മാനന്തവാടി നഗരസഭ: കുത്തിയിരിപ്പ് സമരവുമായി പ്രതിപക്ഷം
text_fieldsനഗരസഭ ഓഫിസിൽ എൽ.ഡി.എഫ് അംഗങ്ങളുടെ അനിശ്ചിതകാല കുത്തിയിരുപ്പ് സമരം
മാനന്തവാടി: നഗരസഭ ഓഫിസിൽ എൽ.ഡി.എഫ് അംഗങ്ങളുടെ അനിശ്ചിതകാല കുത്തിയിരുപ്പ് സമരം ആരംഭിച്ചു. സി.എഫ്.സി പദ്ധതി വിഹിതത്തിലെ അപാകതകൾ പരിഹരിക്കുക, ഹരിത കർമസേന വിൽപനക്കായി ശേഖരിച്ച പാഴ്വസ്തുക്കൾ വിൽപന നടത്തിയ കൗൺസിലർ രാജിവെക്കുക, ഭരണസമിതി നീതിപാലിക്കുക എന്നീ ആവശ്യങ്ങളുന്നയിച്ചാണ് ചെയർപേഴ്സെൻറ ചേംബറിന് മുന്നിൽ സമരം ആരംഭിച്ചത്.
പദ്ധതി വിഹിതത്തിലെ അപാകതകൾ ചർച്ച ചെയ്യാത്തതിൽ പ്രതിഷേധിച്ച് കഴിഞ്ഞ ദിവസം നടന്ന ബോർഡ് യോഗം തടസ്സപ്പെടുകയും ഭരണ പ്രതിപക്ഷ അംഗങ്ങൾ തമ്മിൽ വാക്കേറ്റവും ഉന്തും തള്ളും ഉണ്ടാവുകയും ചെയ്തിരുന്നു. ന്യായമായ തങ്ങളുടെ ആവശ്യങ്ങൾ അംഗീകരിക്കാത്ത പക്ഷം നിരാഹാരമടക്കമുള്ള പ്രക്ഷോഭ പരിപാടികൾ സംഘടിപ്പിക്കുമെന്ന് പ്രതിപക്ഷ മെംബർമാർ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.