സ​ർ​ക്കാ​ർ കൈ​മ​ല​ർ​ത്തി; അ​ന്ന​മൂ​ട്ടു​ന്ന​വ​രു​ടെ അ​ന്നം​മു​ട്ടി

മാ​ന​ന്ത​വാ​ടി: വി​ശ​പ്പു​ര​ഹി​ത കേ​ര​ളം ല​ക്ഷ്യ​മി​ട്ട് ഏ​റെ കൊ​ട്ടി​ഘോ​ഷി​ച്ച് ആ​രം​ഭി​ച്ച ജ​ന​കീ​യ ഹോ​ട്ട​ലു​ക​ൾ അ​ട​ച്ചു​പൂ​ട്ട​ൽ ഭീ​ഷണി​യി​ൽ. സ​ർ​ക്കാ​ർ കൈ​മ​ല​ർ​ത്തി​യ​തോ​ടെ അ​ന്ന​മൂ​ട്ടു​ന്ന​വ​രു​ടെ അ​ന്നം​മു​ട്ടു​ന്ന സ്ഥി​തി​യാ​ണ്. മൂ​ന്ന​ര വ​ർ​ഷം മു​മ്പാ​ണ് കു​ടും​ബ​ശ്രീ​യു​ടെ നേ​തൃ​ത്വ​ത്തി​ൽ 20 രൂ​പ​ക്ക് ഊ​ൺ ല​ഭ്യ​മാ​ക്കു​ന്ന​തി​നാ​യി ജ​ന​കീ​യ ഹോ​ട്ട​ൽ ആ​രം​ഭി​ച്ച​ത്.

സ​ബ്സി​ഡി തു​ക കു​ടും​ബ​ശ്രീ​യും ക​റ​ന്റ് ചാ​ർ​ജ് ത​ദ്ദേ​ശ സ്ഥാ​പ​ന​ങ്ങ​ളും ന​ൽ​ക​ണ​മെ​ന്ന വ്യ​വ​സ്ഥ​യി​ലാ​യി​രു​ന്നു ഹോ​ട്ട​ലു​ക​ൾ തു​ട​ങ്ങി​യ​ത്. പ്ര​വ​ർ​ത്ത​നം തു​ട​ങ്ങി മൂ​ന്ന് വ​ർ​ഷ​മാ​യി​ട്ടും ഒ​രു രൂ​പ പോ​ലും സ​ബ്സി​ഡി ല​ഭി​ക്കാ​താ​യ​തോ​ടെ ഹോ​ട്ട​ൽ ന​ട​ത്തി​പ്പു​കാ​ർ പ്ര​ക്ഷോ​ഭം ന​ട​ത്തി​യ​തോ​ടെ 2022 വ​രെ​യു​ള്ള കു​ടി​ശ്ശി​ക ന​ൽ​കി. എ​ന്നാ​ൽ, ക​ഴി​ഞ്ഞ എ​ട്ട് മാ​സ​ത്തോ​ള​മാ​യി കു​ടി​ശ്ശി​ക തു​ക ല​ഭി​ക്കാ​നു​ണ്ട്.

അ​തി​നി​ടെ 20 രൂ​പ 30 രൂ​പ​യാ​യി ഉ​യ​ർ​ത്തി​യും കെ​ട്ടി​ട വാ​ട​ക ത​ദ്ദേ​ശ സ്ഥാ​പ​ന​ങ്ങ​ൾ ന​ൽ​ക​ണ​മെ​ന്ന ഉ​ത്ത​ര​വി​റ​ക്കി​യും കു​ടും​ബ​ശ്രീ ത​ടി​യൂ​രി. ജി​ല്ല​യി​ലെ ത​ദ്ദേ​ശ സ്ഥാ​പ​ന​ങ്ങ​ളാ​ക​ട്ടെ ക​റന്റ് ചാ​ർ​ജ് ഇ​ന​ത്തി​ൽ ത​ന്നെ ല​ക്ഷ​ങ്ങ​ൾ ഹോ​ട്ട​ൽ ന​ട​ത്തി​പ്പു​കാ​ർ​ക്ക് ന​ൽ​കാ​നു​ണ്ട്. അ​തി​നി​ട​യി​ലാ​ണ് വാ​ട​ക കൂ​ടി ന​ൽ​ക​ണ​മെ​ന്ന ഉ​ത്ത​ര​വി​റ​ങ്ങി​യ​ത്. ഇ​തോ​ടെ ഹോ​ട്ട​ലു​ട​മ​ക​ൾ വാ​ട​കത്തുക കൂ​ടി ക​ണ്ടെ​ത്തേ​ണ്ട സ്ഥി​തി​യി​ലാ​യി. ജി​ല്ല​യി​ൽ 29 ജ​ന​കീ​യ ഹോ​ട്ട​ലു​ക​ളാ​ണ് ഉ​ണ്ടാ​യി​രു​ന്ന​ത്. ഇ​തി​ൽ മൂ​ന്നെ​ണ്ണം ഇ​തി​നകം പൂ​ട്ടി. സ​ർ​ക്കാ​റും ത​ദ്ദേ​ശ സ്ഥാ​പ​ന​ങ്ങ​ളും തി​രി​ഞ്ഞു നോ​ക്കി​യി​ല്ലെ​ങ്കി​ൽ ബാ​ക്കി കൂ​ടി അ​ട​ച്ചു പൂ​ട്ടു​ക​യോ സാ​ധാ​ര​ണ ഹോ​ട്ട​ലു​ക​ളാ​യി മാ​റു​ക​യോ ചെ​യ്യു​ന്ന സ്ഥി​തി​യാ​ണ്.