ആനി രാജ വന്നിട്ടും നില മെച്ചപ്പെടുത്താനാകാതെ എൽ.ഡി.എഫ്

ക​ല്‍പ​റ്റ: ദേ​ശീ​യ നേ​താ​വും ശ​ക്ത​രാ​യ നേ​താ​ക്ക​ളി​ൽ ഒ​രാ​ളു​മാ​യ ആ​നി രാ​ജ വ​യ​നാ​ട്ടി​ല്‍ സ്ഥാ​നാ​ർ​ഥി​യാ​യി​ട്ടും നി​ല മെ​ച്ച​പ്പെ​ടു​ത്താ​നാ​കാ​തെ എ​ൽ.​ഡി.​എ​ഫ്. 2019 ൽ ​നേ​ടി​യ വോ​ട്ടി​ങ് ശ​ത​മാ​മാ​ന​ത്തി​ൽ കാ​ര്യ​മാ​യ പു​രോ​ഗ​തി ഉ​ണ്ടാ​ക്കാ​ൻ ആ​നി​രാ​ജ​യു​ടെ സാ​ന്നി​ധ്യ​ത്തി​നാ​യി​ല്ല. രാ​ഹു​ൽ ഗാ​ന്ധി​യു​ടെ ഭൂ​രി​പ​ക്ഷം മു​ൻ വ​ർ​ഷ​ത്തെ നാ​ലേ കാ​ൽ ല​ക്ഷ​ത്തി​ൽ​നി​ന്ന് ഒ​ന്ന​ര ല​ക്ഷ​ത്തി​ൽ താ​ഴെ​യാ​ക്കു​മെ​ന്നാ​ണ് എ​ൽ.​ഡി.​എ​ഫ് നേ​താ​ക്ക​ൾ ര​ഹ​സ്യ​മാ​യി പ​റ​ഞ്ഞി​രു​ന്ന​ത്. എ​ന്നാ​ൽ മു​ൻ തെ​ര​ഞ്ഞെ​ടു​പ്പി​നെ അ​പേ​ക്ഷി​ച്ച് എ​ഴു​പ​തി​നാ​യി​ര​ത്തി​ന്റെ കു​റ​വാ​ണ് ഉ​ണ്ടാ​യ​ത്.

മ​ണ്ഡ​ല​ത്തി​ല്‍ പോ​ള്‍ ചെ​യ്ത 10,74,623 വോ​ട്ടി​ല്‍ 6,47,445 (59.69 ശ​ത​മാ​നം) എ​ണ്ണ​മാ​ണ് രാ​ഹു​ല്‍ ഗാ​ന്ധി​ക്കു ല​ഭി​ച്ച​ത്. ആ​നി രാ​ജ​ക്ക് ല​ഭി​ച്ച​താ​ക​ട്ടെ 2,83,023 വോ​ട്ടും (26 ശ​ത​മാ​നം). 2019ല്‍ 64.8 ​ശ​ത​മാ​നം വോ​ട്ടാ​ണ് രാ​ഹു​ല്‍ ഗാ​ന്ധി​യു​ടെ പെ​ട്ടി​യി​ൽ വീ​ണ​തെ​ങ്കി​ൽ സി.​പി.​ഐ​യി​ലെ പി.​പി. സു​നീ​റി​ന് ആ​കെ വോ​ട്ടി​ന്റെ 25.2 ശ​ത​മാ​ന​മാ​ണ് ല​ഭി​ച്ച​ത്. 10,74,623 പേ​രാ​ണ് ഇ​ത്ത​വ​ണ സ​മ്മ​തി​ദാ​നാ​വ​കാ​ശം വി​നി​യോ​ഗി​ച്ച​ത്. ക​ഴി​ഞ്ഞ തെ​ര​ഞ്ഞെ​ടു​പ്പി​നെ അ​പേ​ക്ഷി​ച്ച് 6.85 ശ​ത​മാ​നം കു​റ​വാ​ണ് രേ​ഖ​പ്പെ​ടു​ത്തി​യ​ത്. ആ​നി രാ​ജ വ​ന്നി​ട്ടും വോ​ട്ടി​ങ് ശ​ത​മാ​നം ഉ​യ​ർ​ത്താ​നാ​കാ​ത്ത​ത് മു​ന്ന​ണി​യു​ടെ വോ​ട്ടു​ക​ൾ പൂ​ർ​ണ​മാ​യും ആ​നി​രാ​ജ​ക്ക് ല​ഭി​ക്കാ​ത്ത​താ​ണെ​ന്ന് ഒ​രു വി​ഭാ​ഗം ആ​രോ​പി​ക്കു​ന്നു.

2019ല്‍ 4,31,394 ​വോ​ട്ടാ​യി​രു​ന്ന രാ​ഹു​ല്‍ ഗാ​ന്ധി​യു​ടെ ഭൂ​രി​പ​ക്ഷം ഇ​ക്കു​റി 3,64,422 ആ​യി കു​റ​ഞ്ഞു. ഇ​തി​ന്റെ നേ​ട്ടം​പോ​ലും എ​ൽ.​ഡി.​എ​ഫ് അ​ക്കൗ​ണ്ടി​ലെ​ത്തി​യി​ല്ല. തെ​ര​ഞ്ഞെ​ടു​പ്പ് വി​ജ്ഞാ​പ​നം ചെ​യ്യും​മു​മ്പേ ആ​നി രാ​ജ മ​ണ്ഡ​ല​ത്തി​ലെ​ത്തി പ്ര​ചാ​ര​ണം തു​ട​ങ്ങി​യി​രു​ന്നു. രാ​ഹു​ലാ​ക​ട്ടെ നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കാ​നാ​ണ് വ​യ​നാ​ട്ടി​ലെ​ത്തു​ന്ന​ത്. പോ​രാ​ട്ട നാ​യി​ക​യാ​യി അ​റി​യ​പ്പെ​ടു​ന്ന ആ​നി രാ​ജ​ക്ക് ന്യൂ​ന​പ​ക്ഷ വോ​ട്ടു​ക​ൾ കൂ​ടു​ത​ൽ സ്വ​രൂ​പി​ക്കാ​നാ​കു​മെ​ന്നാ​യി​രു​ന്നു പാ​ർ​ട്ടി വി​ല​യി​രു​ത്ത​ൽ. അ​സം​ഘ​ടി​ത വി​ഭാ​ഗ​ത്തി​ല്‍പ്പെ​ട്ട​വ​രു​ടേ​യും തൊ​ഴി​ലാ​ളി​ക​ളു​ടെ​യും വോ​ട്ടു​ല​ഭി​ക്കു​മെ​ന്നും എ​ൽ.​ഡി.​എ​ഫി​ന് പ്ര​തീ​ക്ഷ​യു​ണ്ടാ​യി​രു​ന്നു. ക​ഴി​ഞ്ഞ ത​വ​ണ രാ​ഹു​ൽ ത​രം​ഗ​ത്തി​ൽ മ​റി​ഞ്ഞ വോ​ട്ടു​ക​ളും ഇ​ത്ത​വ​ണ പെ​ട്ടി​യി​ലെ​ത്തു​മെ​ന്നാ​യി​രു​ന്നു എ​ൽ.​ഡി.​എ​ഫ് ക​ണ​ക്കു​കൂ​ട്ട​ൽ. എ​ന്നാ​ൽ, ഇ​തൊ​ന്നും യാ​ഥാ​ർ​ഥ്യ​മാ​യി​ല്ലെ​ന്നാ​ണ് ക​ണ​ക്കു​ക​ൾ വ്യ​ക്ത​മാ​ക്കു​ന്ന​ത്.