വള്ളിയൂര്‍ക്കാവ് ബൈപാസ് റോഡിൽ നടുവൊടിക്കും യാത്ര

മാ​ന​ന്ത​വാ​ടി: ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലു​ള്ള വ​ള്ളി​യൂ​ര്‍ക്കാ​വ് ബൈ​പാ​സ് റോ​ഡ് കു​ണ്ടും കു​ഴി​യു​മാ​യ​തോ​ടെ യാ​ത്ര ദു​ഷ്‌​ക​രം. ശ​രാ​ശ​രി ഓ​രോ 20 മീ​റ്റ​ര്‍ പി​ന്നി​ടു​മ്പോ​ഴും ഒ​രു കു​ഴി​യെ​ങ്കി​ലും ക​ട​ന്നു​വേ​ണം ഈ​വ​ഴി സ​ഞ്ച​രി​ക്കാ​ന്‍. റോ​ഡ് ത​ക​ര്‍ന്നി​ട്ടും പ​രി​ഹ​രി​ക്കേ​ണ്ട ന​ഗ​ര​സ​ഭ അ​ധി​കൃ​ത​രാ​ക​ട്ടെ ഇ​തു​ക​ണ്ട മ​ട്ടു​മി​ല്ല. ന​ഗ​ര​ത്തി​ല്‍നി​ന്നും വി​ളി​പ്പാ​ട​ക​ലെ​യു​ള്ള വ​ള്ളി​യൂ​ര്‍ക്കാ​വ് ബൈ​പാ​സ് റോ​ഡ് താ​ലൂ​ക്കി​ലെ​ത​ന്നെ പ്ര​ധാ​ന റോ​ഡു​ക​ളി​ലൊ​ന്നാ​ണ്. എ​രു​മ​ത്തെ​രു​വ് മ​ത്സ്യ​മാ​ര്‍ക്ക​റ്റ് പ​രി​സ​ര​ത്തു​നി​ന്ന് ആ​രം​ഭി​ച്ച് ചെ​റ്റ​പാ​ലം വ​ഴി വ​ള്ളി​യൂ​ര്‍ക്കാ​വ് ക്ഷേ​ത്രം​വ​രെ​യു​ള്ള റോ​ഡാ​ണി​ത്. നി​ത്യേ​ന നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ഇ​തി​ലൂ​ടെ ക​ട​ന്നു​പോ​കു​ന്ന​ത്.

മ​ഴ പെ​യ്യു​ന്ന​തോ​ടെ വ​ലി​യ കു​ഴി​ക​ളി​ല്‍ വെ​ള്ളം കെ​ട്ടി​നി​ല്‍ക്കു​ന്ന​ത് കാ​ല്‍ന​ട​യാ​ത്ര​പോ​ലും ദു​ഷ്‌​ക​ര​മാ​ക്കു​ന്നു. രാ​ത്രി​കാ​ല​ങ്ങ​ളി​ല്‍ കു​ഴി​ക​ളി​ല്‍ വീ​ണ് വാ​ഹ​ന​ങ്ങ​ള്‍ക്ക് കേ​ടു​പാ​ടു​ക​ള്‍ സം​ഭ​വി​ക്കു​ന്ന​തും ഇ​രു​ച​ക്ര വാ​ഹ​ന​ങ്ങ​ള്‍ അ​പ​ക​ട​ത്തി​ല്‍പ്പെ​ടു​ന്ന​തും പ​തി​വാ​ണ്. എ​ത്ര​യും വേ​ഗം റോ​ഡ് ഗ​താ​ഗ​ത​യോ​ഗ്യ​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. ഒ​രു വ​ര്‍ഷം മു​മ്പ് ര​ണ്ട് ത​വ​ണ നാ​ട്ടു​കാ​ര്‍ ചേ​ര്‍ന്ന് ശ്ര​മ​ദാ​ന​മാ​യി കു​ഴി​ക​ള​ട​ച്ചി​രു​ന്നു. ര​ണ്ടു​വ​ര്‍ഷം മു​മ്പ് ന​ഗ​ര​സ​ഭ പാ​ച്ച് വ​ര്‍ക്കു​ക​ള്‍ ന​ട​ത്തി​യി​രു​ന്നെ​ങ്കി​ലും ദി​വ​സ​ങ്ങ​ള്‍ക്കു​ള്ളി​ല്‍ റോ​ഡ് ത​ക​രു​ക​യാ​യി​രു​ന്നു. ബൈ​പാ​സ് റോ​ഡി​ല്‍ കു​ണ്ടും കു​ഴി​ക​ളും രൂ​പ​പ്പെ​ട്ട് യാ​ത്ര വ​ള​രെ ബു​ദ്ധി​മു​ട്ടാ​ണ്.

സ്ഥി​ര​മാ​യി ഇ​രു​ച​ക്ര​വാ​ഹ​ന​ങ്ങ​ളി​ല്‍ ഈ ​റോ​ഡി​ലൂ​ടെ സ​ഞ്ച​രി​ക്കു​ന്ന​ത് ആ​രോ​ഗ്യ​പ്ര​ശ്‌​ന​ങ്ങ​ള്‍ ഉ​ള്‍പ്പെ​ടെ​യു​ള്ള​വ​ക്ക് കാ​ര​ണ​മാ​കു​ന്നു. മ​ഴ പെ​യ്താ​ല്‍ കു​ഴി​ക​ളു​ടെ ആ​ഴം മ​ന​സ്സി​ലാ​ക്കാ​തെ ഇ​രു​ച​ക്ര​വാ​ഹ​ന​ങ്ങ​ള്‍ കു​ഴി​ക​ളി​ല്‍ വീ​ഴു​ന്നു​ണ്ടെ​ന്നും ചെ​റ്റ​പ്പാ​ലം പ്ര​ദേ​ശ​വാ​സി സി.​എ. ഷെ​മീ​ര്‍ പ​റ​ഞ്ഞു.

പ്ര​ധാ​ന പാ​ത, എ​ന്നി​ട്ടും അ​ന​ങ്ങാ​തെ ന​ഗ​ര​സ​ഭ

മാ​ന​ന്ത​വാ​ടി: എ​രു​മ​ത്തെ​രു​വ്, ചെ​റ്റ​പ്പാ​ലം, വ​ള്ളി​യൂ​ര്‍ക്കാ​വ് റോ​ഡി​നെ ന​ഗ​ര​സ​ഭ പാ​ടെ അ​വ​ഗ​ണി​ക്കു​ക​യാ​ണെ​ന്നാ​ണ് ആ​രോ​പ​ണം. ന​ഗ​ര​സ​ഭ​യു​ടെ ഉ​ട​മ​സ്ഥ​ത​യി​ലാ​യി​ട്ടു​കൂ​ടി പാ​ത ന​ന്നാ​ക്കു​ന്നി​ല്ല. ത​ല​ശ്ശേ​രി ഭാ​ഗ​ത്തു​നി​ന്നും വ​രു​ന്ന വാ​ഹ​ന​ങ്ങ​ള്‍ക്ക് ന​ഗ​രം ചു​റ്റാ​തെ​ത​ന്നെ മൈ​സൂ​രു, ക​ല്‍പ്പ​റ്റ ഭാ​ഗ​ങ്ങ​ളി​ലേ​ക്ക് ഈ ​ബൈ​പാ​സി​ലൂ​ടെ സ​ഞ്ച​രി​ക്കാ​നാ​വും. തീ​ർ​ഥാ​ട​ന കേ​ന്ദ്ര​ങ്ങ​ളാ​യ തി​രു​നെ​ല്ലി ക്ഷേ​ത്ര​ത്തെ​യും വ​ള്ളി​യൂ​ര്‍ക്കാ​വ് ക്ഷേ​ത്ര​ത്തെ​യും ത​മ്മി​ല്‍ ബ​ന്ധി​പ്പി​ക്കു​ന്ന പ്ര​ധാ​ന​പാ​ത കൂ​ടി​യാ​ണി​ത്.

ന​ഗ​ര​ത്തി​ല്‍ റോ​ഡ് പ്ര​വൃ​ത്തി​ക​ള്‍ ന​ട​ക്കു​മ്പോ​ഴും ഗ​താ​ഗ​ത ത​ട​സ്സ​മു​ണ്ടാ​കു​മ്പോ​ഴും വാ​ഹ​ന​ങ്ങ​ളെ ക​ട​ത്തി​വി​ടു​ന്ന​ത് ഈ ​വ​ഴി​യാ​ണ്. നി​ല​വി​ല്‍ മൈ​സൂ​രു റോ​ഡും കൊ​യി​ലേ​രി റോ​ഡും സം​സ്ഥാ​ന പൊ​തു​മ​രാ​മ​ത്ത് വ​കു​പ്പി​ന്റേ​യും ഒ.​ആ​ര്‍. കേ​ളു എം.​എ​ൽ.​എ​യു​ടേ​യും ഇ​ട​പെ​ട​ലു​ക​ളു​ടെ ഭാ​ഗ​മാ​യി മി​ക​ച്ച റോ​ഡു​ക​ളാ​യി മാ​റി​യി​ട്ടു​ണ്ട്. ഇ​തി​ലേ​ക്ക് എ​ളു​പ്പ​വ​ഴി​യി​ല്‍ എ​ത്തി​ച്ചേ​രാ​ന്‍ ക​ഴി​യാ​വു​ന്ന റോ​ഡാ​ണ് ഇ​ങ്ങ​നെ കു​ഴി​ക​ളാ​യി മാ​റി​യ​ത്. റോ​ഡി​ന്റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് ഡി.​വൈ.​എ​ഫ്‌.​ഐ ഉ​ള്‍പ്പെ​ടെ​യു​ള്ള സം​ഘ​ട​ന​ക​ള്‍ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​ട്ടു​ണ്ട്.