കൂടൊരുക്കി 10 ദിവസം: കടുവ വട്ടംചുറ്റിക്കുന്നു

മാ​ന​ന്ത​വാ​ടി: ന​ഗ​ര​സ​ഭ പ​രി​ധി​യി​ലെ ചി​റ​ക്ക​ര​യി​ലും സ​മീ​പ പ്ര​ദേ​ശ​ങ്ങ​ളി​ലും ഭീ​തി​വി​ത​ച്ച ക​ടു​വ​ക്കാ​യി കൂ​ടൊ​രു​ക്കി 10 ദി​വ​സ​മാ​യെ​ങ്കി​ലും ക​ടു​വ കൂ​ട്ടി​ൽ​ക​യ​റി​യി​ല്ല. ഇ​ത് വ​ന​പാ​ല​ക​രെ​യും നാ​ട്ടു​കാ​രെ​യും ഒ​രു​പോ​ലെ വ​ട്ടം​ചു​റ്റി​ക്കു​ന്നു. ക​ടു​വ​യെ പി​ടി​കൂ​ടു​ന്ന​തി​നാ​യി ഈ ​മാ​സം 12ന് ​വൈ​കീ​ട്ടാ​ണ് കൂ​ട് സ്ഥാ​പി​ച്ച​ത്. ക​ന​ത്ത വേ​ന​ല്‍ മ​ഴ തു​ട​രു​ന്ന​തി​നാ​ല്‍ ക​ടു​വ​യു​ടെ കാ​ൽ​പാ​ടു​ക​ളും മ​റ്റും വ​ന​പാ​ല​ക സം​ഘ​ത്തി​ന് ക​ണ്ടെ​ത്താ​ന്‍ ക​ഴി​യാ​ത്ത​തും തി​രി​ച്ച​ടി​യാ​ണ്. ദി​വ​സ​ങ്ങ​ള്‍ക്ക് മു​മ്പ് ത​ല​പ്പു​ഴ ഗോ​ദാ​വ​രി ഭാ​ഗ​ത്ത് ക​ടു​വ​യു​ടെ കാ​ൽ​പാ​ട് ക​ണ്ട​താ​യി പ്ര​ദേ​ശ​വാ​സി​ക​ള്‍ അ​റി​യി​ച്ച​ത​നു​സ​രി​ച്ച് വ​നം​വ​കു​പ്പ് ന​ട​ത്തി​യ പ​രി​ശോ​ധ​ന​യി​ല്‍ ഗോ​ദാ​വ​രി മു​ത​ല്‍ ചി​റ​ക്ക​ര എ​ണ്ണ​പ്പ​ന വ​രെ​യു​ള്ള നാ​ല് സ്ഥ​ല​ത്ത് ക​ടു​വ​യു​ടെ കാ​ല്‍പാ​ട് ക​ണ്ടെ​ത്തി​യി​രു​ന്നു.

പ്ര​ദേ​ശ​ത്ത് പ​ക​ല്‍സ​മ​യ​ത്ത് വ്യാ​പ​ക​മാ​യി തെ​രു​വു​നാ​യ്ക്ക​ള്‍ സം​ഘ​ടി​ച്ചെ​ത്തി കൂ​ട്ടി​ല്‍ ഇ​ര​യാ​യി നി​ര്‍ത്തു​ന്ന ആ​ടി​നെ ആ​ക്ര​മി​ക്കാ​ന്‍ ഒ​രു​ങ്ങി​യി​രു​ന്നു. തു​ട​ര്‍ന്ന് രാ​ത്രി സ​മ​യ​ങ്ങ​ളി​ല്‍ മാ​ത്ര​മാ​ണ് ക​ടു​വ​ക്കാ​യി ഇ​ര​യാ​യി ആ​ടി​നെ കെ​ട്ടു​ന്ന​ത്. കൂ​ടി​ന് സ​മീ​പ​ത്താ​യി കാ​മ​റ​ക​ള്‍ സ​ജ്ജ​മാ​ക്കി ആ​ര്‍.​ആ​ര്‍.​ടി, വ​നം​വ​കു​പ്പ് സം​ഘ​ങ്ങ​ളു​ടെ നി​ര​ന്ത​ര പ​രി​ശോ​ധ​ന​യും പ്ര​ദേ​ശ​ത്തു​ണ്ട്.