ഉ​പ​തെ​ര​ഞ്ഞെ​ടു​പ്പ്; സൂ​ക്ഷ്മ പ​രി​ശോ​ധ​ന 28ന്, 30 വരെ പിൻവലിക്കാം

ക​ൽ​പ​റ്റ: വ​യ​നാ​ട് ലോ​ക്സ​ഭ മ​ണ്ഡ​ലം ഉ​പ​തെ​ര​ഞ്ഞെ​ടു​പ്പി​ല്‍ 21 സ്ഥാ​നാ​ർ​ഥി​ക​ള്‍ നാ​മ​നി​ര്‍ദേ​ശ പ​ത്രി​ക ന​ല്‍കി. വെ​ള്ളി​യാ​ഴ്ച വൈ​കീ​ട്ട് മൂ​ന്നോ​ടെ​യാ​ണ് പ​ത്രി​ക സ​മ​ര്‍പ്പ​ണം പൂ​ര്‍ത്തി​യാ​യ​ത്.

നാ​മ​നി​ര്‍ദേ​ശ പ​ത്രി​ക​ക​ളു​ടെ സൂ​ക്ഷ്മ പ​രി​ശോ​ധ​ന ഒ​ക്ടോ​ബ​ര്‍ 28ന് ​ന​ട​ക്കും. ഒ​ക്ടോ​ബ​ര്‍ 30ന് ​വൈ​കീ​ട്ട് മൂ​ന്നി​ന​കം സ്ഥാ​നാ​ര്‍ഥി​ക​ള്‍ക്ക് നാ​മ​നി​ര്‍ദേ​ശ പ​ത്രി​ക പി​ന്‍വ​ലി​ക്കാം.

എ. ​സീ​ത (ബ​ഹു​ജ​ന്‍ ദ്രാ​വി​ഡ പാ​ര്‍ട്ടി), ഗോ​പാ​ല്‍ സ്വ​രൂ​പ് ഗാ​ന്ധി (കി​സാ​ന്‍ മ​ജ്ദൂ​ര്‍ ബ​റോ​ജ്ഗ​ര്‍ സം​ഘ് പാ​ര്‍ട്ടി), ബാ​ബു (ക​മ്യൂ​ണി​സ്റ്റ് പാ​ര്‍ട്ടി ഓ​ഫ് ഇ​ന്ത്യ), എ.​സി. സി​നോ​ജ് (ക​ണ്‍ട്രി സി​റ്റി​സ​ണ്‍ പാ​ര്‍ട്ടി), കെ. ​സ​ദാ​ന​ന്ദ​ന്‍ (ബി.​ജെ.​പി), സ്വ​ത​ന്ത്ര സ്ഥാ​നാ​ർ​ഥി​ക​ളാ​യ ഇ​സ്മ​യി​ല്‍ സ​ബി​ഉ​ല്ല, സ​ന്തോ​ഷ് ജോ​സ​ഫ്, ആ​ര്‍. രാ​ജ​ന്‍, സി. ​അ​ജി​ത്ത് കു​മാ​ര്‍, ബു​ക്ക​രാ​ജു ശ്രീ​നി​വാ​സ രാ​ജു, എ. ​നൂ​ര്‍മു​ഹ​മ്മ​ദ് എ​ന്നി​വ​രാ​ണ് വെ​ള​ളി​യാ​ഴ്ച പ​ത്രി​ക സ​മ​ര്‍പ്പി​ച്ച​ത്. പ്രി​യ​ങ്ക ഗാ​ന്ധി (ഇ​ന്ത്യ​ന്‍ നാ​ഷ​ന​ല്‍ കോ​ണ്‍ഗ്ര​സ്), സ​ത്യ​ന്‍ മൊ​കേ​രി (ക​മ്യൂ​ണി​സ്റ്റ് പാ​ര്‍ട്ടി ഓ​ഫ് ഇ​ന്ത്യ), ന​വ്യ ഹ​രി​ദാ​സ് (ഭാ​ര​തീ​യ ജ​ന​ത പാ​ര്‍ട്ടി), ജ​യേ​ന്ദ്ര ക​ര്‍ഷ​ന്‍ഭാ​യി റാ​ത്തോ​ഡ്(​റൈ​റ്റ് ടു ​റീ​കാ​ള്‍ പാ​ര്‍ട്ടി), ദു​ഗ്ഗി​റാ​ല നാ​ഗേ​ശ്വ​ര റാ​വൂ (ജാ​തി​യ ജ​ന​സേ​വ പാ​ര്‍ട്ടി), സ്വ​ത​ന്ത്ര സ്ഥാ​നാ​ര്‍ഥി​ക​ളാ​യ രു​ഗ്മി​ണി, സോ​നു സി​ങ് യാ​ദ​വ്, ഡോ. ​കെ. പ​ത്മ​രാ​ജ​ന്‍, ഷെ​യ്ക്ക് ജ​ലീ​ല്‍, ജോ​മോ​ന്‍ ജോ​സ​ഫ് സാ​മ്പ്രി​ക്ക​ല്‍, ജു​മാ​ന്‍ വി.​എ​സ് എ​ന്നി​വ​രാ​ണ് മു​ന്‍ദി​വ​സ​ങ്ങ​ളി​ല്‍ ജി​ല്ല ക​ല​ക്ട​റും ജി​ല്ല വ​ര​ണാ​ധി​കാ​രി​യു​മാ​യ ഡി.​ആ​ര്‍. മേ​ഘ​ശ്രീ​ക്ക് മു​മ്പാ​കെ നാ​മ​നി​ർ​ദേ​ശ പ​ത്രി​ക സ​മ​ര്‍പ്പി​ച്ച​ത്.

പ്രി​യ​ങ്ക​ക്കാ​യി നാ​ലാം സെ​റ്റ് പ​ത്രി​ക സ​മ​ര്‍പ്പി​ച്ചു

ക​ൽ​പ​റ്റ: പ്രി​യ​ങ്ക ഗാ​ന്ധി​ക്കാ​യി നാ​ലാ​മ​ത്തെ സെ​റ്റ് പ​ത്രി​ക നാ​മ​നി​ര്‍ദേ​ശ​ക​നാ​യ ഐ.​സി. ബാ​ല​കൃ​ഷ്ണ​ന്‍ എം.​എ​ല്‍.​എ സ​മ​ര്‍പ്പി​ച്ചു. വെ​ള്ളി​യാ​ഴ്ച രാ​വി​ലെ ക​ല​ക്ട​റേ​റ്റി​ലെ​ത്തി​യാ​ണ് വ​ര​ണാ​ധി​കാ​രി​കൂ​ടി​യാ​യ ഡി.​ആ​ര്‍. മേ​ഘ​ശ്രീ​ക്ക് പ​ത്രി​ക ന​ല്‍കി​യ​ത്. ഒ​രു സ്ഥാ​നാ​ര്‍ഥി​ക്ക് നാ​ല് സെ​റ്റ് പ​ത്രി​ക​യാ​ണ് ന​ല്‍കാ​നാ​വു​ക. ഇ​തി​ല്‍ മൂ​ന്ന് സെ​റ്റ് പ​ത്രി​ക​ക​ള്‍ ബു​ധ​നാ​ഴ്ച പ്രി​യ​ങ്ക ഗാ​ന്ധി ന​ല്‍കി​യി​രു​ന്നു.