വേതന പാക്കേജ് പരിഷ്കരിച്ചില്ലെങ്കിൽ റേഷൻ കടകൾ ഉപേക്ഷിക്കേണ്ടിവരുമെന്ന് വ്യാപാരികൾ

ക​ൽ​പ​റ്റ: പ്ര​ധാ​ന​മ​ന്ത്രി​യു​ടെ പി.​എം.​ജി.​കെ.​വൈ അ​രി​യു​ടെ വി​ത​ര​ണം ഡി​സം​ബ​ർ 31ന് ​അ​വ​സാ​നി​ച്ച​തോ​ടെ കേ​ര​ള​ത്തി​ലെ റേ​ഷ​ൻ വ്യാ​പാ​രി​ക​ൾ വ​ലി​യ പ്ര​തിസ​ന്ധി​യി​ലാ​ണെ​ന്ന് ഓ​ൾ കേ​ര​ള റേ​ഷ​ൻ ഡീ​ലേ​ഴ്സ് അ​സോ​സി​യേ​ഷ​ൻ ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. സം​സ്ഥാ​ന​ത്തെ 14257 റേ​ഷ​ൻ വ്യാ​പാ​രി​ക​ളി​ൽ ജ​നു​വ​രി​യി​ൽ 25,000 രൂ​പ​യി​ല​ധി​കം വ​രു​മാ​നം ല​ഭി​ച്ച​ത് 2000 പേ​ർ​ക്ക് മാ​ത്ര​മാ​ണെ​ന്ന് അ​വ​ർ പ​റ​ഞ്ഞു.

വേ​ത​ന പാ​ക്കേ​ജ് പ​രി​ഷ്ക​രി​ച്ച് പ്ര​തി​മാ​സം 30,000 രൂ​പ റേ​ഷ​ൻ വ്യാ​പാ​രി​ക​ൾ​ക്കും 10,000 രൂ​പ സെ​യി​ൽ​സ്മാ​നും വേ​ത​നം ന​ൽ​കു​വാ​ൻ ന​ട​പ​ടി സ്വീ​ക​രി​ക്ക​ണം. മു​റി​യു​ടെ വാ​ട​ക​യും വൈ​ദ്യു​തി ചാ​ർ​ജും സ​ർ​ക്കാ​ർ ന​ൽ​ക​ണ​മെ​ന്ന് ഭാ​ര​വാ​ഹി​ക​ൾ ആ​വ​ശ്യ​പ്പെ​ട്ടു. ഇ​പ്പോ​ഴ​ത്തെ നി​ല തു​ട​ർ​ന്നാ​ൽ പ​കു​തി​യി​ലേ​റെ ക​ട​ക​ൾ ഉ​പേ​ക്ഷി​ക്കേ​ണ്ട സാ​ഹ​ച​ര്യ​മാ​ണ്.

റേ​ഷ​ൻ വ്യാ​പാ​രി​ക​ളു​ടെ പ്ര​തി​മാ​സ ക​മീ​ഷ​ൻ വി​ത​ര​ണം പൂ​ർ​ത്തി​യാ​ക്കി 10 ദി​വ​സ​ത്തി​ന​കം ന​ൽ​കാ​മെ​ന്നാ​ണ് ധാ​ര​ണ​യെ​ങ്കി​ലും ഇ​പ്പോ​ൾ വി​ത​ര​ണം പൂ​ർ​ത്തി​യാ​ക്കി ചു​രു​ങ്ങി​യ​ത് 30 ദി​വ​സം ക​ഴി​ഞ്ഞ് മാ​ത്ര​മാ​ണ് ല​ഭി​ക്കു​ന്ന​ത്. ഫെ​ബ്രു​വ​രി മാ​സ​ത്തെ ക​മീ​ഷ​ൻ വൈ​ത്തി​രി താ​ലൂ​ക്കി​ൽ ഇ​നി​യും ല​ഭി​ച്ചി​ട്ടി​ല്ല. ഈ​സ്റ്റ​ർ, വി​ഷു, റ​മ​ദാ​ൻ തു​ട​ങ്ങി​യ ഉ​ത്സ​വ​ങ്ങ​ൾ ന​ട​ക്കു​ന്ന സ​മ​യ​ത്തു​പോ​ലും മാ​ർ​ച്ച് മാ​സ​ത്തെ ക​മീ​ഷ​ൻ ന​ൽ​കി​യി​ട്ടി​ല്ല.

വ​യ​നാ​ട് ഉ​ൾ​പ്പെ​ടെ പ​ല ജി​ല്ല​ക​ളി​ലും പ​ച്ച​രി മാ​ത്ര​മാ​ണ് വി​ത​ര​ണം ന​ട​ത്തു​ന്ന​ത്. 70 ശ​ത​മാ​നം പു​ഴു​ക്ക​ല​രി​യും 30 ശ​ത​മാ​നം പ​ച്ച​രി​യും ന​ൽ​കു​വാ​ൻ ക്ര​മീ​ക​ര​ണം ചെ​യ്യ​ണം. മ​ണ്ണെ​ണ്ണ മ​ഞ്ഞ, പി​ങ്ക് കാ​ർ​ഡു​ക​ൾ​ക്ക് മാ​ത്ര​മാ​യി പ​രി​മി​ത​പ്പെ​ടു​ത്തി മൂ​ന്നു മാ​സ​ത്തി​ലൊ​രി​ക്ക​ൽ അ​ര ലി​റ്റ​ർ മ​ണ്ണെ​ണ്ണ​യാ​ണ് വി​ത​ര​ണം ന​ട​ത്തു​ന്ന​ത്.

പ​രി​മി​ത​മാ​യ ഈ ​മ​ണ്ണെ​ണ്ണ എ​ടു​ക്കു​വാ​ൻ വ്യാ​പാ​രി​ക​ൾ കി​ലോമീ​റ്റ​റു​ക​ൾ പോ​കേ​ണ്ട അ​വ​സ്ഥ​യാ​ണ്. വ​ലി​യ സാ​മ്പ​ത്തി​ക ന​ഷ്ടം വ്യാ​പാ​രി​ക​ൾ​ക്ക് ഉ​ണ്ടാ​കു​ന്നു. ഈ ​സാ​ഹ​ച​ര്യ​ത്തി​ൽ മ​ണ്ണെ​ണ്ണ ഡോ​ർ ഡെ​ലി​വ​റി​യാ​യി ക​ട​ക​ളി​ൽ എ​ത്തി​ക്ക​ണം.

വാ​ർ​ത്ത​സ​മ്മേ​ള​ന​ത്തി​ൽ എ.​കെ.​ആ​ർ.​ആ​ർ.​ഡി.​എ സം​സ്ഥാ​ന പ്ര​സി​ഡ​ന്റും മു​ൻ എം.​എ​ൽ.​എ​യു​മാ​യ ജോ​ണി നെ​ല്ലൂ​ർ, സം​സ്ഥാ​ന സെ​ക്ര​ട്ട​റി ഷാ​ജി യ​വ​നാ​ർ​കു​ളം, ജി​ല്ല പ്ര​സി​ഡ​ന്റ് പി. ​കു​ഞ്ഞ​ബ്ദു​ല്ല, വൈ​ത്തി​രി താ​ലൂ​ക്ക് ജ​ന​റ​ൽ സെ​ക്ര​ട്ട​റി കെ.​വി. സു​രേ​ന്ദ്ര​ൻ എ​ന്നി​വ​ർ പ​ങ്കെ​ടു​ത്തു.

റേ​ഷ​ൻക​ട​ക​ളി​ൽ ട​ൺക​ണ​ക്കി​ന് അ​രി കെ​ട്ടി​ക്കി​ട​ക്കു​ന്നു

ക​ൽ​പ​റ്റ: കോ​വി​ഡ് കാ​ല​ഘ​ട്ട​ത്തി​ൽ മ​ഞ്ഞ, പി​ങ്ക് കാ​ർ​ഡു​ക​ൾ​ക്ക് വി​ത​ര​ണം ന​ട​ത്തി​യ​തി​ന്റെ ബാ​ക്കി​യു​ള്ള പി.​എം.​ജി. കെ.​വൈ സ്കീ​മി​ലു​ള്ള അ​രി പ​ല റേ​ഷ​ൻക​ട​ക​ളി​ലും 50 കി​ന്റ​ലി​ന് മു​ക​ളി​ൽ കെ​ട്ടി​ക്കി​ട​ന്നു ന​ശി​ക്കു​ക​യാ​ണെ​ന്ന് റേ​ഷ​ൻ ഡീ​ലേ​ഴ്സ് അ​സോ​സി​യേ​ഷ​ൻ ഭാ​ര​വാ​ഹി​ക​ൾ പ​റ​ഞ്ഞു. ഇ​ത് വ​കമാ​റ്റി വി​ത​ര​ണം ന​ട​ത്താ​നു​ള്ള ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് അ​വ​ർ ആ​വ​ശ്യ​പ്പെ​ട്ടു.

പൊ​തു​വി​ത​ര​ണം ന​ല്ല നി​ല​യി​ൽ കൊ​ണ്ടു​പോ​കാ​ൻ റീ​ട്ടെ​യി​ൽ റേ​ഷ​ൻ വ്യാ​പാ​രി​ക​ളെ വി​ശ്വാ​സ​ത്തി​ലെ​ടു​ത്ത് അ​വ​രു​ടെ വ​രു​മാ​നം വ​ർ​ധി​പ്പി​ക്കു​വാ​ൻ ആ​വ​ശ്യ​മാ​യ അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്കു​വാ​ൻ വ​കു​പ്പു മ​ന്ത്രി​യും മു​ഖ്യ​മ​ന്ത്രി​യും ത​യാ​റാ​ക​ണ​മെ​ന്നും ഭാ​ര​വാ​ഹി​ക​ൾ പ​റ​ഞ്ഞു.

സൗ​ജ​ന്യ ഭ​ക്ഷ്യ​ക്കി​റ്റു​ക​ൾ വി​ത​ര​ണം ന​ട​ത്തി​യ​തി​ന്റെ 10 മാ​സ​ത്തെ ക​മീ​ഷ​ൻ കോ​ട​തി ഉ​ത്ത​ര​വു​ണ്ടാ​യി​ട്ടും ന​ൽ​കു​വാ​ൻ സ​ർ​ക്കാ​ർ ത​യാ​റാ​വു​ന്നി​ല്ല. റേ​ഷ​ൻ വ്യാ​പാ​രി​ക​ളോ​ടു​ള്ള സ​ർ​ക്കാ​റി​ന്റെ അ​വ​ഗ​ണ​ന​യും ചി​റ്റ​മ്മ ന​യ​വും ഉ​പേ​ക്ഷി​ക്ക​ണ​മെ​ന്നും ഭാ​ര​വാ​ഹി​ക​ൾ പ​റ​ഞ്ഞു.