ഒാട്ടോ കുട്ടൻ മത്സരത്തിലാണ്
text_fieldsമാനന്തവാടി: നഗരസഭ സ്ഥാനാർഥികളിൽ ഏക ഓട്ടോ ഡ്രൈവറാണ് കുട്ടൻ. മാനന്തവാടി നഗരസഭയിലെ 31ാം ഡിവിഷനായ പാലാക്കുളിയിലാണ് കുട്ടൻ എന്ന നാരായണൻ യു.ഡി.എഫ് സ്ഥാനാർഥിയായി ജനവിധി തേടുന്നത്.
യൂത്ത് കോൺഗ്രസിലൂടെ കോൺഗ്രസിെൻറ സജീവ പ്രവർത്തകനായ ഇദ്ദേഹത്തിെൻറ പേര് പല തെരഞ്ഞെടുപ്പുകളിലും പരിഗണിച്ചിരുന്നുവെങ്കിലും ഇത്തവണയാണ് ടിക്കറ്റ് കിട്ടിയത്. സി.പി.എമ്മിെൻറ കോട്ടയിലാണ് പോരാട്ടം. ഇത്തവണ ഡിവിഷനിൽ മൂവർണക്കൊടി പാറിക്കുമെന്ന ആത്മവിശ്വാസത്തിലാണ് 56കാരനായ നാരായണൻ.
വിമതശല്യത്തെ അതിജീവിച്ച, ഗ്രന്ഥശാല പ്രവർത്തകൻ കൂടിയായ എൽ.ഡി.എഫിലെ എ.വി. മാത്യുവാണ് എതിരാളി. എൻ.ഡി.എ സ്ഥാനാർഥി മോഹൻദാസും രംഗത്തുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.