ബസ്സ്റ്റാൻഡിൽ കക്കൂസ് മാലിന്യം പൊട്ടിയൊഴുകുന്നു; യാത്രക്കാർ ദുരിതത്തിൽ
text_fieldsമാനന്തവാടി നഗരസഭ ബസ്സ്റ്റാൻഡിൽ കെട്ടിക്കിടക്കുന്ന മാലിന്യത്തിൽ കുമ്മായം വിതറിയനിലയിൽ
മാനന്തവാടി: നഗരസഭ ബസ്സ്റ്റാൻഡിൽ കയറണമെങ്കിൽ മൂക്കുപൊത്തേണ്ട അവസ്ഥ. കക്കൂസ് മാലിന്യം പരന്നൊഴുകി സ്റ്റാൻഡും പരിസരവും ദുർഗന്ധപൂരിതമായി. നഗരസഭ അധികൃതർ കുമ്മായം വിതറിയതല്ലാതെ മറ്റു നടപടികളൊന്നും സ്വീകരിക്കാത്തതിനാൽ യാത്രക്കാരും ബസ് ജീവനക്കാരും മൂക്കുപൊത്തി നടക്കുകതന്നെ വേണം.
ബസ്സ്റ്റാൻഡിലെ പുരുഷൻമാർ ഉപയോഗിക്കുന്ന ബാത്ത് റൂം മാലിന്യങ്ങളാണ് സ്റ്റാൻഡിലും പരിസരത്തും പരന്നൊഴുകുന്നത്. ബാത്ത് റൂമിനോട് ചേർന്നുള്ള കക്കൂസ് ടാങ്ക് നിറഞ്ഞ് കവിഞ്ഞതാണ് സ്ഥിതി ഗുരുതരമാക്കുന്നത്.
വിദ്യാർഥികളും കുട്ടികളും സ്ത്രീകളുമടക്കമുള്ള യാത്രക്കാരും ബസ് ജീവനക്കാരും കക്കൂസ് മാലിന്യം കെട്ടിക്കിടക്കുന്നതിനാൽ ഏറെ ദുരിതത്തിലാണ്.
സ്റ്റാൻഡിനുള്ളിലെത്തുന്ന പല യാത്രക്കാരും കക്കൂസ് മാലിന്യമാണെന്ന് അറിയാതെ ചവിട്ടിപ്പോവുകയും അവർ കയറുമ്പോൾ ബസുകളിലും മാലിന്യമാവുകയും ദുർഗന്ധം പരക്കുകയും ചെയ്യുന്നു. ബസുകൾ മാലിന്യത്തിന് മുകളിലൂടെ പോകുമ്പോൾ യാത്രക്കാരുടെ ശരീരത്തിലേക്ക് തെറിക്കുന്നതും ദുരിതമാണ്. കക്കൂസ്മാലിന്യ ടാങ്കും പരന്നൊഴുകുന്ന മാലിന്യവും ശുചീകരിക്കാനാവശ്യമായ നടപടി ഉണ്ടാവണമെന്നാണ് യാത്രക്കാരുടെ ആവശ്യം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.