പുള്ളിപ്പുലി ചത്ത സംഭവം: ലൈസൻസുള്ള തോക്കുകൾ പരിശോധിച്ചു

ഗൂഡല്ലൂർ: പന്തല്ലൂർ താലൂക്കിലെ അത്തിക്കുന്ന് ഭാഗത്തെ സ്വകാര്യ എസ്​റ്റേറ്റിലെ തേയിലക്കാട്ടിൽ പുള്ളിപ്പുലി ചത്ത സംഭവത്തിൽ ദേവാല സ്​റ്റേഷൻ പരിധിയിൽ ലൈസൻസുള്ള തോക്ക് കൈവശംവെച്ചവരുടെ വിവരവും തോക്കുകളും പരിശോധിച്ചു. ദേവാല സ്​റ്റേഷനിൽ വെച്ചാണ് വനപാലകർ പരിശോധന നടത്തിയത്.

പുലി ചാവാൻ കാരണം വെടിയേറ്റതാ​െണന്ന് പോസ്​റ്റ്​മോർട്ടം റിപ്പോർട്ടിൽ വ്യക്തമായതോടെയാണ് ഗൂഡല്ലൂർ ഡി.എഫ്.ഒ സുമേഷ് സോമ​െൻറ നേതൃത്വത്തിൽ നാലു സംഘങ്ങളായി അന്വേഷണം നടക്കുന്നതെന്ന് ഡി.എഫ്.ഒ പറഞ്ഞു. തോക്കുള്ളവരുടെ ലൈസൻസും തോക്കും തിരകളും എത്തിക്കാനാണ് ആവശ്യപ്പെട്ടിട്ടുള്ളതെന്നും ഡി.എഫ്.ഒ 'മാധ്യമ'ത്തോട് പറഞ്ഞു. ഇതുമായി ബന്ധപ്പെട്ട് പൊലീസും പ്രത്യേക അന്വേഷണം നടത്തിവരുന്നു.