വിരബാധയില്ലാത്തവരാ​കട്ടെ നമ്മുടെ കുട്ടികൾ...

ക​ൽ​പ​റ്റ: വി​ര​ബാ​ധ കു​ട്ടി​ക​ളു​ടെ വ​ള​ര്‍ച്ച​യെ​യും ആ​രോ​ഗ്യ​ത്തെ​യും ബാ​ധി​ക്കു​ന്ന പൊ​തു​ജ​നാ​രോ​ഗ്യ പ്ര​ശ്ന​മാ​ണ്. കു​ട്ടി​ക​ളി​ല്‍ വി​ള​ര്‍ച്ച​ക്കും പോ​ഷ​ക​ക്കു​റ​വി​നും ഇ​ത് കാ​ര​ണ​മാ​കു​ന്നു. ഒ​ക്ടോ​ബ​ര്‍ എ​ട്ടി​ന് ദേ​ശീ​യ വി​ര​മു​ക്ത ദി​നം ര​ണ്ടാം​ഘ​ട്ട​മാ​യി ആ​ച​രി​ക്കു​ക​യാ​ണ്. ലോ​കാ​രോ​ഗ്യ സം​ഘ​ട​ന​യു​ടെ ക​ണ​ക്ക് പ്ര​കാ​രം ഇ​ന്ത്യ​യി​ല്‍ ഒ​ന്നു​മു​ത​ൽ മു​ത​ല്‍ 14 വരെ വ​യ​സ്സു​ള്ള 64 ശ​ത​മാ​നം കു​ട്ടി​ക​ളി​ല്‍ വി​ര​ബാ​ധ​യു​ണ്ടാ​കാ​ന്‍ സാ​ധ്യ​ത​യു​ണ്ട്. ഇ​ത് മു​ന്നി​ല്‍ ക​ണ്ടാ​ണ് വി​ര ന​ശീ​ക​ര​ണ പ്ര​വ​ര്‍ത്ത​ന​ങ്ങ​ള്‍ വ​ര്‍ഷം​തോ​റും ഊ​ര്‍ജി​ത​മാ​യി ന​ട​പ്പാ​ക്കു​ന്ന​ത്. ജി​ല്ല​യി​ലെ സ്‌​കൂ​ളു​ക​ള്‍, അം​ഗ​ൻ​വാ​ടി​ക​ള്‍ മു​ഖേ​ന കു​ട്ടി​ക​ള്‍ക്ക് വി​ര ന​ശീ​ക​ര​ണ​ത്തി​നു​ള്ള ആ​ല്‍ബ​ന്‍ഡ​സോ​ള്‍ ഗു​ളി​ക ന​ല്‍കാ​നു​ള്ള ഒ​രു​ക്ക​ത്തി​ലാ​ണ് അ​ധി​കൃ​ത​ർ.

എ​ന്തെ​ങ്കി​ലും കാ​ര​ണ​ത്താ​ല്‍ ഒ​ക്ടോ​ബ​ര്‍ എ​ട്ടി​ന് ഗു​ളി​ക ക​ഴി​ക്കാ​ന്‍ സാ​ധി​ക്കാ​ത്ത കു​ട്ടി​ക​ള്‍ക്ക് ഒ​ക്ടോ​ബ​ര്‍ 15ന് ​ഗു​ളി​ക ന​ല്‍കും. എ​ല്ലാ​വ​രും കു​ട്ടി​ക​ള്‍ക്ക് വി​ര ന​ശീ​ക​ര​ണ ഗു​ളി​ക ന​ല്‍കി​യെ​ന്ന് ഉ​റ​പ്പാ​ക്ക​ണ​മെ​ന്ന് ജി​ല്ല ക​ല​ക്ട​ര്‍ ഡി.​ആ​ര്‍. മേ​ഘ​ശ്രീ അ​റി​യി​ച്ചു. ര​ണ്ട് വ​യ​സ്സുവരെയുള്ള കു​ട്ടി​ക​ള്‍ക്ക് അ​ര ഗു​ളി​ക​യും (200 മി.​ഗ്രാം) ര​ണ്ട് മു​ത​ല്‍ 19 വരെ വ​യ​സ്സു​ള്ള കു​ട്ടി​ക​ള്‍ക്ക് ഒ​രു​ഗു​ളി​ക​യു​മാ​ണ് (400 മി.​ഗ്രാം) ന​ല്‍കു​ന്ന​ത്. ചെ​റി​യ കു​ട്ടി​ക​ള്‍ക്ക് തി​ള​പ്പി​ച്ചാ​റി​യ വെ​ള്ള​ത്തി​ല്‍ ഗു​ളി​ക അ​ലി​യി​ച്ച് ന​ല്‍ക​ണം. മു​തി​ര്‍ന്ന കു​ട്ടി​ക​ള്‍ ഉ​ച്ച​ഭ​ക്ഷ​ണ​ത്തി​ന് ശേ​ഷം ഗു​ളി​ക ച​വ​ച്ച​ര​ച്ച് ക​ഴി​ക്ക​ണം. അ​തോ​ടൊ​പ്പം തി​ള​പ്പി​ച്ചാ​റി​യ വെ​ള്ളം കു​ടി​ക്ക​ണം. അ​സു​ഖ​മു​ള്ള കു​ട്ടി​ക​ള്‍ക്ക് ഗു​ളി​ക ന​ല്‍കേ​ണ്ട​തി​ല്ല. ഗു​ളി​ക ക​ഴി​ച്ച​തി​ന് ശേ​ഷം സാ​ധാ​ര​ണ​യാ​യി ബു​ദ്ധി​മു​ട്ടു​ക​ള്‍ ഉ​ണ്ടാ​കാ​റി​ല്ല. എ​ന്നാ​ല്‍, വി​ര​യു​ടെ തോ​ത് കൂ​ടു​ത​ലു​ള്ള കു​ട്ടി​ക​ളി​ല്‍ ഗു​ളി​ക ക​ഴി​ക്കു​മ്പോ​ള്‍ അ​പൂ​ര്‍വ​മാ​യി വ​യ​റു​വേ​ദ​ന, ഛർദി, ചൊ​റി​ച്ചി​ല്‍, ശ​രീ​ര​ത്തി​ല്‍ ത​ടി​പ്പു​ക​ള്‍ തു​ട​ങ്ങി​യ​വ ഉ​ണ്ടാ​യേ​ക്കാം.

ജി​ല്ല ഭ​ര​ണ​കൂ​ടം, ത​ദ്ദേ​ശ​ സ്വ​യംഭ​ര​ണം, വി​ദ്യാ​ഭ്യാ​സം, വ​നി​ത ശി​ശു വി​ക​സ​നം, പ​ട്ടി​ക​വ​ര്‍ഗ വി​ക​സ​നം തു​ട​ങ്ങി​യ വ​കു​പ്പു​ക​ള്‍, ജ​ന​പ്ര​തി​നി​ധി​ക​ള്‍ എ​ന്നി​വ​രു​മാ​യി സം​യോ​ജി​ച്ചാ​ണ് പ​രി​പാ​ടി സം​ഘ​ടി​പ്പി​ക്കു​ന്ന​ത്. പ​രി​പാ​ടി​ക്കാ​വ​ശ്യ​മാ​യ ആ​ല്‍ബ​ന്‍ഡ​സോ​ള്‍ ഗു​ളി​ക എ​ല്ലാ ആ​രോ​ഗ്യ​കേ​ന്ദ്ര​ങ്ങ​ളി​ലും ല​ഭ്യ​മാ​ക്കി​യി​ട്ടു​ണ്ടെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു.

വി​ര​ ബാ​ധിക്കുന്നത് കൂ​ടു​ത​ലും കു​ട്ടി​ക​ളി​ൽ

• വി​ര​ബാ​ധ എ​ല്ലാ​വ​രെ​യും ബാ​ധി​ക്കു​മെ​ങ്കി​ലും സാ​ധാ​ര​ണ​യാ​യി കു​ട്ടി​ക​ളെ​യാ​ണ് കൂ​ടു​ത​ല്‍ ബാ​ധി​ക്കു​ന്ന​ത്. മ​ണ്ണി​ല്‍ ക​ളി​ക്കു​ക​യും പാ​ദ​ര​ക്ഷ​ക​ള്‍ ഉ​പ​യോ​ഗി​ക്കാ​തി​രി​ക്കു​ക​യും ചെ​യ്താ​ല്‍ വി​ര​ബാ​ധ​യു​ണ്ടാ​കാ​ന്‍ സാ​ധ്യ​ത കൂ​ടും.
• സാ​ധാ​ര​ണ​യാ​യി കു​ട​ലു​ക​ളി​ലാ​ണ് വി​ര​ക​ള്‍ കാ​ണ​പ്പെ​ടു​ന്ന​ത്. മ​ല​ദ്വാ​ര​ത്തി​ന് ചു​റ്റു​മു​ള്ള ചൊ​റി​ച്ചി​ല്‍, മ​ല​ത്തി​ല്‍ വി​ര​ക​ള്‍ കാ​ണ​പ്പെ​ടു​ക, ഛർദി​ലി​ല്‍ വി​ര​ക​ള്‍ കാ​ണ​പ്പെ​ടു​ക, വി​ള​ര്‍ച്ച, ത​ള​ര്‍ച്ച, ഉ​ത്സാ​ഹ​ക്കു​റ​വ്, തൂ​ക്ക​ക്കു​റ​വ്, മ​ല​ബ​ന്ധം, വ​യ​റു​വേ​ദ​ന തു​ട​ങ്ങി​യ​വ​യാ​ണ് വി​ര​ബാ​ധ​യു​ടെ ല​ക്ഷ​ണ​ങ്ങ​ള്‍.
• വി​ര​ബാ​ധ​യു​ള്ള ഒ​രാ​ളി​ല്‍ ഉ​ത്സാ​ഹ​ക്കു​റ​വ്, ക്ഷീ​ണം, വി​ള​ര്‍ച്ച, വ​യ​റു​വേ​ദ​ന, ത​ല​ക​റ​ക്കം, ഛർദി, പോ​ഷ​ക​ക്കു​റ​വ്, ഭാ​ര​ക്കു​റ​വ്, ശ്ര​ദ്ധ​ക്കു​റ​വ്, വ​യ​റി​ള​ക്കം മു​ത​ലാ​യ​വ ഉ​ണ്ടാ​കാം.
• കു​ട്ടി​ക​ളി​ല്‍ വി​ര​ക​ളു​ടെ തോ​ത് വ​ള​രെ കൂ​ടു​ത​ലാ​ണെ​ങ്കി​ല്‍ കു​ട​ലി​ന്റെ പ്ര​വ​ര്‍ത്ത​നം ത​ട​സ്സ​പ്പെ​ടു​ക​യും ശ​രി​യാ​യ ചി​കി​ത്സ യ​ഥാ​സ​മ​യം ല​ഭ്യ​മാ​യി​ല്ലെ​ങ്കി​ല്‍ സ​ങ്കീ​ര്‍ണ​മാ​കാ​നും സാ​ധ്യ​ത​യു​ണ്ട്.

പ​ക​രു​ന്ന​തി​ങ്ങ​നെ..

വി​സ​ര്‍ജ്യം ക​ല​ര്‍ന്ന മ​ണ്ണി​ല്‍ ക​ളി​ക്കു​മ്പോ​ള്‍ കു​ട്ടി​ക​ളു​ടെ കൈ​ക​ളി​ലു​ടെ​യും കാ​ലു​ക​ളി​ലൂ​ടെ​യും വി​ര​ക​ളും മു​ട്ട​ക​ളും കു​ട​ലി​ലെ​ത്തു​ന്നു. മ​ല​ദ്വാ​ര​ത്തി​ന് ചു​റ്റും ന​ഖം കൊ​ണ്ട് ചൊ​റി​യു​മ്പോ​ള്‍ മു​ട്ട​ക​ളും വി​ര​ക​ളും ന​ഖ​ത്തി​ലെ​ത്തു​ന്നു. കു​ട്ടി​ക​ള്‍ ന​ഖ​ങ്ങ​ള്‍ ക​ടി​ക്കു​ക​യോ കൈ​ക​ള്‍ ക​ഴു​കാ​തെ ഭ​ക്ഷ​ണം ക​ഴി​ക്കു​ക​യോ ചെ​യ്യു​മ്പോ​ള്‍ വി​ര​ക​ള്‍ കു​ട​ലി​ലെ​ത്താം. ഈ​ച്ച​ക​ള്‍ വ​ഴി വി​ര​ക​ളും മു​ട്ട​യും ഭ​ക്ഷ​ണ​ത്തി​ലെ​ത്തു​ക​യും കു​ട​ലി​ലെ​ത്തു​ക​യും ചെ​യ്യാം. വി​സ​ര്‍ജ്യ​ങ്ങ​ള്‍ ക​ല​ര്‍ന്ന വെ​ള്ളം തി​ള​പ്പി​ക്കാ​തെ ഉ​പ​യോ​ഗി​ച്ചാ​ലും വി​ര​ബാ​ധ​യു​ണ്ടാ​കാം.

വി​ര​ബാ​ധ എ​ങ്ങ​നെ ത​ട​യാം

• ഭ​ക്ഷ​ണ​ത്തി​ന് മു​മ്പും മ​ല​വി​സ​ർ​ജ​ന​ത്തി​നു​ശേ​ഷ​വും കൈ​ക​ള്‍ സോ​പ്പ് ഉ​പ​യോ​ഗി​ച്ച് വൃ​ത്തി​യാ​യി ക​ഴു​കു​ക
• പ​ഴ​ങ്ങ​ളും പ​ച്ച​ക്ക​റി​ക​ളും ശു​ദ്ധ​ജ​ല​ത്തി​ല്‍ ന​ന്നാ​യി ക​ഴു​കി​യ​തി​ന് ശേ​ഷം മാ​ത്രം ഉ​പ​യോ​ഗി​ക്കു​ക
• മ​നു​ഷ്യ​രു​ടെ​യും മൃ​ഗ​ങ്ങ​ളു​ടെ​യും വി​സ​ർ​ജ്യ​ങ്ങ​ള്‍ ശ​രി​യാ​യി സം​സ്‌​ക​രി​ക്കു​ക
• മാം​സം ന​ന്നാ​യി പാ​ച​കം ചെ​യ്ത് ഉ​പ​യോ​ഗി​ക്കു​ക
• കൃ​ത്യ​മാ​യ ഇ​ട​വേ​ള​ക​ളി​ല്‍ ന​ഖ​ങ്ങ​ള്‍ വെ​ട്ടി കൈ​ക​ള്‍ വൃ​ത്തി​യാ​യി സൂ​ക്ഷി​ക്കു​ക
• വീ​ടി​ന് പു​റ​ത്തു​പോ​കു​മ്പോ​ള്‍ പാ​ദ​ര​ക്ഷ​ക​ള്‍ ധ​രി​ക്കു​ക
• ഭ​ക്ഷ​ണം അ​ട​ച്ചു​സൂ​ക്ഷി​ക്കു​ക
• തി​ള​പ്പി​ച്ചാ​റി​യ വെ​ള്ളം മാ​ത്രം കു​ടി​ക്കു​ക
• തു​റ​സ്സാ​യ സ്ഥ​ല​ത്ത് മ​ല​മൂ​ത്ര വി​സ​ര്‍ജ​നം ന​ട​ത്താ​തി​രി​ക്കു​ക
• വ്യ​ക്തി​ശു​ചി​ത്വ​വും പ​രി​സ​ര ശു​ചി​ത്വ​വും ഉ​റ​പ്പാ​ക്കു​ക
• ആ​റ് മാ​സ​ത്തി​ലൊ​രി​ക്ക​ല്‍ വി​ര ന​ശീ​ക​ര​ണ​ത്തി​നാ​യി ഗു​ളി​ക ക​ഴി​ക്കു​ക