ബോർഡിലൊതുങ്ങി വയനാട് മെഡിക്കൽ കോളജ്; കണ്ണുതുറക്കാൻ ഇനി എത്ര ജീവനുകൾ പൊലിയണം?

ക​ൽ​പ​റ്റ: ‘‘മ​റ്റൊ​രു ഗ​വ. മെ​ഡി​ക്ക​ൽ കോ​ള​ജി​ലേ​ക്ക് അ​ടി​യ​ന്ത​ര ചി​കി​ത്സ ആ​വ​ശ്യ​മു​ള്ള രോ​ഗി​ക​ളെ റ​ഫ​ർ ചെ​യ്യു​ന്ന ലോ​ക​ത്തി​ലെ ഏ​ക ഗ​വ. മെ​ഡി​ക്ക​ൽ കോ​ള​ജാ​ണ് മാ​ന​ന്ത​വാ​ടി​യി​ലേ​ത്.’'

ക​ടു​വ​യു​ടെ ആ​ക്ര​മ​ണ​ത്തി​ൽ ഗു​രു​ത​ര​മാ​യി പ​രി​ക്കേ​റ്റ് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​കു​ന്ന​തി​നി​ടെ ക​ൽ​പ​റ്റ​യി​ലെ സ്വ​കാ​ര്യ ആ​ശു​പ​ത്രി​യി​ൽ​വെ​ച്ച് പു​തു​ശ്ശേ​രി ന​രി​ക്കു​ന്നി​ൽ പ​ള്ളി​പ്പു​റ​ത്ത് തോ​മ​സ് മ​രി​ച്ച​തി​ന് പി​ന്നാ​ലെ സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ച കു​റി​പ്പു​ക​ളി​ലൊ​ന്നാ​ണി​ത്.

മാ​ന​ന്ത​വാ​ടി​യി​ലെ ജി​ല്ല ആ​ശു​പ​ത്രി 2021ൽ ​നി​യ​മ​സ​ഭ തെ​ര​ഞ്ഞെ​ടു​പ്പി​ന് മു​മ്പാ​യി ഗ​വ. മെ​ഡി​ക്ക​ൽ കോ​ള​ജാ​യി ഉ​യ​ർ​ത്തി ബോ​ർ​ഡ് സ്ഥാ​പി​ച്ച​ത​ല്ലാ​തെ ചി​കി​ത്സ സൗ​ക​ര്യ​ങ്ങ​ളു​ടെ കാ​ര്യ​ത്തി​ൽ ഒ​ര​ടി​പോ​ലും മാ​റ്റ​മു​ണ്ടാ​യി​ട്ടി​ല്ലെ​ന്നാ​ണ് തോ​മ​സി​ന്‍റെ മ​ര​ണം അ​ടി​വ​ര​യി​ടു​ന്ന​ത്. മെ​ഡി​ക്ക​ൽ കോ​ള​ജാ​യി ഉ​യ​ർ​ത്തി​യെ​ങ്കി​ലും മെ​ഡി​ക്ക​ൽ കൗ​ൺ​സി​ലി​ന്റേ​തു​ൾ​പ്പെ​ടെ അ​നു​മ​തി ല​ഭി​ക്കാ​ത്ത​തി​നാ​ൽ ആ​വ​ശ്യ​മാ​യ ഫ​ണ്ടു​പോ​ലും ല​ഭി​ക്കു​ന്നി​ല്ല.

ജി​ല്ല ആ​ശു​പ​ത്രി​യി​ലെ ചി​കി​ത്സ​സൗ​ക​ര്യം പോ​ലും ഇ​പ്പോ​ൾ മാ​ന​ന്ത​വാ​ടി​യി​ൽ കി​ട്ടു​ന്നി​ല്ലെ​ന്ന ആ​രോ​പ​ണ​മാ​ണ് ഉ​യ​രു​ന്ന​ത്. ഗ​വ. മെ​ഡി​ക്ക​ൽ കോ​ള​ജ് എ​വി​ടെ നി​ർ​മി​ക്ക​ണ​മെ​ന്ന വി​വാ​ദ​ങ്ങ​ൾ ഇ​പ്പോ​ഴും ഒ​രു​വ​ഴി​ക്ക് ന​ട​ക്കു​മ്പോ​ഴും മെ​ച്ച​പ്പെ​ട്ട ചി​കി​ത്സ സൗ​ക​ര്യം ഇ​വി​ട​ത്തെ സാ​ധാ​ര​ണ​ക്കാ​ർ​ക്ക് അ​ന്യ​മാ​കു​ക​യാ​ണ്.

ജി​ല്ല ആ​ശു​പ​ത്രി മെ​ഡി​ക്ക​ൽ കോ​ള​ജാ​യി ഉ​യ​ർ​ത്തി​യ​ശേ​ഷം പു​തു​താ​യി 140 ത​സ്തി​ക​ക​ൾ അ​നു​വ​ദി​ച്ചു​കൊ​ണ്ട് ഉ​ത്ത​ര​വി​റ​ങ്ങി​യെ​ങ്കി​ലും കു​റ​ച്ച് താ​ൽ​ക്കാ​ലി​ക നി​യ​മ​നം ന​ട​ത്തി​യ​ത​ല്ലാ​തെ ആ​വ​ശ്യ​ത്തി​ന് ജീ​വ​ന​ക്കാ​രെ നി​യ​മി​ച്ചി​ട്ടി​ല്ല. വൈ​ദ്യു​തി ബി​ൽ ഉ​ൾ​പ്പെ​ടെ​യു​ള്ള ചെ​ല​വു​ക​ളി​ലാ​യി മൂ​ന്നു കോ​ടി​യി​ല​ധി​കം രൂ​പ​യു​ടെ ബാ​ധ്യ​ത​യു​ണ്ട്.

ഇ​പ്പോ​ൾ വ​രു​മാ​ന​മാ​യി ല​ഭി​ക്കു​ന്ന 30 ല​ക്ഷ​ത്തോ​ളം രൂ​പ​യി​ൽ 18 ല​ക്ഷ​ത്തി​ല​ധി​കം രൂ​പ ശ​മ്പ​ള​യി​ന​ത്തി​ൽ ന​ൽ​കാ​ൻ മാ​ത്രം ചെ​ല​വാ​കു​ന്നു​ണ്ട്. മെ​ഡി​ക്ക​ൽ കോ​ള​ജി​ന്‍റെ ന​ട​ത്തി​പ്പി​ന്‍റെ ചു​മ​ത​ല​യു​ള്ള ഹോ​സ്പി​റ്റ​ൽ ഡെ​വ​ല​പ്മെ​ന്‍റ് ക​മ്മി​റ്റി ചെ​യ​ർ​മാ​നാ​യി ജി​ല്ല ക​ല​ക്ട​റും അ​തി​നു​പു​റ​മെ മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ലും ഉ​ണ്ടെ​ങ്കി​ലും ഇ​പ്പോ​ഴും ജി​ല്ല ആ​ശു​പ​ത്രി സൂ​പ്ര​ണ്ടാ​ണ് കാ​ര്യ​ങ്ങ​ൾ നോ​ക്കി​ന​ട​ത്തു​ന്ന​ത്.

മെ​ഡി​ക്ക​ൽ കോ​ള​ജാ​യ​തോ​ടെ ക​ഴി​ഞ്ഞ ര​ണ്ടു സാ​മ്പ​ത്തി​ക വ​ർ​ഷ​ത്തെ ജി​ല്ല പ​ഞ്ചാ​യ​ത്തി​ന്‍റെ മൂ​ന്നു കോ​ടി​യു​ടെ ഫ​ണ്ടും അ​നു​വ​ദി​ക്കാ​ൻ ക​ഴി​ഞ്ഞി​ട്ടി​ല്ല. ജി​ല്ല ആ​ശു​പ​ത്രി​ക്കാ​യി നേ​ര​ത്തെ നി​ർ​മാ​ണം ആ​രം​ഭി​ച്ച മ​ൾ​ട്ടി പ​ർ​പ​സ് കെ​ട്ടി​ട​ത്തി​ന്‍റെ പ​ണി പു​രോ​ഗ​മി​ക്കു​ന്ന​ത് മാ​ത്ര​മാ​ണ് ഏ​ക ആ​ശ്വാ​സം.

ഫ​ല​ത്തി​ൽ മെ​ഡി​ക്ക​ൽ കോ​ള​ജാ​യി ഉ​യ​ർ​ത്തി​യ​തോ​ടെ ആ​രോ​ഗ്യ​വ​കു​പ്പി​ൽ​നി​ന്ന് ന​ട​ത്തി​പ്പി​നാ​യി ഫ​ണ്ട് ല​ഭി​ക്കു​ന്നി​ല്ലെ​ന്ന് മാ​ത്ര​മ​ല്ല ജി​ല്ല ആ​ശു​പ​ത്രി​ക്ക് ല​ഭി​ച്ചു​കൊ​ണ്ടി​രു​ന്ന ഫ​ണ്ട് പോ​ലും ഇ​ല്ലാ​താ​കു​ക​യും ചെ​യ്തു. മെ​ഡി​ക്ക​ൽ കോ​ള​ജി​ന് ആ​വ​ശ്യ​മാ​യ സൗ​ക​ര്യ​മി​ല്ലാ​ത്ത​തി​നാ​ലാ​ണ് ത​ന്റെ സ​ഹോ​ദ​ര​ൻ ര​ക്തം വാ​ർ​ന്ന് മ​രി​ച്ച​തെ​ന്നാ​ണ് ക​ടു​വ​യു​ടെ ആ​ക്ര​മ​ണ​ത്തി​ൽ മ​രി​ച്ച തോ​മ​സി​ന്‍റെ സ​ഹോ​ദ​ര​ൻ ബൈ​ജു മാ​സ്റ്റ​ർ വ​യ​നാ​ട് എം.​പി രാ​ഹു​ൽ ഗാ​ന്ധി​യോ​ട് ഫോ​ണി​ലൂ​ടെ അ​റി​യി​ച്ച​ത്.

മാ​ന​ന്ത​വാ​ടി​യി​ലെ വ​യ​നാ​ട് മെ​ഡി​ക്ക​ൽ കോ​ള​ജി​ൽ മെ​ച്ച​പ്പെ​ട്ട ചി​കി​ത്സ സൗ​ക​ര്യ​മൊ​രു​ക്കാ​ൻ ഇ​നി​യും വൈ​കി​യാ​ൽ വ​ന്യ​ജീ​വി ആ​ക്ര​മ​ണ​ങ്ങ​ളി​ലും മ​റ്റു അ​പ​ക​ട​ങ്ങ​ളി​ലു​മാ​യി ഗു​രു​ത​ര​മാ​യി പ​രി​ക്കേ​ൽ​ക്കു​ന്ന​വ​രു​മാ​യി ഇ​നി​യും ആം​ബു​ല​ൻ​സു​ക​ൾ ചു​ര​മി​റ​ങ്ങേ​ണ്ടി​വ​രും.