ഹൃ​ദ്രോ​ഗ ചി​കി​ത്സാ​രം​ഗ​ത്ത് വ​യ​നാ​ടി​ന് നേ​ട്ടം

മാ​ന​ന്ത​വാ​ടി: വ​യ​നാ​ട് ഗ​വ. മെ​ഡി​ക്ക​ല്‍ കോ​ള​ജ് ആ​ശു​പ​ത്രി കാ​ത്ത് ലാ​ബി​ല്‍ ആ​ന്‍ജി​യോ പ്ലാ​സ്റ്റി ശ​സ്ത്ര​ക്രി​യ ആ​രം​ഭി​ച്ചു. ഗോ​ത്ര വി​ഭാ​ഗ​ത്തി​ല്‍പ്പെ​ട്ട രോ​ഗി​ക്കാ​ണ് ശ​സ്ത്ര​ക്രി​യ വി​ജ​യ​ക​ര​മാ​യി ചെ​യ്ത​ത്. ആ​ശു​പ​ത്രി സൂ​പ്ര​ണ്ട് ഡോ. ​വി.​പി. രാ​ജേ​ഷി​ന്റെ ഏ​കോ​പ​ന​ത്തി​ല്‍ ഡോ. ​പ്ര​ജീ​ഷ് ജോ​ണ്‍, ഡോ. ​എ.​ജി. ശ്രീ​ജി​ത്ത്, ഡോ. ​ന​യിം എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ശ​സ്ത്ര​ക്രി​യ ന​ട​ത്തി​യ​ത്.

ക​ഴി​ഞ്ഞ മാ​ര്‍ച്ച് മാ​സ​ത്തി​ല്‍ ആ​ന്‍ജി​യോ​ഗ്രാ​മും ആ​രം​ഭി​ച്ചി​രു​ന്നു. സം​സ്ഥാ​ന സ​ര്‍ക്കാ​റി​ന്റെ പ്ലാ​ന്‍ ഫ​ണ്ടി​ല്‍നി​ന്ന് എ​ട്ട് കോ​ടി രൂ​പ​യും ഒ.​ആ​ര്‍. കേ​ളു എം.​എ​ൽ.​എ​യു​ടെ ആ​സ്തി​വി​ക​സ​ന ഫ​ണ്ടി​ല്‍നി​ന്ന് 50 ല​ക്ഷം രൂ​പ​യും ചെ​ല​വി​ട്ടാ​ണ് കാ​ത്ത് ലാ​ബ് ഒ​രു​ക്കി​യ​ത്. അ​തോ​ടൊ​പ്പം​ത​ന്നെ ഹൃ​ദ്രോ​ഗ വി​ഭാ​ഗ​ത്തി​നാ​യി ഒ.​ആ​ര്‍. കേ​ളു എം.​എ​ല്‍.​എ​യു​ടെ ആ​സ്തി വി​ക​സ​ന പ​ദ്ധ​തി​യി​ല്‍നി​ന്ന് 2.67 കോ​ടി രൂ​പ​കൂ​ടി ചെ​ല​വി​ട്ട് അ​ത്യാ​ധു​നി​ക എ​ക്കോ മെ​ഷീ​നും ടി.​എം.​ടി മെ​ഷീ​ന്‍, ഹോ​ള്‍ട്ട​ര്‍ മോ​ണി​റ്റ​റി​ങ് സം​വി​ധാ​ന​മെ​ല്ലാം സ​ജ്ജ​മാ​ക്കി​ട്ടു​ണ്ട്. കൂ​ടാ​തെ ഹൃ​ദ്രോ​ഗ വി​ഭാ​ഗ​ത്തി​ന് മാ​ത്ര​മാ​യി ഒ​രു അ​സി. പ്ര​ഫ​സ​റ​ട​ക്കം മൂ​ന്ന് ഹൃ​ദ്രോ​ഗ വി​ദ​ഗ്ധ​ന്റെ സേ​വ​ന​മാ​ണ് ഇ​പ്പോ​ള്‍ മെ​ഡി​ക്ക​ല്‍ കോ​ള​ജി​ലു​ള്ള​ത്. എ​ല്ലാ ചൊ​വ്വാ​ഴ്ച​യും വ്യാ​ഴാ​ഴ്ച​യും രോ​ഗി​ക​ള്‍ക്ക് ഒ.​പി​യി​ല്‍ ഹൃ​ദ്രോ​ഗ വി​ദ​ഗ്ധ​ന്റെ സേ​വ​നം ന​ല്‍കി​വ​രു​ന്നു​ണ്ട്. ര​ക്ത​ധ​മ​നി​ക​ളി​ല്‍ ഉ​ണ്ടാ​കു​ന്ന ത​ട​സ്സ​ങ്ങ​ള്‍ക്കും കാ​ത്ത് ലാ​ബി​ല്‍നി​ന്ന് ചി​കി​ത്സ ല​ഭി​ക്കും. ര​ക്ത​ത്തി​ന്റെ പ​മ്പി​ങ് കു​റ​യു​ന്ന​തു ത​ട​യാ​നു​ള്ള ഐ.​സി.​ഡി സം​വി​ധാ​ന​വും കാ​ത്ത് ലാ​ബി​ലു​ണ്ട്. കാ​ത്ത് ലാ​ബ് സി.​സി.​യു​വി​ല്‍ ഏ​ഴ് കി​ട​ക്ക​ക​ളാ​ണ് ഒ​രു​ക്കി​യ​ത്. ആ​ന്‍ജി​യോ പ്ലാ​സ്റ്റി ശ​സ്ത്ര​ക്രി​യ​കൂ​ടി മെ​ഡി​ക്ക​ല്‍ കോ​ള​ജി​ല്‍ ആ​രം​ഭി​ച്ച​ത് ഹൃ​ദ​യ​ചി​കി​ത്സ രം​ഗ​ത്ത് വ​യ​നാ​ടി​ന് ആ​ശ്വാ​സ​മാ​കും.