കുങ്കിയാനകൾ വന്നിട്ടും രക്ഷയില്ല; മുത്തുമാരിയിൽ വീണ്ടും കാട്ടാനകളുടെ വിളയാട്ടം

മാ​ന​ന്ത​വാ​ടി: കു​ങ്കി​യാ​ന​ക​ൾ വ​ന്നി​ട്ടും തൃ​ശ്ശി​ലേ​രി​യി​ലെ കാ​ട്ടാ​ന​ശ​ല്യ​ത്തി​ന് അ​റു​തി​യാ​കു​ന്നി​ല്ല. ര​ണ്ടു മാ​സ​ത്തോ​ള​മാ​യി ശ​ല്യ​മാ​യ കാ​ട്ടാ​ന​ക​ളെ തു​ര​ത്താ​ൻ വ്യാ​ഴാ​ഴ്ച​യാ​ണ് ര​ണ്ടു കു​ങ്കി​യാ​ന​ക​ളെ എ​ത്തി​ച്ച​ത്. എ​ന്നാ​ൽ, അ​വ​യെ വ​ക​വെ​ക്കാ​തെ തൃ​ശ്ശി​ലേ​രി മു​ത്തു​മാ​രി​യി​ൽ വെ​ള്ളി​യാ​ഴ്ച​യും ഒ​റ്റ​യാ​ന്റെ വി​ള​യാ​ട്ടം.

വെ​ള്ളി​യാ​ഴ്ച പു​ല​ർ​ച്ച പ്ര​ദേ​ശ​വാ​സി​യാ​യ വെ​ള്ളി​കു​ന്നേ​ൽ സ​ണ്ണി​യു​ടെ കൃ​ഷി​യി​ട​ത്തി​ലെ​ത്തി​യ ആ​ന ആ​കെ​യു​ള്ള 10 സെ​ന്റ് സ്ഥ​ല​ത്തെ തെ​ങ്ങും വാ​ഴ​ക​ളും ന​ശി​പ്പി​ച്ചു. ക​ന​ത്ത മ​ഴ​യാ​യ​തി​നാ​ൽ വീ​ട്ടു​കാ​ർ അ​റി​ഞ്ഞി​രു​ന്നി​ല്ല. നേ​രം പു​ല​ർ​ന്ന​തോ​ടെ ആ​ന​യെ ക​ണ്ട അ​യ​ൽ​വാ​സി​ക​ൾ അ​റി​യി​ച്ച​തി​നെ തു​ട​ർ​ന്ന് വ​ന​പാ​ല​ക​രെ​ത്തി കു​ങ്കി​യാ​ന​ക​ളു​ടെ സ​ഹാ​യ​ത്തോ​ടെ കാ​ട്ടി​ലേ​ക്ക് തു​ര​ത്തി.

മാ​സ​ങ്ങ​ളാ​യി പ്ര​ദേ​ശ​ത്ത് ആ​ന​ശ​ല്യം ഉ​ണ്ടാ​യ​തി​നെ തു​ട​ർ​ന്ന് വ​ലി​യ ജ​ന​കീ​യ പ്ര​തി​ഷേ​ധം ഉ​യ​ർ​ന്നി​രു​ന്നു. ഇ​തേ​ത്തു​ട​ർ​ന്നാ​ണ് മു​ത്ത​ങ്ങ​യി​ൽ​നി​ന്ന് ഭ​ര​ത്, ഉ​ണ്ണി​കൃ​ഷ്ണ​ൻ എ​ന്നീ കു​ങ്കി​യാ​ന​ക​ളെ വ്യാ​ഴാ​ഴ്ച സ്ഥ​ല​ത്തെ​ത്തി​ച്ച​ത്. ഇ​വ​രെ കു​ന്നി​ൻ​മു​ക​ളി​ൽ പാ​ർ​പ്പി​ക്കു​ക​യും ചെ​യ്തു. എ​ന്നാ​ൽ, മ​റ്റൊ​രു വ​ഴി​യി​ലൂ​ടെ കു​ന്നി​ന്റെ താ​ഴ്വാ​ര​ത്ത് എ​ത്തി​യാ​ണ് വെ​ള്ളി​യാ​ഴ്ച ആ​ന കൃ​ഷി​നാ​ശം ഉ​ണ്ടാ​ക്കി​യ​ത്. പ്ര​തി​കൂ​ല കാ​ലാ​വ​സ്ഥ​യെ തു​ട​ർ​ന്ന് വെ​ള്ളി​യാ​ഴ്ച കു​ങ്കി​യാ​ന​ക​ളു​ടെ സേ​വ​നം ഉ​പ​യോ​ഗ​പ്പെ​ടു​ത്താ​ൻ വ​നം​വ​കു​പ്പി​ന് ക​ഴി​ഞ്ഞി​ട്ടി​ല്ല.

ക​ശ്മീ​രി​ൽ വീ​ണ്ടും കാ​ട്ടാ​ന

മേ​പ്പാ​ടി: ഗ്രാ​മ​പ​ഞ്ചാ​യ​ത്ത് ഒ​മ്പ​താം വാ​ർ​ഡി​ൽ​പെ​ട്ട പു​ത്തു​മ​ല ക​ശ്മീ​ർ പ്ര​ദേ​ശ​ത്ത് വീ​ണ്ടും കാ​ട്ടാ​ന​യി​റ​ങ്ങി കൃ​ഷി​ക​ൾ ന​ശി​പ്പി​ച്ചു. താ​യാ​ട്ടു​ചി​റ​ക്ക​ൽ മു​ഹ​മ്മ​ദി​ന്റെ വീ​ടി​ന്റെ സി​മ​ന്റ് ഷീ​റ്റു​ക​ൾ ത​ക​ർ​ത്ത ആ​ന കൃ​ഷി​യി​ട​ത്തി​ലി​റ​ങ്ങി ഏ​ലം, വാ​ഴ, കു​രു​മു​ള​ക് തു​ട​ങ്ങി​യ കാ​ർ​ഷി​ക വി​ള​ക​ളും വ്യാ​പ​ക​മാ​യി ന​ശി​പ്പി​ച്ചു. ആ​ന​ക​ളെ പ്ര​തി​രോ​ധി​ക്കാ​നും ന​ഷ്ട​പ​രി​ഹാ​രം ല​ഭി​ക്കാ​നും ന​ട​പ​ടി​യു​ണ്ടാ​ക​ണ​മെ​ന്നാ​ണ് കു​ടും​ബ​ത്തി​ന്റെ ആ​വ​ശ്യം.

ക​ശ്മീ​രി​ൽ ഈ ​മാ​സം​ത​ന്നെ ര​ണ്ടാ​മ​ത്തെ കാ​ട്ടാ​ന ആ​ക്ര​മ​ണ​മാ​ണി​ത്. പ​ടി​പ്പു​ര​ക്ക​ൽ പ്ര​ശാ​ന്ത്, അ​യ​ൽ​വാ​സി ഇ​ബ്രാ​ഹിം എ​ന്നി​വ​രു​ടെ കൃ​ഷി​ക​ളാ​ണ് ജൂ​ലൈ എ​ട്ടി​ന് കാ​ട്ടാ​ന​യി​റ​ങ്ങി ന​ശി​പ്പി​ച്ച​ത്. ക​ഴി​ഞ്ഞ ദി​വ​സം രാ​ത്രി 11 മ​ണി​യോ​ടെ മു​ഹ​മ്മ​ദി​ന്റെ പു​ര​യി​ട​ത്തി​ലെ​ത്തി​യ കാ​ട്ടാ​ന പു​ല​ർ​ച്ച മൂ​ന്നു വ​രെ അ​വി​ടെ​ത്ത​ന്നെ തു​ട​ർ​ന്നു.

ആ​ന​ക്ക​ലി​യി​ൽ ഒ​ടു​ങ്ങു​മോ ഞ​ങ്ങ​ളു​ടെ ജീ​വി​തം?

മാ​ന​ന്ത​വാ​ടി: ആ​ന​ക്ക​ലി​യി​ൽ ഒ​ടു​ങ്ങു​മോ ഞ​ങ്ങ​ളു​ടെ ജീ​വി​തം എ​ന്ന് ഭീ​തി​യോ​ടെ ചോ​ദി​ക്കു​ക​യാ​ണ് മു​ത്തു​മാ​രി വെ​ള്ളി​കു​ന്നേ​ൽ സ​ണ്ണി​യു​ടെ ഭാ​ര്യ സോ​മി​യും അ​യ​ൽ​വാ​സി ക​ട​വ​ന്നൂ​ർ ബാ​ബു​വും. ര​ണ്ടു മാ​സ​മാ​യി പ്ര​ദേ​ശ​ത്ത് ആ​ന​യു​ടെ വി​ള​യാ​ട്ട​മാ​ണ്.

ഒ​രു കൊ​മ്പ​നും ര​ണ്ടു മോ​ഴ​ക​ളു​മാ​ണ് സ്ഥി​രം ശ​ല്യ​ക്കാ​ർ. ഇ​വി​ടെ പ​തി​നൊ​ന്നോ​ളം കു​ടും​ബ​ങ്ങ​ളാ​ണ് സ്ഥി​ര​താ​മ​സ​ക്കാ​ർ. ബാ​ക്കി പു​റ​ത്തു​നി​ന്നു​ള്ള​വ​ർ വാ​ങ്ങി​യ ഭൂ​മി​യാ​ണ്. ഈ ​സ്ഥ​ല​ങ്ങ​ളി​ലാ​ണ് രാ​പ്പ​ക​ൽ ഭേ​ദ​മ​ന്യേ ആ​ന​ക​ളു​ടെ താ​ണ്ഡ​വം. ശ​ക്ത​മാ​യ പ്ര​തി​ഷേ​ധ​ത്തെ തു​ട​ർ​ന്ന് വെ​ള്ളി​യാ​ഴ്ച വ​നം​വ​കു​പ്പ് കു​ങ്കി​യാ​ന​ക​ളെ എ​ത്തി​ച്ചു. എ​ന്നി​ട്ടും വെ​ള്ളി​യാ​ഴ്ച പു​ല​ർ​ച്ച കാ​ട്ടാ​ന സ്ഥ​ല​ത്തെ​ത്തി കൃ​ഷി​നാ​ശം വ​രു​ത്തി. ക​ന​ത്ത മ​ഴ​യി​ൽ നാ​യു​ടെ കു​ര കേ​ട്ട് ഉ​ണ​ർ​ന്നു​നോ​ക്കി ടോ​ർ​ച്ച​ടി​ച്ചെ​ങ്കി​ലും അ​സ്വാ​ഭാ​വി​ക​ത​യൊ​ന്നും തോ​ന്നി​യി​ല്ലെ​ന്ന് ബാ​ബു പ​റ​ഞ്ഞു.

നേ​രം വെ​ളു​ത്ത​പ്പോ​ഴാ​ണ് കൃ​ഷി ന​ശി​പ്പി​ച്ച സ്ഥ​ല​ത്ത് ആ​ന നി​ല​യു​റ​പ്പി​ച്ച​ത് ക​ണ്ട​ത്. ഇ​തോ​ടെ വ​ന​പാ​ല​ക​രെ വി​വ​ര​മ​റി​യി​ച്ചു. ഉ​ട​ൻ സ്ഥ​ല​ത്തെ​ത്തി​യ വ​ന​പാ​ല​ക​ർ ആ​ന​യെ തു​ര​ത്തു​ക​യാ​യി​രു​ന്നു. കൃ​ഷി ന​ശി​പ്പി​ച്ചു​ക​ഴി​ഞ്ഞാ​ൽ പ​രാ​ക്ര​മം വീ​ടു​ക​ൾ​ക്ക് നേ​രെ​യാ​കു​മോ എ​ന്ന ആ​ശ​ങ്ക​യി​ലാ​ണ് ഇ​വി​ട​ത്തു​കാ​ർ. ഇ​ക്കാ​ര്യ​ത്തി​ൽ സ​ർ​ക്കാ​റും ജ​ന​പ്ര​തി​നി​ധി​ക​ളും ഉ​ണ​ർ​ന്നു​പ്ര​വ​ർ​ത്തി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം. കൃ​ഷി​നാ​ശ​ത്തി​ന് സ​മ​യ​ബ​ന്ധി​ത​മാ​യി ന​ഷ്ട​പ​രി​ഹാ​രം​കൂ​ടി ല​ഭ്യ​മാ​ക്കി​യാ​ലേ കു​ടും​ബ​ങ്ങ​ൾ​ക്ക് ആ​ശ്വാ​സം ല​ഭി​ക്കൂ.