തോ​ല്‍പ്പെ​ട്ടി​യി​ല്‍ കാ​ട്ടാ​ന​ശ​ല്യം രൂ​ക്ഷം; സ്‌​കൂ​ളി​ലെ വാ​ഴ​ത്തോ​ട്ടം ന​ശി​പ്പി​ച്ചു

മാ​ന​ന്ത​വാ​ടി: തി​രു​നെ​ല്ലി പ​ഞ്ചാ​യ​ത്തി​ലെ തോ​ല്‍പ്പെ​ട്ടി​യി​ല്‍ വീ​ണ്ടും കാ​ട്ടാ​ന ശ​ല്യം രൂ​ക്ഷം. ക​ഴി​ഞ്ഞ ദി​വ​സം പു​ല​ര്‍ച്ച 3.50 ഓ​ടെ തോ​ല്‍പ്പെ​ട്ടി ഗ​വ. ഹൈ​സ്‌​കൂ​ളി​ലെ കു​ട്ടി​ക​ളു​ടെ കൃ​ഷി​യി​ട​ത്തി​ലെ​ത്തി​യ കാ​ട്ടാ​ന ഒ​രു മ​ണി​ക്കൂ​റോ​ളം ഇ​വി​ടെ ചെ​ല​വ​ഴി​ക്കു​ക​യും നൂ​റോ​ളം വാ​ഴ​ക​ള്‍ ന​ശി​പ്പി​ക്കു​ക​യും ചെ​യ്തു.

വാ​ഴ​ക്ക് പു​റ​മേ മ​റ്റു​പ​ച്ച​ക്ക​റി​കൃ​ഷി​ക​ളും ച​വി​ട്ടി ന​ശി​പ്പി​ച്ചി​ട്ടു​ണ്ട്. കൂ​ടാ​തെ സ​മീ​പ​വാ​സി​യാ​യ പു​ഴ​ക്കു​ന്ന​ത്ത് സു​ലേ​ഖ​യു​ടെ നെ​റ്റു​കൊ​ണ്ട് സ്ഥാ​പി​ച്ച ചു​റ്റു മ​തി​ലും ആ​ന ത​ക​ര്‍ത്തു.

തോ​ല്‍പ്പെ​ട്ടി, ന​രി​ക്ക​ല്ല്, അ​ര​ണ​പ്പാ​റ, ചേ​കാ​ടി, വെ​ള്ള​റ പ്ര​ദേ​ശ​ങ്ങ​ളി​ലാ​ണ് പ്ര​ധാ​ന​മാ​യും ആ​ന​ശ​ല്യം കൂ​ടു​ത​ലാ​യു​ള്ള​ത്. കൂ​ട്ട​മാ​യ​ത്തെ​ന്ന ആ​ന​ക​ള്‍ വ്യാ​പ​ക​മാ​യി കൃ​ഷി ന​ശി​പ്പി​ക്കു​ക​യാ​ണ്. നെ​ടു​ന്ത​ന, ക​ക്കേ​രി, നാ​യ്ക്ക​ട്ടി എ​ന്നി​വി​ട​ങ്ങി​ലെ കാ​ട്ടു​നാ​യ്ക്ക കോ​ള​നി​ക​ളും ആ​ന​ക​ള്‍ കൂ​ട്ട​മാ​യി എ​ത്തു​ന്നു​ണ്ട്. പ്ര​ദേ​ശ​വാ​സി​ക​ള്‍ക്ക് പ​ക​ല്‍പോ​ലും പു​റ​ത്തി​റ​ങ്ങാ​ന്‍ ക​ഴി​യാ​ത്ത സാ​ഹ​ച​ര്യ​മാ​ണ്.

പ്ര​ധാ​ന​മാ​യും ക​ർ​ണാ​ട​ക വ​നാ​ര്‍ത്തി ക​ട​ന്നാ​ണ് ആ​ന​ക​ള്‍ എ​ത്തു​ന്ന​ത്. ച​ക്ക സീ​സ​ണാ​യ​തി​നാ​ല്‍ ആ​ന​ക​ള്‍ പ്ര​ദേ​ശ​ത്ത് ത​മ്പ​ടി​ക്കു​ക​യാ​ണ്.

കാ​ട്ടാ​ന ശ​ല്യം രൂ​ക്ഷ​മാ​യി​ട്ടും വ​നം വ​കു​പ്പ് കാ​ര്യ​ക്ഷ​മ​മാ​യി ഇ​ട​പെ​ടു​ന്നി​ല്ലെ​ന്ന് ആ​ക്ഷേ​പ​മു​ണ്ട്. ആ​ന​ശ​ല്യം രൂ​ക്ഷ​മാ​കു​ന്ന പ്ര​ദേ​ശ​ങ്ങ​ള്‍ വ​നം​വ​കു​പ്പി​ന്റെ ബേ​ഗൂ​ര്‍, തോ​ല്‍പ്പെ​ട്ടി എ​ന്നി​ങ്ങ​നെ ര​ണ്ട് റേ​ഞ്ചി​ന് കീ​ഴി​ലാ​ണ്.

ആ​ന​ശ​ല്യം വ​ര്‍ധി​ക്കു​മ്പോ​ള്‍ വ​നം​വ​കു​പ്പ് ത​മ്മി​ലു​ള്ള അ​തി​ര്‍ത്തി ത​ര്‍ക്ക​ങ്ങ​ള്‍ ഫോ​റ​സ്റ്റ് ജീ​വ​ന​ക്കാ​രും നാ​ട്ടു​കാ​രും ത​മ്മി​ലു​ള്ള വാ​ക്കേ​റ്റ​ത്തി​ന് ഇ​ട​യാ​ക്കു​ന്നു​ണ്ട്. ര​ണ്ട് റെ​ഞ്ചു​ക​ള്‍ അ​തി​ര്‍ത്തി പ​ങ്കി​ടു​ന്ന സ്ഥ​ല​മാ​യ​തി​നാ​ല്‍ ഇ​രു റേ​ഞ്ചു​ക​ളി​ല്‍നി​ന്നും സം​യു​ക്ത സം​ഘ​ത്തെ പ്ര​ദേ​ശ​ത്ത് കാ​വ​ല്‍ നി​ര്‍ത്ത​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.