വനത്തിനുള്ളില് മനുഷ്യ തലയോട്ടിയും അസ്ഥികൂട അവശിഷ്ടങ്ങളും
text_fieldsകാട്ടിക്കുളം ചങ്ങലഗേറ്റ് കുറുക്കന്മൂല റോഡരികിലെ വനത്തിൽ കണ്ട മനുഷ്യന്റെ തലയോട്ടി
മാനന്തവാടി: വനത്തിനുള്ളില് മനുഷ്യതലയോട്ടിയും അസ്ഥികൂട അവശിഷ്ടങ്ങളും കണ്ടെത്തി. കാട്ടിക്കുളം ചങ്ങലഗേറ്റ് കുറുക്കന്മൂല റോഡരികിലെ വനത്തിൽ മനുഷ്യന്റെ അസ്ഥികൂടം കണ്ടെത്തിയത്. തൃശിലേരി ഫോറസ്റ്റ് സെക്ഷന് കീഴിലെ ഓലിയോട് റിസര്വ് വന വിഭാഗത്തിലെ കുറുക്കന്മൂല വനത്തിലാണിത്. വനം വകുപ്പിനുവേണ്ടി തേക്ക് മുറിക്കുന്ന തൊഴിലാളികളാണ് തലയോട്ടി കണ്ടത്. തുടര്ന്ന് തിരുനെല്ലി പൊലീസ് സ്ഥലത്തെത്തി പരിശോധന നടത്തി.
സമീപത്ത് തന്നെ പഴക്കമുള്ള ഷര്ട്ടും, മദ്യകുപ്പിയും ഗ്ലാസും കണ്ടെത്തിയിട്ടുണ്ട്. തൊട്ടടുത്ത മരത്തിനുമുകളില് തൂങ്ങിക്കിടക്കുന്ന മുണ്ടുമുണ്ട്. സൂചനകള് അനുസരിച്ച് തൂങ്ങിമരിച്ച പുരുഷന്റേതാണ് അസ്ഥികൂടമെന്നാണ് പൊലീസ് വിലയിരുത്തല്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.