ഓ​ട്ടോ​ക്കൂ​ലി ത​ർ​ക്കം; ഡ്രൈ​വ​റെ ​ആ​ക്ര​മി​ച്ച ഒ​രാ​ള്‍ കൂ​ടി അ​റ​സ്റ്റി​ല്‍

​കൽപറ്റ: ഓ​ട്ടോ​ക്കൂ​ലി കൂ​ടു​ത​ല്‍ ആ​വ​ശ്യ​പ്പെ​ട്ടെ​ന്നാ​രോ​പി​ച്ച് ഓ​ട്ടോ ഡ്രൈ​വ​റെ ആക്രമിച്ച സം​ഭ​വ​ത്തി​ല്‍ ഒ​രാ​ളെ കൂ​ടി ക​ല്‍പ​റ്റ പൊ​ലീ​സ് പി​ടി​കൂ​ടി. ഒ​ളി​വി​ല്‍ പോ​യ വെ​ങ്ങ​പ്പ​ള്ളി ചൂ​രി​യാ​റ്റ ക​ല്ല​ട കോ​ള​നി പ്ര​ശാ​ന്തി​നെ​യാ​ണ് (20) ബു​ധ​നാ​ഴ്ച അ​റ​സ്റ്റ് ചെ​യ്ത​ത്.

അ​നീ​ഷി​നെ മു​മ്പ് അ​റ​സ്റ്റ് ചെ​യ്തി​രു​ന്നു. ആ​ഗ​സ്റ്റ് 18ന് ​രാ​ത്രി​യാ​ണ് സം​ഭ​വം. പ്ര​ശാ​ന്തും അ​നീ​ഷും ക​ല്‍പ​റ്റ​യി​ല്‍നി​ന്ന് ഓ​ട്ടോ വി​ളി​ച്ച് വെ​ങ്ങ​പ്പ​ള്ളി ടൗ​ണി​ലെ​ത്തി​യ​പ്പോ​ഴാ​ണ് അ​ക്ര​മം തു​ട​ങ്ങി​യ​ത്. ഓ​ട്ടോ​ക്കൂ​ലി കു​റ​ക്ക​ണ​മെ​ന്നാ​വ​ശ്യ​പ്പെ​ട്ട​ത് വി​സ​മ്മ​തി​ച്ച​തി​ലു​ള്ള വി​രോ​ധ​മാ​ണ് അ​ക്ര​മ​ത്തി​ന് കാ​ര​ണം. കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തു​ക​യും ക​ല്ലു​കൊ​ണ്ട് ഓ​ട്ടോ ഡ്രൈ​വ​റു​ടെ ത​ല​ക്ക​ടി​ച്ച് ഗു​രു​ത​ര പ​രി​ക്കേ​ൽ​പി​ക്കു​ക​യു​മാ​യി​രു​ന്നു. ഇ​വ​ര്‍ റി​മാ​ൻ​ഡി​ലാ​ണ്. എ​സ്.​ഐ ടി. ​അ​നീ​ഷ്, എ​സ്.​സി.​പി.​ഒ ദി​നേ​ഷ്, സി.​പി.​ഒ​മാ​രാ​യ ലി​ന്‍രാ​ജ്, ടി. ​അ​ന​സ്, എം.​കെ. ബി​നു എ​ന്നി​വ​രാ​ണ് പൊ​ലീ​സ് സം​ഘ​ത്തി​ലു​ണ്ടാ​യി​രു​ന്ന​ത്.