കെ​ല്ലൂ​ർ എ​ൽ.​പി സ്കൂ​ൾ യു.​പി​യാ​യി ഉ​യ​ർ​ത്താ​ൻ ന​ട​പ​ടി​യി​ല്ല

കെ​ല്ലൂ​ർ: 140 വ​ർ​ഷ​ത്തെ വി​ദ്യാ​ഭ്യാ​സ പാ​ര​മ്പ​ര്യ​മു​ള്ള കെ​ല്ലൂ​ർ ഗ​വ.​എ​ൽ.​പി സ്കൂ​ൾ അ​പ്ഗ്രേ​ഡ് ചെ​യ്യ​ണ​മെ​ന്ന ആ​വ​ശ്യ​വു​മാ​യി നാ​ട്ടു​കാ​ർ രം​ഗ​ത്ത്. വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്തി​ൽ ഉ​ൾ​പ്പെ​ട്ട കെ​ല്ലൂ​ർ ഗ​വ​ൺ​മെ​ന്റ് എ​ൽ.​പി സ്കൂ​ൾ സാ​മൂ​ഹി​ക​മാ​യും സാ​മ്പ​ത്തി​ക​മാ​യും ഏ​റെ പി​ന്നാ​ക്കം നി​ൽ​ക്കു​ന്ന പ്ര​ദേ​ശ​ത്താ​ണ് സ്ഥി​തി ചെ​യ്യു​ന്ന​ത്.

സ്കൂ​ൾ അ​പ്ഗ്രേ​ഡ് ചെ​യ്യ​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ർ മു​ട്ടാ​ത്ത വാ​തി​ലു​ക​ളി​ല്ല. വ​ർ​ഷ​ങ്ങ​ളാ​യി ഇ​തു സം​ബ​ന്ധി​ച്ച് പ​ല നി​വേ​ദ​ന​ങ്ങ​ളും മാ​റി വ​ന്ന സ​ർ​ക്കാ​റു​ക​ൾ​ക്കു ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. മൂ​ന്ന് ത​ല​മു​റ പ​ഠി​ച്ചു പോ​യ വ​യ​നാ​ട്ടി​ലെ ആ​ദ്യ സ​ർ​ക്കാ​ർ സ്കൂ​ളു​ക​ളി​ലൊ​ന്നാ​ണി​ത്. ജി​ല്ല​യി​ലെ പൊ​തു​വി​ദ്യാ​ല​യ​ങ്ങ​ളി​ൽ പ​ല​തി​ലും കു​ട്ടി​ക​ളു​ടെ എ​ണ്ണം വ​ർ​ഷം​തോ​റും കു​റ​യു​ന്ന സാ​ഹ​ച​ര്യ​മാ​ണെ​ങ്കി​ൽ കെ​ല്ലൂ​ർ ഗ​വ. എ​ൽ.​പി സ്കൂ​ളി​ൽ കു​ട്ടി​ക​ളു​ടെ എ​ണ്ണം വ​ർ​ധി​ക്കു​ന്നു എ​ന്ന​ത് ശ്ര​ദ്ധേ​യ​മാ​ണ്. ഇ​തി​ന് ഉ​ദാ​ഹ​ര​ണ​മാ​ണ് 2024 - 25 അ​ധ്യയ​ന വ​ർ​ഷം സ്കൂ​ളി​ൽ ഒ​രു ഡി​വി​ഷ​ൻ അ​ധി​ക​മാ​യി ഔ​ദ്യോ​ഗി​ക​മാ​യി ത​സ്തി​ക നി​ർ​ണ​യ​ത്തി​ൽ അ​നു​വ​ദി​ച്ചു കി​ട്ടി​യ​ത്.

യു.​പി സ്കൂ​ളായി ഉ​യ​ർ​ത്തു​ന്ന​തി​ന് ആ​വ​ശ്യ​മാ​യ സ്ഥ​ലം, കെ​ട്ടി​ട സൗ​ക​ര്യ​ങ്ങ​ൾ, മ​റ്റ് അ​നു​ബ​ന്ധ സൗ​ക​ര്യ​ങ്ങ​ൾ എ​ന്നി​വ​യെ​ല്ലാം ഇ​വി​ടെ​യു​ണ്ട്. കെ​ല്ലൂ​ർ ഗ​വ. എ​ൽ.​പി സ്കൂ​ൾ അ​പ്പ​ർ പ്രൈ​മ​റി വി​ഭാ​ഗം അ​നു​വ​ദി​ച്ച് സ്കൂ​ൾ അ​പ്ഗ്രേ​ഡ് ചെ​യ്യു​ന്ന​തി​നും ഉ​ള്ള പ​രി​ശ്ര​മ​ങ്ങ​ൾ പി.​ടി.​എ​യു​ടെ ആ​ഭി​മു​ഖ്യ​ത്തി​ൽ ജ​ന​കീ​യ ക​ർ​മ​സ​മി​തി രൂ​പ​വ​ത്ക​രി​ച്ച് ന​ട​ന്നു വ​രു​ന്നു​ണ്ട്. ഇ​തി​ന്റെ ഭാ​ഗ​മാ​യി സ്കൂ​ൾ സ്ഥി​തി ചെ​യ്യു​ന്ന കെ​ല്ലൂ​ർ പ്ര​ദേ​ശ​ത്തെ ജ​ന​കീ​യ സ​മി​തി മു​ഖേ​ന ഒ​പ്പു​ശേ​ഖ​ര​ണം ന​ട​ത്തി. ആ​ദി​വാ​സി ന്യൂ​ന പ​ക്ഷ വി​ഭാ​ഗ​ങ്ങ​ളി​ലെ കു​ഞ്ഞു​ങ്ങ​ളാ​ണ് ഇ​വി​ടെ ഏ​റെ​യും പ​ഠി​ക്കു​ന്ന​ത്. സ്കൂ​ൾ അ​പ്ഗ്രേ​ഡ് ചെ​യ്യു​ന്ന​തി​ന് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ജ​ന​കീ​യ​സ​മി​തി​യു​ടെ ആ​വ​ശ്യം.