സ്വ​ന്തം കെ​ട്ടി​ട​മി​ല്ല, ജീ​വ​ന​ക്കാ​ർ​ക്ക് തുച്ചമാ​യ വേ​ത​നം; ചോ​ദ്യ​ചി​ഹ്ന​മാ​യി മ​ഹി​ള ശി​ക്ഷ​ൺ കേ​ന്ദ്രം

ക​ൽ​പ​റ്റ: ഗോ​ത്ര​വി​ഭാ​ഗ​ക്കാ​രാ​യ വി​ദ്യാ​ർ​ഥി​നി​ക​ളു​ടെ പ​ഠ​ന​നി​ല​വാ​രം മെ​ച്ച​പ്പെ​ടു​ത്താ​ൻ ആ​രം​ഭി​ച്ച മ​ഹി​ള ശി​ക്ഷ​ൺ കേ​ന്ദ്ര​ത്തി​ന്റെ നി​ല​നി​ൽ​പ് അ​വ​താ​ള​ത്തി​ൽ. അ​ഞ്ചു​കു​ന്ന് ആ​റാം മൈ​ലി​ൽ പ്ര​വ​ർ​ത്തി​ക്കു​ന്ന കേ​ന്ദ്ര​ത്തി​ന് സ്വ​ന്ത​മാ​യി കെ​ട്ടി​ട​മോ സൗ​ക​ര്യ​ങ്ങ​ളോ ഇ​ല്ല.

25 ഓ​ളം കു​ട്ടി​ക​ളു​ള്ള മ​ഹി​ള ശി​ക്ഷ​ൺ കേ​ന്ദ്രം വാ​ട​കക്കെ​ട്ടി​ട​ത്തി​ലാ​ണ് പ്ര​വ​ർ​ത്തി​ക്കു​ന്ന​ത്. വി​ദ്യാ​ഭ്യാ​സ വ​കു​പ്പി​നു കീ​ഴി​ൽ ഡി​സ്ട്രി​ക് പ്രോ​ജ​ക്ട് കോ​ഓഡി​നേ​ഷ​ന്‍റെ ഭാ​ഗ​മാ​യാ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത്. വി​ദ്യാ​ഭ്യാ​സ​പ​ര​മാ​യി പി​ന്നാ​ക്കം നി​ൽ​ക്കു​ന്ന പ​ണി​യ, അ​ടി​യ, കു​റു​മ, കു​റി​ച്യ​ർ വി​ഭാ​ഗ​ങ്ങ​ളി​ലെ 14നും 18​നും ഇ​ട​യി​ൽ പ്രാ​യ​മു​ള്ള പെ​ൺ​കു​ട്ടി​ക​ൾ​ക്ക് വി​ദ്യാ​ഭ്യാ​സം ഉ​റ​പ്പാ​ക്കി ജീ​വി​ത നി​ല​വാ​രം ഉ​യ​ർ​ത്തു​ക എ​ന്ന​താ​ണ് പ​ദ്ധ​തി​യു​ടെ ല​ക്ഷ്യം.

സ​ർ​ക്കാ​ർ സ്വ​ന്ത​മാ​യി ഇ​വ​ർ​ക്ക് കെ​ട്ടി​ടം നി​ർ​മിച്ച് ന​ൽ​ക​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. ശി​ക്ഷ​ൺ കേ​ന്ദ്ര​ത്തി​ൽ നി​യോ​ഗി​ക്ക​പ്പെ​ട്ട അ​ധ്യാ​പി​ക​മാ​രു​ടെ​യും മ​റ്റ് ജീ​വ​ന​ക്കാ​രു​ടെ​യും സ്ഥി​തി വ​ള​രെ പ​രി​താ​പ​ക​ര​മാ​ണ്. രാ​വും പ​ക​ലു​മെ​ന്നോ​ണം ഇ​വി​ടെ താ​മ​സി​ച്ച് പ്ര​വ​ർ​ത്തി​ക്കു​ന്ന ജീ​വ​ന​ക്കാ​ർ​ക്ക് തുച്ചമാ​യ വേ​ത​ന​മാ​ണ് ല​ഭി​ക്കു​ന്ന​ത്. റെ​സി​ഡ​ൻ​ഷ്യ​ൽ ടീ​ച്ച​ർ​ക്ക് ഒ​രു ദി​വ​സം കി​ട്ടു​ന്ന​ത് വെ​റും 350 രൂ​പ​യാ​ണ്. അ​ഡി​ഷ​ന​ൽ ടീ​ച്ച​ർ​ക്ക് 300 രൂ​പ​യും 30 ലേ​റെ പേ​ർ​ക്ക് നാ​ലു​നേ​രം ഭ​ക്ഷ​ണ​മു​ണ്ടാ​ക്കു​ന്ന പാ​ച​ക​ക്കാ​രി​ക്ക് 275 രൂ​പ​യു​മാ​ണ് വേ​ത​നം. ശു​ചീ​ക​ര​ണ ജീ​വ​ന​ക്കാ​രി​ക്ക് വെ​റും 200 രൂ​പ​യാ​ണ് ശ​മ്പ​ളം. അ​തും മൂ​ന്നും നാ​ലും മാ​സം കൂ​ടു​മ്പോ​ഴാ​ണ് ല​ഭി​ക്കു​ന്ന​ത്.

ജീ​വ​ന​ക്കാ​രു​ടെ വേ​ത​നം വ​ർ​ധി​പ്പി​ക്കാ​നാ​യി വ​കു​പ്പ് മ​ന്ത്രി​ക്ക​ട​ക്കം മു​മ്പ് നി​വേ​ദ​നം ന​ൽ​കി​യി​രു​ന്നു. എ​ന്നാ​ൽ, ഇ​തു​വ​രെ ന​ട​പ​ടി​യൊ​ന്നു​മു​ണ്ടാ​യി​ട്ടി​ല്ല.