രേഖകളില്ലാതെ കാറിൽ കടത്തിയ സ്വർണം പിടികൂടി
text_fieldsമാനന്തവാടി: രേഖകളില്ലാതെ കാറിൽ കടത്തിയ 1.60 കി.ഗ്രാം സ്വർണം പിടികൂടി. അസി. എക്സൈസ് കമീഷണർ ടി.എൻ. സുധീറിന്റെ നേതൃത്വത്തിൽ തോൽപ്പെട്ടി എക്സൈസ് ചെക്ക്പോസ്റ്റ് സംഘവും വയനാട് ഐ.ബി പാർട്ടിയും എൻഫോഴ്സ്മെന്റ് സ്ക്വാഡും സംയുക്തമായി നടത്തിയ പരിശോധനയിലാണ് സ്വർണം പിടികൂടിയത്.
നിലമ്പൂർ സ്വദേശികളായ മദാരി വീട്ടിൽ എം. നൗഫൽ (39), ചെടിയാൻ തൊടിയിൽ സി.ടി. റഷീദ് (44), കരിമ്പുഴ സ്വദേശിനി പൊറ്റമ്മൽ വീട്ടിൽ പി. നസീമ (40) എന്നിവരാണ് കാറിലുണ്ടായിരുന്നത്. പിടികൂടിയ സ്വർണം തുടർ നടപടികൾക്കായി വയനാട് ജി.എസ്.ടി വകുപ്പിന് കൈമാറി.
ഐ.ബി ഇൻസ്പക്ടർ കെ. ഷാജി, അസി. എക്സൈസ് ഇൻസ്പെക്ടർ വി. രാജേഷ്, പ്രിവന്റിവ് ഓഫിസർമാരായ സുരേഷ് വെങ്ങാലിക്കുന്നേൽ, സന്തോഷ് കൊമ്പ്രക്കണ്ടി, സി.ഇ.ഒമാരായ പി.വി. രജിത്ത്, പി.എൻ. ശശികുമാർ, കെ. അനൂപ് കുമാർ, ഇ.എസ്. ജെയ്മോൻ, എക്സൈസ് ഡ്രൈവർമാരായ ബാലചന്ദ്രൻ, പ്രസാദ് എന്നിവരാണ് സംഘത്തിലുണ്ടായിരുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.