അജ്ഞാത വാഹനമിടിച്ച് പുള്ളിപ്പുലി ചത്തു

ഗൂഡല്ലൂർ: മഞ്ചൂരിന് സമീപം അജ്ഞാതവാഹനമിടിച്ച് പുള്ളിപ്പുലി ചത്ത സംഭവത്തെക്കുറിച്ച് വനപാലകർ അന്വേഷണം ആരംഭിച്ചു. ബുധനാഴ്ച രാത്രിയാണ് പുള്ളിപ്പുലിയെ റോഡിൽ ചത്തുകിടക്കുന്ന നിലയിൽ കണ്ടെത്തിയത്. ഉടനെ വനപാലകരെത്തി ജഡം കൈപ്പറ്റി. പോസ്റ്റ്മോർട്ടം നടപടികൾക്ക് ശേഷം വ്യാഴാഴ്ച അഗ്നിക്കിരയാക്കി. പത്തു വയസ്സുള്ള ആൺ പുലിയാണ് ചത്തത്. ഇടിച്ച വാഹനത്തിന്റെ വിവരങ്ങളും മറ്റും വനപാലകർ അന്വേഷിച്ചു വരുകയാണ്.