പെൺകുട്ടിയോട് അതിക്രമം: ഡോക്ടറെ അറസ്​റ്റ്​ ചെയ്യണമെന്ന്​ വിമൻ ജസ്​റ്റിസ് മൂവ്മെൻറ്​

കൽപറ്റ: കൗൺസലിങ്ങിനെത്തിയ പെൺകുട്ടിയോട് ലൈംഗിക അതിക്രമത്തിന് ശ്രമിച്ച ഡോക്ടർക്കെതിരെ കേസ് രജിസ്​റ്റർ ചെയ്ത് ഒരാഴ്ച കഴിഞ്ഞിട്ടും അറസ്​റ്റു ചെയ്യാത്തതിൽ ദുരൂഹതയുണ്ടെന്ന് വിമൻ ജസ്​റ്റിസ് മൂവ്മെൻറ് ജില്ല പ്രസിഡൻറ്​ കെ.കെ. റഹീന പറഞ്ഞു.

ജനറൽ ആശുപ​​​ത്രിയിലെ മാനസികാരോഗ്യ വിദഗ്ധനും ലഹരി മോചന ചികിത്സ കേന്ദ്രത്തി​െൻറ തലവനുമായ ഡോക്​ടർക്കെതിരെയാണ് പെൺകുട്ടി മൊഴി നൽകിയത്.

പ്രതിയെ ഉടൻ അറസ്​റ്റുചെയ്യാത്ത പക്ഷം കൽപറ്റ പൊലീസ് സ്​റ്റേഷനിലേക്ക് മാർച്ച് നടത്തുമെന്നും ഭാരവാഹികൾ അറിയിച്ചു. കെ.കെ. റഹീന, മേഴ്സി മാർട്ടിൻ, ഷമീമ നാസർ എന്നിവർ സംസാരിച്ചു.