പ്രവർത്തനം ആരംഭിക്കാതെ കെ.എസ്.ഇ.ബി ചാർജിങ് സ്റ്റേഷനുകൾ

വൈ​ത്തി​രി: കെ.​എ​സ്.​ഇ.​ബി​യു​ടെ കീ​ഴി​ൽ ജി​ല്ല​യി​ൽ ര​ണ്ടി​ട​ത്താ​യി വൈ​ദ്യു​തി വാ​ഹ​ന​ങ്ങ​ൾ​ക്കാ​യി ത​യാ​റാ​ക്കി​യ ചാ​ർ​ജി​ങ് സ്റ്റേ​ഷ​നു​ക​ൾ നോ​ക്കു​കു​ത്തി. സ്റ്റേ​ഷ​നു​മാ​യി ബ​ന്ധ​പ്പെ​ട്ട എ​ല്ലാ സ​ജ്ജീ​ക​ര​ണ​ങ്ങ​ളും പൂ​ർ​ത്തി​യാ​യെ​ങ്കി​ലും ഉ​ദ്‌​ഘാ​ട​നം നീ​ട്ടി​വെ​ക്കു​ക​യാ​ണ്. വ​യ​നാ​ട്ടി​ൽ വൈ​ത്തി​രി​യി​ലും പ​ടി​ഞ്ഞാ​റ​ത്ത​റ​യി​ലു​മാ​ണ് വൈ​ദ്യു​തി വാ​ഹ​ന ചാ​ർ​ജി​ങ് കേ​ന്ദ്ര​ങ്ങ​ൾ ഒ​രു​ങ്ങി​യ​ത്.

വൈ​ത്തി​രി​യി​ൽ ദേ​ശീ​യ​പാ​ത​യോ​ര​ത്ത് വി​ശാ​ല​മാ​യി നി​ർ​മി​ച്ചി​ട്ടു​ള്ള ചാ​ർ​ജി​ങ് സ്റ്റേ​ഷ​ൻ ജ​നു​വ​രി​യി​ൽ ഉ​ദ്‌​ഘാ​ട​നം നി​ശ്ച​യി​ച്ചി​രു​ന്നു​വെ​ങ്കി​ലും ബോ​ർ​ഡ് ചെ​യ​ർ​മാ​ന്‍റെ അ​സൗ​ക​ര്യം മൂ​ലം മാ​റ്റി​വെ​ച്ചു. ഔ​ദ്യോ​ഗി​ക ഉ​ദ്‌​ഘാ​ട​നം ന​ട​ന്നി​ല്ലെ​ങ്കി​ലും വെ​ബ്‌​സൈ​റ്റു​ക​ളി​ൽ വൈ​ത്തി​രി​യി​ൽ ചാ​ർ​ജി​ങ് കേ​ന്ദ്രം ല​ഭ്യ​മാ​ണെ​ന്ന വി​വ​രം ന​ൽ​കു​ന്നു​ണ്ട്. ഇ​തു​മൂ​ലം ദൂ​രെ ദി​ക്കു​ക​ളി​ൽ​നി​ന്നും വ​യ​നാ​ട്ടി​ൽ വ​രു​ന്ന നി​ര​വ​ധി വാ​ഹ​ന​ങ്ങ​ളാ​ണ് വൈ​ത്തി​രി​യി​ൽ ചാ​ർ​ജ് ചെ​യ്യാ​ൻ എ​ത്തു​ന്ന​ത്. സ്റ്റേ​ഷ​ൻ പ്ര​വ​ർ​ത്തി​ക്കു​ന്നി​ല്ലെ​ന്ന് അ​റി​യു​മ്പോ​ൾ വ​ൻ പ്ര​യാ​സ​മാ​ണ് ഇ​വ​ർ അ​നു​ഭ​വി​ക്കു​ന്ന​ത്.

വൈ​ദ്യു​തി ചാ​ർ​ജി​ങ് സ്റ്റേ​ഷ​നു​ക​ളു​ടെ പ​രി​പാ​ല​നം ക​രാ​ർ ക​മ്പ​നി​ക്കാ​ണ്. വ​ട​ക്കേ ഇ​ന്ത്യ​ക്കാ​രാ​യ തൊ​ഴി​ലാ​ളി​ക​ൾ വ​ന്നു​നോ​ക്കി പോ​കു​ക​യ​ല്ലാ​തെ കാ​ര്യ​മാ​യി ഒ​ന്നും ചെ​യ്യു​ന്നി​ല്ലെ​ന്ന ആ​ക്ഷേ​പ​മു​ണ്ട്. സം​സ്ഥാ​ന​ത്ത് മ​റ്റു പ​ല കേ​ന്ദ്ര​ങ്ങ​ളും പ്ര​വ​ർ​ത്ത​ന സ​ജ്ജമാ​കു​ക​യും ഉ​ദ്ഘ​ട​നം ക​ഴി​യു​ക​യും ചെ​യ്തി​ട്ടു​ണ്ട്. ഇ​വി​ട​ങ്ങ​ളി​ൽ എ​ല്ലാ വൈ​ദ്യു​ത വാ​ഹ​ന​ങ്ങ​ൾ​ക്കും ചാ​ർ​ജ്ജ് ചെ​യ്യാ​ൻ സൗ​ക​ര്യ​മു​ണ്ട്.

അ​തേ​സ​മ​യം, വൈ​ത്തി​രി​യി​ലെ ചാ​ർ​ജി​ങ് സ്റ്റേ​ഷ​ൻ പ്ര​വ​ർ​ത്ത​ന സ​ജ്ജ​മാ​ണെ​ന്നും ചെ​യ​ർ​മാ​ന്‍റെ സൗ​ക​ര്യ​ത്തി​ന​നു​സ​രി​ച്ച് അ​ടു​ത്ത് ത​ന്നെ ഉ​ദ്‌​ഘാ​ട​നം ന​ട​ക്കു​മെ​ന്നും കെ.​എ​സ്.​ഇ.​ബി എ​ക്സി​ക്യൂ​ട്ടി​വ് എ​ൻ​ജി​നീ​യ​ർ 'മാ​ധ്യ​മ'​ത്തോ​ട് പ​റ​ഞ്ഞു.