എൻ.ജി.ഒ അസോസിയേഷൻ നേതാവിന്റെ സ്ഥലം മാറ്റം പരാതിയെ തുടർന്ന്

ക​ൽ​പ​റ്റ: എ​ൻ.​ജി.​ഒ അ​സോ​സി​യേ​ഷ​ൻ ജി​ല്ല പ്ര​സി​ഡ​ന്റ് കെ.​ടി. ഷാ​ജി​യെ സ്ഥ​ലം മാ​റ്റി​യ​തി​ന് പി​ന്നി​ൽ ജോ​ലി​യു​മാ​യി ബ​ന്ധ​പ്പെ​ട്ട് ല​ഭി​ച്ച പ​രാ​തി​ക​ളെ​ന്ന് വി​വ​രം. ജി​ല്ല ഇ​ന്‍ഫ​ര്‍മേ​ഷ​ന്‍ ആ​ൻ​ഡ് പ​ബ്ലി​ക് റി​ലേ​ഷ​ന്‍സ് ഓ​ഫി​സി​ലെ സീ​നി​യ​ര്‍ ക്ല​ര്‍ക്കാ​യി​രു​ന്ന ഷാ​ജി​യെ ജി​ല്ല ക​ല​ക്ട​റു​ടെ നി​ര്‍ദേ​ശ​പ്ര​കാ​രം എ.​ഡി.​എം ആ​ണ് ക​ഴി​ഞ്ഞ ചൊ​വ്വാ​ഴ്ച സ്ഥ​ലം​മാ​റ്റി​യ​ത്. സ​ര്‍ക്കാ​റി​ന്റെ നാ​ലാം വാ​ര്‍ഷി​ക​ത്തോ​ട​നു​ബ​ന്ധി​ച്ചു​ള്ള ജോ​ലി​യി​ൽ ഷാ​ജി കൃ​ത്യ​മാ​യി ഹാ​ജ​രാ​വാ​ത്ത​താ​ണ് സ്ഥ​ലം മാ​റ്റ​ത്തി​ന് കാ​ര​ണ​മെ​ന്നാ​ണ് പ​റ​യു​ന്ന​ത്.

ചൊ​വ്വാ​ഴ്ച മു​ഖ്യ​മ​ന്ത്രി പ​ങ്കെ​ടു​ത്ത ‘എ​ന്റെ കേ​ര​ളം’ പ​രി​പാ​ടി​യു​ടെ ഭാ​ഗ​മാ​യി ഒ​ട്ടേ​റെ ജോ​ലി​ക​ൾ തീ​ർ​ക്കാ​നു​ണ്ടാ​യ​ത് കാ​ര​ണം ഇ​ൻ​ഫ​ർ​മേ​ഷ​ൻ ഓ​ഫി​സി​ലെ മ​റ്റു ജീ​വ​ന​ക്കാ​ർ അ​വ​ധി ദി​വ​സ​ങ്ങ​ളി​ലും ജോ​ലി​ക്കെ​ത്തി​യ​പ്പോ​ൾ സം​ഘ​ട​ന നേ​താ​വ് കൂ​ടി​യാ​യ ഷാ​ജി ജോ​ലി​ക്കെ​ത്തി​യി​രു​ന്നി​ല്ല. അ​തേ​സ​മ​യം സം​ഘ​ട​ന വി​രോ​ധ​ത്തി​ന്റെ പേ​രി​ലാ​ണ് സ്ഥ​ലം മാ​റ്റ​മെ​ന്നാ​ണ് ഷാ​ജി പ​റ​യു​ന്ന​ത്. ജി​ല്ല പ്ര​സി​ഡ​ന്റി​നെ സ്ഥ​ലം മാ​റ്റി​യ​തി​നെ​തി​രേ ക​ഴി​ഞ്ഞ ദി​വ​സം സം​ഘ​ട​ന ന​ട​ത്തി​യ പ്ര​തി​ഷേ​ധ​ങ്ങ​ളി​ൽ ഒ​രു വി​ഭാ​ഗം വി​ട്ടു നി​ന്ന​തും ച​ർ​ച്ച​യാ​യി.

സം​ഘ​ട​ന​യു​ടെ ജി​ല്ല സെ​ക്ര​ട്ട​റി, ജി​ല്ല​യി​ൽ നി​ന്നു​ള്ള സം​സ്ഥാ​ന സെ​ക്ര​ട്ട​റി​യേ​റ്റ് അം​ഗ​ങ്ങ​ൾ. ചി​ല ജി​ല്ല ഭാ​ര​വാ​ഹി​ക​ൾ തു​ട​ങ്ങി​യ​വ​രൊ​ന്നും പ്ര​തി​ഷേ​ധ​ത്തി​ൽ പ​ങ്കെ​ടു​ത്തി​ല്ല. കെ.​ടി. ഷാ​ജി മാ​ന​ന്ത​വാ​ടി താ​ലൂ​ക്കി​ല്‍ നി​ന്നും സ്ഥ​ലം മാ​റി ജി​ല്ല ഇ​ന്‍ഫ​ര്‍മേ​ഷ​ന്‍ ഓ​ഫി​സി​ലെ​ത്തി​യി​ട്ട് ആ​റു​മാ​സ​മെ ആ​യി​ട്ടു​ള്ളു. നേ​ര​ത്തെ​യു​ണ്ടാ​യി​രു​ന്ന ക്ല​ര്‍ക്കി​നെ ജി​ല്ല​ ക​ല​ക്ട​റു​ടെ ഡി​സാ​സ്റ്റ​ര്‍ മാ​നേ​ജ്‌​മെ​ന്റ് സെ​ക്ഷ​നി​ലേ​ക്ക് മാ​റ്റി​യ ഒ​ഴി​വി​ലേ​ക്കാ​യി​രു​ന്നു ഷാ​ജി എ​ത്തി​യ​ത്. ഷാ​ജി​യെ മു​ട്ടി​ല്‍ സൗ​ത്ത് വി​ല്ലേ​ജി​ലേ​ക്കാ​ണ് ഇ​പ്പോ​ള്‍ സ്ഥ​ലം മാ​റ്റി​യി​രി​ക്കു​ന്ന​ത്. പ​ക​രം ഡി​സാ​സ്റ്റ​ര്‍ മാ​നേ​ജ്‌​മെ​ന്റ് സെ​ക്ഷ​നി​ലേ​ക്ക് മാ​റ്റി​യ​യാ​ളെ ത​ന്നെ​യാ​ണ് ഇ​ന്‍ഫ​ര്‍മേ​ഷ​ന്‍ ഓ​ഫി​സി​ലേ​ക്ക് ഇ​പ്പോ​ൾ നി​യ​മി​ച്ചി​രി​ക്കു​ന്ന​ത്.