മഴ തുടങ്ങി; റോഡുകൾ തോടായി

ക​ൽ​പ​റ്റ: വെ​ണ്ണി​യോ​ട്-​പ​ള്ളി​ക്കു​ന്ന് റോ​ഡി​ൽ മൈ​ലാ​ടി​യി​ൽ ചെ​റി​യ മ​ഴ പെ​യ്താ​ൽ​പോ​ലും വെ​ള്ളം കെ​ട്ടി​നി​ന്ന്​ വാ​ഹ​ന​ങ്ങ​ൾ​ക്കും കാ​ൽ​ന​ട​ക്കാ​ർ​ക്കും ദു​രി​തം വി​ത​ക്കു​ന്ന​ത്​ പ​തി​വാ​കു​ന്നു. കാ​ല​വ​ർ​ഷം എ​ത്തു​ന്ന​തോ​ടെ റോ​ഡി​ലൂ​ടെ യാ​ത്ര അ​തി ദു​ഷ്ക​ര​മാ​വു​മെ​ന്ന ആ​ശ​ങ്ക​യി​ലാ​ണ്​ പ്ര​ദേ​ശ​വാ​സി​ക​ൾ. ജി​ല്ല പ​ഞ്ചാ​യ​ത്ത്​ 30 ല​ക്ഷം രൂ​പ ചെ​ല​വി​ട്ട്​ ന​വീ​ക​ര​ണം​ ഒ​രാ​ഴ്ച മു​മ്പ്​​ പൂ​ർ​ത്തീ​ക​രി​ച്ച റോ​ഡാ​ണി​ത്. ഔ​പ​ചാ​രി​ക ഉ​ദ്​​ഘാ​ട​നം ക​ഴി​യു​ന്ന​തി​നു​ മു​മ്പു​ത​ന്നെ​ റോ​ഡി​ൽ വെ​ള്ള​ക്കെ​ട്ട്​ നി​ത്യ​സം​ഭ​വ​മാ​കു​ക​യാ​ണ്​.

റോ​ഡി​ന്​ ഓ​വു​ചാ​ൽ നി​ർ​മി​ക്കാ​ത്ത​താ​ണ്​ വെ​ള്ള​ക്കെ​ട്ടി​ന്​ ഇ​ട​യാ​ക്കു​ന്ന​ത്. ക​മ്പ​ള​ക്കാ​ട്, വെ​ണ്ണി​യോ​ട്, പ​ടി​ഞ്ഞാ​റ​ത്ത​റ, മെ​ച്ച​ന ഭാ​ഗ​ത്തേ​ക്കു​ള്ള പ്ര​ധാ​ന പാ​ത​യു​ടെ ഭാ​ഗ​മാ​ണ്​ തോ​ടി​ന്​ സ​മാ​ന​മാ​യി മാ​റു​ന്ന​ത്. മേ​ലെ മൈ​ലാ​ടി മു​ത​ലു​ള്ള മ​ഴ​വെ​ള്ളം മൂ​ന്നു വ​ർ​ഷം മു​മ്പു​​വ​രെ സ്വ​ഭാ​വി​ക​മാ​യി ഒ​ഴു​കി​പ്പോ​യി​രു​ന്ന വ​ഴി​ക​ളൊ​ക്കെ സ്വ​കാ​ര്യ വ്യ​ക്തി​ക​ൾ മ​ണ്ണി​ട്ടു​യ​ർ​ത്തി​യും റോ​ഡു​ക​ൾ നി​ർ​മി​ക്കു​ക​യും ചെ​യ്തു. അ​തി​നാ​ൽ, താ​ഴ്ന്ന ഭാ​ഗ​മാ​യ മൈ​ലാ​ടി​യി​ൽ എ​ത്തി​യി​രു​ന്ന വെ​ള്ളം അ​വി​ട​ത്തെ സ്വ​കാ​ര്യ തോ​ട്ട​ത്തി​ലൂ​ടെ​യാ​യി​രു​ന്നു ഒ​ഴു​കി​പ്പോ​യി​രു​ന്ന​ത്. തോ​ട്ട​ത്തി​ലെ കാ​പ്പി, കു​രു​മു​ള​ക്, ഇ​ഞ്ചി കൃ​ഷി​ക​ൾ ന​ശി​ക്കു​ന്ന​ത്​ പ​തി​വാ​യ​തോ​ടെ ഇ​ത്ത​വ​ണ തോ​ട്ട​മു​ട​മ സ്ഥ​ലം മ​ണ്ണി​ട്ടു​യ​ർ​ത്തി. ഇ​തോ​ടെ​യാ​ണ്​ വെ​ള്ള​ക്കെ​ട്ട്​ റോ​ഡി​ൽ രൂ​പ​പ്പെ​ട്ട​ത്.

മ​ദ്​​റ​സ, സ്കൂ​ൾ വി​ദ്യാ​ർ​ഥി​ക​ൾ​ക്ക​ട​ക്കം നാ​ട്ടു​കാ​ർ​ക്ക് ഇ​തി​ലെ ന​ട​ന്നു​പോ​കാ​ൻ പ​റ്റാ​ത്ത അ​വ​സ്ഥ​യാ​ണ്. ബൈ​ക്കു​ക​ൾ​ക്കും വെ​ള്ള​ക്കെ​ട്ട്​ ഭീ​ഷ​ണി​യാ​ണ്. വ​ലി​യ​വാ​ഹ​ന​ങ്ങ​ൾ ക​ട​ന്നു​പോ​വു​മ്പോ​ൾ കാ​ൽ​ന​ട​ക്കാ​ർ ച​ളി​യി​ൽ കു​ളി​ക്കേ​ണ്ടി​വ​രും. 50 മീ​റ്റ​റോ​ളം നീ​ള​ത്തി​ൽ വെ​ള്ളം കെ​ട്ടി​നി​ൽ​ക്കു​ന്ന​തോ​ടെ സ​മീ​പ​ത്തെ കി​ണ​റു​ക​ളി​ലെ വെ​ള്ളം ക​ല​ങ്ങാ​ൻ തു​ട​ങ്ങി​യി​ട്ടു​ണ്ട്. വീ​ടു​ക​ളു​ടെ മു​റ്റ​ത്തേ​ക്കും മ​ലി​ന​വെ​ള്ളം ഒ​ഴു​കി​യെ​ത്തു​ന്നു. തൊ​ട്ട​ടു​ത്ത ക​ലു​ങ്കി​ലേ​ക്ക് ഓ​വു​ചാ​ൽ നി​ർ​മി​ച്ചാ​ൽ വെ​ള്ള​ക്കെ​ട്ട്​ ഒ​ഴി​വാ​ക്കി യാ​ത്രാ​​പ്ര​ശ്​​നം പ​രി​ഹ​രി​ക്കാ​ൻ ക​ഴി​യു​​മെ​ന്നാ​ണ്​ നാ​ട്ടു​കാ​ർ പ​റ​യു​ന്ന​ത്. ഓ​വു​ചാ​ൽ നി​ർ​മി​ക്കാ​ൻ അ​ധി​കൃ​ത​ർ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ്​ പ്ര​ദേ​ശ​വാ​സി​ക​ളു​ടെ ആ​വ​ശ്യം.