ചന്ദ്രിക വധം; ഭർത്താവിന് ജീവപര്യന്തം

മാ​ന​ന്ത​വാ​ടി: തോ​ൽ​പെ​ട്ടി ച​ന്ദ്രി​ക വ​ധ​ക്കേ​സി​ൽ പ്ര​തി​ക്ക് ജീ​വ​പ​ര്യ​ന്തം ത​ട​വും അ​ഞ്ചു​ല​ക്ഷം രൂ​പ പി​ഴ​യും. ഇ​രി​ട്ടി, വ​ള്ളി​ത്തോ​ട് പാ​റ​ക്ക​ണ്ടി പ​റ​മ്പി​ൽ അ​ശോ​ക​നാണ് (50) മാ​ന​ന്ത​വാ​ടി സ്പെ​ഷ്യ​ൽ ജ​ഡ്ജി ആ​ൻ​ഡ് അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി പി.​ടി. പ്ര​കാ​ശ​ൻ ശി​ക്ഷ​വി​ധി​ച്ച​ത്. പി​ഴ തു​ക അ​ട​ച്ചി​ല്ലെ​ങ്കി​ൽ അ​ഞ്ച് വ​ർ​ഷം ക​ഠി​ന ത​ട​വും അ​നു​ഭ​വി​ക്ക​ണം.

2019 മേ​യ് അ​ഞ്ചി​നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ഭ​ർ​ത്താ​വ് അ​ശോ​ക​ന്റെ നി​ര​ന്ത​ര​മാ​യ ഉ​പ​ദ്ര​വ​ത്തെ തു​ട​ർ​ന്ന് സ​ഹോ​ദ​ര​ൻ തോ​ൽപെ​ട്ടി ചെ​ക്ക് പോ​സ്റ്റി​ന് സ​മീ​പ​ത്തെ കൊ​റ്റ​ൻ കോ​ട് സു​ധാ​ക​ര​ന്റെ വീ​ട്ടി​ലാ​യി​രു​ന്നു ച​ന്ദ്രി​ക​യും മ​ക്ക​ളും താ​മ​സി​ച്ചി​രു​ന്ന​ത്. ഇ​തേ​വ​ർ​ഷം ഏ​പ്രി​ലി​ൽ അ​ശോ​ക​ൻ ഈ ​വീ​ട്ടി​ലെ​ത്തി ച​ന്ദ്രി​ക​യെ ക​ത്തി ഉ​പ​യോ​ഗി​ച്ച് ആ​ക്ര​മി​ക്കാ​ൻ ശ്ര​മി​ച്ചി​രു​ന്നു. അ​ന്ന് സു​ധാ​ക​ര​നും മ​റ്റും ചേ​ർ​ന്ന് അ​ക്ര​മം ത​ട​യു​ക​യും പൊ​ലീ​സി​ൽ വി​വ​ര​മ​റി​യി​ക്കു​ക​യു​മാ​യി​രു​ന്നു. തു​ട​ർ​ന്ന് ഭീ​ഷ​ണി മു​ഴ​ക്കി തി​രി​ച്ചു​പോ​യ അ​ശോ​ക​ൻ കൃ​ത്യം ഒ​രു മാ​സം ക​ഴി​ഞ്ഞ് തി​രി​ച്ചെ​ത്തി രാ​ത്രി മ​ക്ക​ളാ​യ അ​ന​ശ്വ​ര, അ​ശ്വ​തി എ​ന്നി​വ​രു​ടെ മു​ന്നി​ൽ​വെ​ച്ച് ച​ന്ദ്രി​ക​യെ കു​ത്തി​ക്കൊ​ല​പ്പെ​ടു​ത്തു​ക​യാ​യി​രു​ന്നു.

അ​ന്ന് തി​രു​നെ​ല്ലി എ​സ്.​ഐ ആ​യി​രു​ന്ന ര​ജീ​ഷ് തെ​രു​വ​ത്ത് കു​ടി​യും എ.​എ​സ്.​ഐ കെ.​വി. സ​ജി​യു​മാ​ണ് കേ​സ് അ​ന്വേ​ഷി​ച്ചി​രു​ന്ന​ത്. കേ​സി​ൽ ഒ​ന്നാം സാ​ക്ഷി ച​ന്ദ്രി​ക​യു​ടെ സ​ഹോ​ദ​ര​ൻ സു​ധാ​ക​ര​നും ര​ണ്ടും മൂ​ന്നും സാ​ക്ഷി​ക​ൾ മ​ക്ക​ളാ​യ അ​ന​ശ്വ​ര​യും അ​ശ്വ​തി​യു​മാ​യി​രു​ന്നു. ഇ​വ​രു​ടെ മൊ​ഴി​ക​ളാ​ണ് കേ​സി​ൽ നി​ർ​ണാ​യ​ക​മാ​യ​ത്. പ്രോ​സി​ക്യൂഷ​നുവേ​ണ്ടി അ​ഡ്വ. ജോ​ഷി മു​ണ്ട​ക്ക​ൻ ഹാ​ജ​രാ​യി.

25 സാ​ക്ഷി​ക​ളെ വി​സ്ത​രി​ക്കു​ക​യും 43 രേ​ഖ​ക​ളും 50 തൊ​ണ്ടി​മു​ത​ലു​ക​ളും തെ​ളി​വാ​യി ഹാ​ജ​രാ​ക്കുകയും ചെയ്തു. ന​ഷ്ട​പ​രി​ഹാ​ര തു​ക പ്ര​തി​യി​ൽ നി​ന്ന് ഈ​ടാ​ക്കാ​ൻ സാ​ധി​ച്ചി​ല്ലെ​ങ്കി​ൽ തു​ക ന​ൽ​കാ​നു​ള്ള ന​ട​പ​ടി സ്വീ​ക​രി​ക്കാ​ൻ ലീ​ഗ​ൽ സ​ർ​വി​സ് അ​തോ​റി​റ്റി​ക്ക് കോ​ട​തി നി​ർ​ദേ​ശം ന​ൽ​കി. ഈ ​കേ​സി​ൽ ജ​യി​ലി​ൽ നി​ന്ന് ജാ​മ്യ​ത്തി​ലി​റ​ങ്ങി​യ സ​മ​യ​ത്ത് സ​ഹ​ത​ടവുകാ​ര​ന്റെ ഭാ​ര്യ​യെ ബ​ലാ​ത്സ​ഗം ചെ​യ്ത കേ​സി​ൽ ത​ല​പ്പു​ഴ പൊ​ലീ​സ് ര​ജി​സ്റ്റ​ർ ചെ​യ്ത കേ​സ് വി​ചാ​ര​ണ​യി​ലാ​ണ്.

ചന്ദ്രിക വധം: അർഹിച്ച ശിക്ഷ- മക്കൾ

മാ​ന​ന്ത​വാ​ടി: ത​ങ്ങ​ളു​ടെ ക​ൺ​മു​ന്നി​ൽ അ​മ്മ​യെ കു​ത്തി​ക്കൊ​ന്ന പി​താ​വി​ന് ല​ഭി​ച്ച ജീ​വ​പ​ര്യ​ന്തം അ​ർ​ഹി​ക്കു​ന്ന ശി​ക്ഷ​യാ​ണെ​ന്ന് മ​ക്ക​ൾ. തോ​ൽ​പെ​ട്ടി കൊ​റ്റ​ൻ കോ​ട് ച​ന്ദ്രി​ക​യെ​യാ​ണ് ഭ​ർ​ത്താ​വ് ഇ​രി​ട്ടി വ​ള്ളി​ത്തോ​ട് പാ​റ​ക്ക​ണ്ടി പ​റ​മ്പി​ൽ അ​ശോ​ക​ൻ കൊ​ല​പ്പെ​ടു​ത്തി​യ​ത്. അ​ശോ​ക​ൻ 2019 ഏ​പ്രി​ൽ അഞ്ചിന് ​തോ​ൽ​പെ​ട്ടി​യി​ലെ​ത്തി ച​ന്ദ്രി​ക​യെ ഭീ​ഷി​ണി​പ്പെ​ടു​ത്തി​യി​രു​ന്നു. കൃ​ത്യം ഒ​രു മാ​സ​മാ​യ​പ്പോ​ഴാ​ണ് കൊ​ല​പാ​ത​കം.

കൊ​ല​പാ​തക സ​മ​യ​ത്ത് മ​ക്ക​ളാ​യ അ​ന​ശ്വ​ര (19), അ​ശ്വ​തി (16) എ​ന്നി​വ​ർ ദൃ​ക് സാ​സാ​ക്ഷി​ക​ളാ​യി​രു​ന്നു. ഇ​വ​രു​ടെ സാ​ക്ഷി​മൊ​ഴി​ക​ളാ​ണ് നി​ർ​ണാ​യ​ക​മാ​യ​ത്. ആ​ദ്യ ഭീ​ഷണി ഉ​ണ്ടാ​യ​പ്പോ​ൾത്ത​ന്നെ പൊ​ലീ​സ് ക​ർ​ശ​ന ന​ട​പ​ടി എ​ടു​ത്തി​രു​ന്നെ​ങ്കി​ൽ ജീ​വ​ൻ ര​ക്ഷി​ക്കാ​നാ​കു​മാ​യി​രു​ന്നെ​ന്ന് അ​വ​സാ​ന വാ​ദ​ത്തി​നി​ടെ ജ​ഡ്ജി പി.​ടി. പ്ര​കാ​ശ് നി​രീ​ക്ഷി​ച്ചു. അ​ന​ശ്വ​ര നി​ല​വി​ൽ മ​ല​പ്പു​റ​ത്ത് സ്വ​കാ​ര്യ ക്ലി​നി​ക്കി​ൽ ജോ​ലി ചെ​യ്യു​ക​യാ​ണ്. അ​ശ്വ​തി കാ​ള​ൻ കോ​ള​ജ് ബി.​കോം അ​വ​സാ​ന​വ​ർ​ഷ വി​ദ്യാ​ർ​ഥി​നി​യാ​ണ്.