അ​ന്ന് കാ​ക്കി​യോ​ട് പ്ര​ണ​യം; ഇ​ന്ന് പൂ​ക്ക​ളോ​ട്

മാ​ന​ന്ത​വാ​ടി: സ​ർ​വി​സി​ലി​രു​ന്ന​പ്പോ​ൾ കാ​ക്കി​യോ​ടു​ള്ള പ്ര​ണ​യ​മി​പ്പോ​ൾ പൂ​ക്ക​ളോ​ടും പൂ​ന്തോ​ട്ട​ങ്ങ​ളോ​ടു​മാ​യി. കോ​ഴി​ക്കോ​ട് റേ​ഞ്ച് ഇ​ന്‍റ​ലി​ജ​ൻ​സ് എ​സ്.​പി​യാ​യി​രി​ക്കെ 2023ലാ​ണ് താ​ന്നി​ക്ക​ൽ ക​ൽ​പ​ക​വാ​ടി​യി​ൽ പ്രി​ൻ​സ് അ​ബ്ര​ഹാം ജോ​ലി​യി​ൽ​നി​ന്ന് വി​ര​മി​ക്കു​ന്ന​ത്.

എ​ന്നാ​ൽ, അ​ദ്ദേ​ഹം വെ​റു​തെ വി​ശ്ര​മി​ച്ചി​ല്ല. മാ​ന​ന്ത​വാ​ടി-​കൊ​യി​ലേ​രി റോ​ഡി​ൽ ക​ണ്ണി​വ​യ​ൽ മു​ത​ൽ താ​ന്നി​ക്ക​ൽ​വ​രെ റോ​ഡി​നി​രു​വ​ശ​വു​മാ​യി ക​മ്പ​നി പു​ഴ​ക്കും പാ​ട​ശേ​ഖ​ര​ത്തി​നും മ​നോ​ഹ​ര കാ​ഴ്ച​യൊ​രു​ക്കി പൂ​ച്ചെ​ടി​ക​ൾ വ​ള​ർ​ത്തു​ക​യാ​ണ് ഇ​ദ്ദേ​ഹ​വും സു​ഹൃ​ത്തു​ക്ക​ളും. ക​ഴി​ഞ്ഞ വ​ർ​ഷ​ത്തെ മ​ഴ​ക്കാ​ലം മു​ത​ൽ ചെ​ടി​ക​ൾ ന​ടാ​ൻ തു​ട​ങ്ങി. റോ​സ്, ജ​മ​ന്തി, വാ​ടാ​ർ മ​ല്ലി, ബോ​ഗ​ൻ വി​ല്ല, അ​ര​ളി തു​ട​ങ്ങി​യ​വ പൂ​ക്ക​ളി​ട്ട് നി​ൽ​ക്കു​ന്ന​ത് കാ​ണാ​ൻ ന​ല്ല ച​ന്ത​മാ​ണ്. വി​വി​ധ​യി​നം ക്രോ​ട്ട​ൻ​സ്, ഫാ​ഷ​ൻ ഫ്രൂ​ട്ട്, പ​പ്പാ​യ, ആ​പ്രീ​ക്കോ​ട്ട്, ചാ​മ്പ​ക്ക തു​ട​ങ്ങി 200ഓ​ളം ചെ​ടി​ക​ളും പ​രി​പാ​ലി​ക്കു​ന്നു​ണ്ട്. വേ​ന​ൽ​ക്കാ​ല​ത്ത് സ​മീ​പ​ത്തു​ള്ള ത​ന്‍റെ വീ​ട്ടീ​ൽ​നി​ന്ന് കാ​നി​ൽ വെ​ള്ള​മെ​ത്തി​ച്ചാ​ണ് ന​ന​ക്കു​ന്ന​ത്.

10,000 രൂ​പ ന​ൽ​കി​യാ​ണ് ചെ​ടി​ക​ൾ വാ​ങ്ങി​യ​ത്. ഇ​തി​ൽ 5000 രൂ​പ​യു​ടെ ചെ​ടി​ക​ൾ മോ​ഷ​ണം പോ​യി. തു​ട​ർ​ന്ന് പ്രി​ൻ​സും സു​ഹൃ​ത്തു​ക്ക​ളാ​യ പി.​സി. ജോ​ൺ, റെ​ജി, ഷി​ബു, വി​ശ്വ​ൻ, സു​നി​ൽ എ​ന്നി​വ​ർ ചേ​ർ​ന്ന് 10000 രൂപ ചെ​ല​വ​ഴി​ച്ച് സി.​സി കാ​മ​റ സ്ഥാ​പി​ച്ചു. ഇ​തോ​ടെ ചെ​ടി​ക്ക​ള്ള​ന്മാ​രു​ടെ ശ​ല്യ​വും നി​ല​ച്ചു. ഇ​രി​ട്ടി​യി​ൽ ഡി​വൈ.​എ​സ്. പി​യാ​യി​രി​ക്കെ സ​ഹ​പ്ര​വ​ർ​ത്ത​ക​രു​മാ​യി ചേ​ർ​ന്ന് ചെ​ടി​ക​ൾ ന​ട്ടു​പി​ടി​പ്പി​ച്ച​താ​ണ് ഈ ​മേ​ഖ​ല​യി​ലേ​ക്കു​ള്ള പ്ര​ചോ​ദ​ന​മെ​ന്ന് പ്രി​ൻ​സ് പ​റ​ഞ്ഞു. സൗ​ഹൃ​ദ കൂ​ട്ടാ​യ്മ​യു​ടെ സ​ഹ​ക​ര​ണ​ത്തോ​ടെ പ​ദ്ധ​തി മാ​ന​ന്ത​വാ​ടി ന​ഗ​ര​ത്തി​ലേ​ക്ക് കൂ​ടി വ്യാ​പി​പ്പി​ക്കാ​നാ​ണ് ല​ക്ഷ്യം. അ​റി​യ​പ്പെ​ടു​ന്ന മോ​ട്ടി​വേ​ഷ​ൻ സ്പീ​ക്ക​റാ​യ പ്രി​ൻ​സ് ഇ​തി​നോ​ട​കം 500 സ്കൂ​ളു​ക​ളി​ലാ​യി 2000 ത്തോ​ളം ക്ലാ​സു​ക​ളെ​ടു​ത്തു.