞ്ച് വി​ദ്യാ​ർ​ഥി​ക​ൾ ഇ​ത്ത​വ​ണ എ​സ്.​എ​സ്.​എ​ൽ​.സി പ​രീ​ക്ഷ എ​ഴു​തു​ന്ന​വ​രാ​ണ്. ഇ​വ​ര​ട​ക്കം കൃ​ത്യ​മാ​യി സ്കൂ​ളി​ൽ എ​ത്താ​ത്ത​ത് തു​ട​ർ​ക്ക​ഥ​യാ​ണ്.

മൂ​ന്നു​പേ​ർ ക്ലാ​സി​ലെ​ത്തു​ന്ന​ത് അ​പൂ​ർ​വ​മാ​ണ്. ഇ​ത് സ്കൂ​ളി​ന്റെ എ​സ്.​എ​സ്.​എ​ൽ.​സി ഫ​ല​ത്തെ​വ​രെ ബാ​ധി​ക്കു​മെ​ന്ന ആ​ശ​ങ്ക​യു​ണ്ട്. ഇ​വ​രെ സ്ഥി​ര​മാ​യി സ്കൂ​ളി​ലെ​ത്തി​ക്കാ​നു​ള്ള ക്രി​യാ​ത്മ​ക ഇ​ട​പെ​ട​ൽ വി​ദ്യാ​ഭ്യാ​സ വ​കു​പ്പി​ലെ ഉ​ന്ന​ത​രി​ൽ​നി​ന്ന​ട​ക്കം ഉ​ണ്ടാ​വ​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.

കു​ടി​വെ​ള്ള പ​ദ്ധ​തി​യി​ൽ ഉ​ദ്യോ​ഗ​സ്ഥ അ​നാ​സ്ഥ​യെ​ന്ന്

വ​ര​ട്ടി​യാ​ൽ​കു​ന്ന് കു​ടി​വെ​ള്ള പ​ദ്ധ​തി യാ​ഥാ​ർ​ഥ്യ​മാ​വാ​ത്ത​തി​ൽ ഉ​ദ്യോ​ഗ​സ്ഥ​രു​ടെ അ​നാ​സ്ഥ​യും കാ​ര​ണ​മാ​ണെ​ന്ന് വാ​ർ​ഡം​ഗ​വും പ​ടി​ഞ്ഞാ​റ​ത്ത​റ പ​ഞ്ചാ​യ​ത്ത് വൈ​സ് പ്ര​സി​ഡ​ന്റു​മാ​യ ഗി​രി​ജ കൃ​ഷ്ണ ആ​രോ​പി​ച്ചു.

കോ​ള​നി​യി​ൽ കു​ടി​വെ​ള്ളം എ​ത്തി​ക്കാ​ൻ എം.​പി, എം.​എ​ൽ.​എ ഫ​ണ്ടു​ക​ൾ ​ഉ​പ​യോ​ഗി​ച്ച് 42 ല​ക്ഷ​ത്തി​ന്റെ പ​ദ്ധ​തി ത​യാ​റാ​ക്കി​യി​രു​ന്നു. തു​ട​ർ​ന്ന് കി​ണ​റി​ന് സ്ഥ​ലം ല​ഭ്യ​മാ​ക്ക​ണ​മെ​ന്ന് ജ​ല അ​തോ​റി​റ്റി അ​ധി​കൃ​ത​ർ ആ​വ​ശ്യ​പ്പെ​ട്ടു. പി​ന്നീ​ട്, ഉ​ല​ഹ​ന്നാ​ൻ എ​ന്ന വ്യ​ക്തി സൗ​ജ​ന്യ​മാ​യി ന​ൽ​കി​യ സ്ഥ​ല​ത്തി​ന്റെ രേ​ഖ​ക​ൾ അ​ധി​കൃ​ത​ർ​ക്ക് കൈ​മാ​റി.

എ​ന്നി​ട്ടും പ​ദ്ധ​തി പ്രാ​വ​ർ​ത്തി​ക​മാ​ക്കാ​ൻ ജ​ല അ​തോ​റി​റ്റി അ​ധി​കൃ​ത​ർ ത​യാ​റാ​യി​ല്ല. ജ​ൽ​ജീ​വ​ൻ മി​ഷ​ൻ പ​ദ്ധ​തി വ​രു​മെ​ന്ന് പ​റ​ഞ്ഞ് നീ​ട്ടി​ക്കൊ​ണ്ടു​പോ​വു​ക​യാ​യി​രു​ന്നു. പി​ന്നീ​ട്, പ​ദ്ധ​തി ന​ട​ത്തി​പ്പി​ന് ജ​ന​കീ​യ ക​മ്മി​റ്റി രൂ​പ​വ​ത്ക​രി​ക്കാ​ൻ ആ​വ​ശ്യ​പ്പെ​ട്ടു. ഇ​തി​നി​ട​യി​ൽ എം.​പി ഫ​ണ്ട് കാ​ലാ​വ​ധി ക​ഴി​ഞ്ഞ​തി​നാ​ൽ ലാ​പ്സാ​യി.

പ​ദ്ധ​തി ആ​രം​ഭി​ക്കാ​ൻ അ​ഞ്ച് ല​ക്ഷം രൂ​പ ഫ​ണ്ട് ന​ൽ​കാ​ൻ നി​ല​വി​ലെ എം.​എ​ൽ.​എ ടി. ​സി​ദ്ദീ​ഖ് സ​ന്ന​ദ്ധ​മാ​ണെ​ങ്കി​ലും അ​പേ​ക്ഷ സ​മ​ർ​പ്പി​ക്കു​ന്ന​തി​ന് മു​മ്പുത​ന്നെ എം.​എ​ൽ.​എ​യു​ടെ ഈ ​വ​ർ​ഷ​ത്തെ പ്ലാ​ൻ ഫ​ണ്ട് വി​ഹി​തം ക​ഴി​ഞ്ഞി​രു​ന്നു. അ​തി​നാ​ൽ അ​ടു​ത്ത വ​ർ​ഷം തു​ക വ​ക​യി​രു​ത്തി പ​ദ്ധ​തി ന​ട​പ്പാ​ക്കാ​ൻ ക​ഴി​യു​മെ​ന്നാ​ണ് പ്ര​തീ​ക്ഷി​ക്കു​ന്ന​​തെ​ന്നും ഗി​രി​ജ കൃ​ഷ്ണ പ​റ​ഞ്ഞു.

വെ​ള്ളം ന​ൽ​ക​ൽ സ്കൂ​ളി​നും ബാ​ധ്യ​ത

കോ​ള​നി​യി​ലു​ള്ള​വ​ർ സ്ഥി​ര​മാ​യി എ​ൽ.​പി സ്കൂ​ളി​ലെ കി​ണ​റി​നെ ആ​ശ്ര​യി​ക്കു​ന്ന​ത് വി​ദ്യാ​ല​യ​ത്തി​ലെ ഭ​ക്ഷ​ണം പാ​ച​കം ചെ​യ്യു​ന്ന​തി​നെ​യ​ട​ക്കം വേ​ന​ൽ ക​ഠി​ന​മാ​വു​ന്ന മാ​സ​ങ്ങ​ളി​ൽ ബാ​ധി​ക്കാ​റു​ണ്ടെ​ന്ന് അ​ധി​കൃ​ത​ർ വ്യ​ക്ത​മാ​ക്കു​ന്നു.

ഫെ​ബ്രു​വ​രി, മാ​ർ​ച്ച് മാ​സ​ങ്ങ​ളി​ൽ സ്കൂ​ൾ കി​ണ​റി​ൽ വെ​ള്ളം കു​റ​യു​ന്ന​തി​നാ​ൽ കോ​ള​നി​യി​ലു​ള്ള​വ​ർ വെ​ള്ളം ശേ​ഖ​രി​ക്കു​ന്ന​തി​ൽ നി​യ​ന്ത്ര​ണം ഏ​ർ​പ്പെ​ടു​ത്താ​റു​ണ്ട്. കോ​ള​നി​വാ​സി​ക​ൾ​ക്ക് കു​ടി​വെ​ള്ള സൗ​ക​ര്യം ല​ഭ്യ​മാ​വ​ൽ സ്കൂ​ളി​ന്റെകൂ​ടി ആ​വ​ശ്യ​മാ​യി മാ​റു​ക​യാ​ണ്.