ദേശീയപാതയിലെ രാത്രിയാത്ര നിരോധനം; കർണാടകയുടെ നിലപാട് കേരളത്തിന് തിരിച്ചടി

ക​ൽ​പ​റ്റ: ദേ​ശീ​യ​പാ​ത 766ൽ ​മു​ത്ത​ങ്ങ വ​ഴി​യു​ള്ള രാ​ത്രി​യാ​ത്ര നി​രോ​ധ​നം നീ​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കെ സു​പ്രീം​ കോ​ട​തി​യി​ൽ ക​ർ​ണാ​ട​ക സ്വീ​ക​രി​ച്ച നി​ല​പാ​ട് കേ​ര​ള​ത്തി​ന് തി​രി​ച്ച​ടി​. തെ​ര​ഞ്ഞെ​ടു​പ്പ് കാ​ല​ത്ത് പ്രി​യ​ങ്ക ഗാ​ന്ധി​യ​ട​ക്കം രാ​ത്രി​യാ​ത്ര നി​രോ​ധ​നം നീ​ക്കു​ന്ന കാ​ര്യ​ത്തി​ൽ ഇ​ട​പെ​ടു​മെ​ന്ന് ഉ​റ​പ്പു​ന​ൽ​കി​യി​രു​ന്ന സാ​ഹ​ച​ര്യ​ത്തി​ൽ ക​ർ​ണാ​ട​ക ഭ​രി​ക്കു​ന്ന കോ​ൺ​ഗ്ര​സ് സ​ർ​ക്കാ​ർ ത​ന്നെ വി​രു​ദ്ധ നി​ല​പാ​ട് സ്വീ​ക​രി​ച്ച​ത് പാ​ർ​ട്ടി​ക്ക് ക്ഷീണമാകും. പാ​ത പൂ​ർ​ണ​മാ​യും അ​ട​ച്ചി​ടാ​മെ​ന്നാ​ണ് ക​ർ​ണാ​ട​ക സു​പ്രീം​കോ​ട​തി​യി​ൽ സ​ത്യ​വാ​ങ്മൂ​ലം ന​ൽ​കി​യി​രി​ക്കു​ന്ന​ത്. ബ​ന്ദിപ്പൂ​ർ ക​ടു​വ സ​ങ്കേ​തം ഡ​യ​റ​ക്ട​റാ​ണ് ഇ​ക്ക​ഴി​ഞ്ഞ 18ന് ​ഇ​തുസം​ബ​ന്ധി​ച്ച് സ​ത്യ​വാ​ങ്മൂ​ലം ന​ൽ​കി​യ​ത്.

നി​ല​വി​ൽ നാ​ഗ​ർ​ഹോ​ള ക​ടു​വ സ​ങ്കേ​ത​ത്തി​ന്റെ അ​തി​ർ​ത്തി​യി​ലൂ​ടെ പോ​കു​ന്ന കു​ട്ട-​ഗോ​ണി​ക്കു​പ്പ സം​സ്ഥാ​ന ഹൈ​വേ ബ​ദ​ൽ​പാ​ത എ​ന്ന നി​ല​യി​ൽ 75 കോ​ടി രൂ​പ ചെ​ല​വ​ഴി​ച്ച് ക​ർ​ണാ​ട​ക സ​ർ​ക്കാ​ർ അ​റ്റ​കു​റ്റ​പ്പ​ണി ന​ട​ത്തി ന​വീ​ക​രി​ച്ചി​ട്ടു​ണ്ടെ​ന്നും ഇ​തു​വ​ഴി കൂ​ടു​ത​ലാ​യി വാ​ഹ​ന​ങ്ങ​ൾ ക​ട​ന്നു​പോ​കു​ന്നു​ണ്ടെ​ന്നും സ​ത്യ​വാ​ങ്മൂ​ല​ത്തി​ൽ പ​റ​യു​ന്നു​ണ്ട്.

കു​ട്ട-​ഗോ​ണി​ക്കു​പ്പ സം​സ്ഥാ​ന ഹൈ​വേ ദേ​ശീ​യ​പാ​ത 766ന് ​ബ​ദ​ലാ​യി ക​ണ​ക്കാ​ക്കി രാ​ത്രി​യാ​ത്ര നി​രോ​ധ​നം നി​ല​നി​ൽ​ക്കു​ന്ന എ​ൻ.​എ​ച്ച് 766 പൂ​ർ​ണ​മാ​യി അ​ടച്ചി​ടാ​മെ​ന്നാ​ണ് ഡ​യ​റ​ക്ട​ർ സു​പ്രീം​കോ​ട​തി​യി​ൽ ന​ൽ​കി​യ സ​ത്യ​വാ​ങ്മൂ​ല​ത്തി​ൽ പ​റ​ഞ്ഞ​ത്. നേ​ര​ത്തേ ദേ​ശീ​യ​പാ​ത 766ൽ ​ചി​ക്ക​ബ​ർ​ഗി-​വ​ള്ളുവാ​ടി ബ​ദ​ൽ​പാ​ത, ഉ​യ​ര​പ്പാ​ത, തു​ര​ങ്ക പാ​ത എ​ന്നീ നി​ർ​ദേ​ശ​ങ്ങ​ൾ ഉ​യ​ർ​ന്നി​രു​ന്നു. അ​തി​നാ​ലാ​ണ് സം​സ്ഥാ​ന ഹൈ​വേ ബ​ദ​ൽ പാ​ത​യാ​യി ന​വീ​ക​രി​ച്ച​തെ​ന്നും സ​ത്യ​വാ​ങ്മൂ​ല​ത്തി​ൽ പ​റ​യു​ന്നു.

ക​ർ​ണാ​ട​ക പു​തു​താ​യി ന​ൽ​കി​യി​രി​ക്കു​ന്ന സ​ത്യ​വാ​ങ്മൂ​ലം ദേ​ശീ​യ​പാ​ത​യി​ലെ രാ​ത്രി​യാ​ത്ര നി​രോ​ധ​നം നീ​ക്കാ​നു​ള്ള കേ​ര​ള​ത്തി​ന്റെ ശ്ര​മ​ങ്ങ​ൾ​ക്ക് ക​ന​ത്ത തി​രി​ച്ച​ടി​യാ​യി​രി​ക്കു​ക​യാ​ണ്. നി​രോ​ധ​നം നീ​ക്കു​ന്ന​തി​ന് ക​ർ​ണാ​ട​ക ഭ​രി​ക്കു​ന്ന കോ​ൺ​ഗ്ര​സി​ൽ സ​മ്മ​ർ​ദം ചെ​ലു​ത്ത​ണ​മെ​ന്ന് രാ​ഹു​ൽഗാ​ന്ധി എം.​പി ഉ​ൾ​പ്പെടെ​യു​ള്ള​വ​രോ​ട് ആ​വ​ശ്യ​പ്പെ​ടു​മ്പോ​ഴാ​ണ് ക​ർ​ണാ​ട​ക​യു​ടെ ഈ ​നി​ല​പാ​ട്. നി​ല​വി​ൽ ഇ​തു സം​ബ​ന്ധി​ച്ച കേ​സ് സു​പ്രീം​ കോ​ട​തി​യു​ടെ പ​രി​ഗ​ണ​ന​യി​ലാ​ണു​ള്ള​ത്.

യോ​ജി​ച്ച തീ​രു​മാ​ന​മെ​ടു​ത്തു പ​റ​യാ​നാ​ണ് കേ​ന്ദ്ര ഉ​പ​രി​ത​ല ഗ​താ​ഗ​ത വ​കു​പ്പി​നോ​ടും കേ​ര​ള-​ക​ർ​ണാ​ട​ക സ​ർ​ക്കാ​റു​ക​ളോ​ടും കോ​ട​തി നി​ർ​ദേ​ശം. 2009 ആ​ഗ​സ്റ്റി​ലാ​ണ് ദേ​ശീ​യ​പാ​ത 766ൽ ​ബ​ന്ദി​പ്പൂ​ർ വ​ന​മേ​ഖ​ല​യി​ൽ 19 കി.​മീ​റ്റ​ർ ദൂ​ര​ത്തി​ൽ രാ​ത്രി ആ​റു മു​ത​ൽ രാ​വി​ലെ ഒ​മ്പ​തു​വ​രെ രാ​ത്രി​യാ​ത്ര നി​രോ​ധ​നം ഏ​ർ​പ്പെ​ടു​ത്തി​യ​ത്.