കൽപറ്റ നഗരത്തിൽ തെരുവുനായ് ശല്യം രൂക്ഷം

ക​ല്‍പ​റ്റ: ന​ഗ​ര​ത്തി​ൽ തെ​രു​വ് നാ​യ ശല്യം രൂ​ക്ഷം. കൂ​ട്ട​ത്തോ​ടെ​യാ​ണ് നാ​യ്ക്ക​ള്‍ ന​ഗ​ര​ത്തി​ല്‍ അ​ല​ഞ്ഞു​തി​രി​യുന്ന​ത്. നാ​യ്ക്ക​ളു​ടെ ശ​ല്യം മ​ദ്റ​സ​ക​ളി​ലും സ്കൂ​ളു​ക​ളി​ലേ​ക്കും പോ​കു​ന്ന വി​ദ്യാ​ർ​ഥി​ക​ൾ അ​ട​ക്ക​മു​ള്ള​വ​രെ പ്ര​തി​സ​ന്ധി​യി​ലാ​ക്കു​ക​യാ​ണ്. ഒ​രു​വ​ര്‍ഷ​ത്തി​നി​ടെ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലാ​യി 200ല​ധി​കം പേ​ര്‍ക്ക് തെ​രു​വു​നാ​യ്ക്ക​ളു​ടെ ക​ടി​യേ​റ്റി​ട്ടു​ണ്ട്.

പി​ണ​ങ്ങോ​ട് ജ​ങ്ഷ​ൻ, പ​ഴ​യ ബ​സ് സ്റ്റാ​ന്‍ഡ് പ​രി​സ​രം, എ​ച്ച്.​ഐ.​എം യു.​പി സ്‌​കൂ​ൾ, അ​ന​ന്ത​വീ​ര തി​യ​റ്റ​റി​നു സ​മീ​പം, പ​ള്ളി​ത്താ​ഴെ റോ​ഡ്, പു​തി​യ ബ​സ് സ്റ്റാ​ന്‍ഡ് പ​രി​സ​രം, പ​ഴ​യ മാ​ര്‍ക്ക​റ്റ് പ​രി​സ​രം എ​ന്നി​വി​ട​ങ്ങ​ളി​ലെ​ല്ലാം തെ​രു​വ് നാ​യ്ക്ക​ളു​ടെ ശ​ല്യം രൂ​ക്ഷ​മാ​ണ്. രാ​ത്രി സ​മ​യ​ങ്ങ​ളി​ല​ട​ക്കം ന​ഗ​ര​ത്തി​ലെ പ്ര​ധാ​ന​പ്പെ​ട്ട റോ​ഡു​ക​ളി​ലെ​ല്ലാം നാ​യ്ക്ക​ള്‍ ത​മ്പ​ടി​ച്ചി​രി​ക്കു​ക​യാ​ണ്.

2018ലെ ​സെ​ന്‍സ​സ് പ്ര​കാ​രം ന​ഗ​ര​സ​ഭ പ​രി​ധി​യി​ല്‍ 185 തെ​രു​വു നാ​യ്ക്ക​ളു​ണ്ടാ‍യി​രു​ന്ന​ത് നി​ല​വി​ല്‍ 300 ല​ധി​ക​മാ​യി​ട്ടു​ണ്ട്. പി​ണ​ങ്ങോ​ട് റോ​ഡി​ലും എ​ച്ച്.​ഐ.​എം യു.​പി സ്‌​കൂ​ൾ പ​രി​സ​ര​ത്തും അ​ന​ന്ത​വീ​ര തി​യ​റ്റ​റി​ന് സ​മീ​പ​ത്തും ന​ഗ​ര​ത്തി​ലെ പ​ല ബ​സ് കാ​ത്തി​രി​പ്പ് കേ​ന്ദ്ര​ങ്ങ​ളും തെ​രു​വ് നാ​യ്ക്ക​ളു​ടെ കേ​ന്ദ്ര​മാ​ണ്.

ബൈ​ക്ക് യാ​ത്ര​ക്കാ​രും കാ​ൽ​ന​ട യാ​ത്ര​ക്കാ​രും പ​ല​പ്പോ​ഴും നാ​യ്ക്ക​ളു​ടെ ആ​ക്ര​മ​ണ​ത്തി​ല്‍ നി​ന്നു ക​ഷ്ടി​ച്ചാ​ണു ര​ക്ഷ​പ്പെ​ടു​ന്ന​ത്. തെ​രു​വു നാ​യ്ക്ക​ളു​ടെ ആ​ക്ര​മ​ണം ഭ​യ​ന്ന് സ്ത്രീ​ക​ള്‍ ഉ​ള്‍പ്പെ​ടെ​യു​ള്ള പ​ല​രും പ്ര​ഭാ​ത​സ​വാ​രി ഉ​പേ​ക്ഷി​ച്ച അ​വ​സ്ഥ​യാ​ണ്. രാ​വി​ലെ വി​ദ്യാ​ര്‍ഥി​ക​ളും പ​ത്ര വി​ത​ര​ണ​ക്കാ​രു​മ​ട​ക്ക​മു​ള്ള​വ​ർ ഭീ​തി​യോ​ടെ​യാ​ണ് പോ​കു​ന്ന​ത്. ന​ഗ​ര​ത്തി​ലെ മാ​ലി​ന്യ​നീ​ക്കം യ​ഥാ​സ​മ​യ​ത്ത് ന​ട​ക്കാ​ത്ത​താ​ണ് തെ​രു​വു​നാ​യ്ക്ക​ളു​ടെ ശ​ല്യം രൂ​ക്ഷ​മാ​ക്കു​ന്ന​തെ​ന്ന് ആ​രോ​പ​ണ​മു​ണ്ട്.

ന​ഗ​ര​സ​ഭ പ​രി​ധി​യി​ലെ അ​മ്പി​ലേ​രി, മു​ണ്ടേ​രി, മ​ര​വ​യ​ല്‍ മേ​ഖ​ല​ക​ളി​ലും തെ​രു​വു​നാ​യ്ക്ക​ളു​ടെ ശ​ല്യം രൂ​ക്ഷ​മാ​യി​ട്ടു​ണ്ട്. മ​ണി​യ​ങ്കോ​ട് റോ​ഡി​ലെ ഗോ​ഡൗ​ണ്‍ പ​രി​സ​ര​ത്തും ആ​ളൊ​ഴി​ഞ്ഞ പ​റ​മ്പു​ക​ളി​ലും മ​റ്റു മാ​ണ് തെ​രു​വു​നാ​യ്ക്ക​ള്‍ ത​മ്പ​ടി​ച്ചി​രി​ക്കു​ന്ന​ത്.

തെ​രു​വു​നാ​യ്ക്ക​ളു​ടെ ശ​ല്യം രൂ​ക്ഷ​മാ​കു​മ്പോ​ഴും നാ​യ്ക്ക​ളു​ടെ വ​ന്ധ്യ​ക​ര​ണം അ​ട​ക്ക​മു​ള്ള പ്ര​തി​രോ​ധ ന​ട​പ​ടി​ക​ള്‍ക്ക് അ​ധി​കൃ​ത​ര്‍ ന​ട​പ​ടി സ്വീ​ക​രി​ക്കു​ന്നി​ല്ലെ​ന്നാ​ണ് പ​രാ​തി. ആ​നി​മ​ല്‍ ബ​ര്‍ത്ത് ക​ണ്‍ട്രോ​ള്‍ പ​ദ്ധ​തി​യും ഇ​ഴ​ഞ്ഞു നീ​ങ്ങു​ക​യാ​ണ്. ആ​വ​ശ്യ​ത്തി​നു ഫ​ണ്ട് ല​ഭ്യ​മാ​കാ​ത്ത​താ​ണു കാ​ര​ണം.