ചൂ​ര​ൽ​മ​ല റോ​ഡ്; ടോ​പ്പോഗ്രാ​ഫി​ക് സ​ർ​വേ തു​ട​ങ്ങി

മേ​പ്പാ​ടി: ചൂ​ര​ൽ​മ​ല റോ​ഡ് ന​വീ​ക​ര​ണ പ്ര​വൃ​ത്തി സം​ബ​ന്ധി​ച്ച അ​നി​ശ്ചി​ത​ത്വം അ​വ​സാ​നി​ക്കു​ന്നു. റോ​ഡ് ന​വീ​ക​ര​ണ​ത്തി​നാ​യി കി​ഫ്ബി​യി​ൽ​നി​ന്ന് 26.4 കോ​ടി രൂ​പ അ​നു​വ​ദി​ക്കു​ക​യും ടെ​ൻ​ഡ​ർ ന​ട​പ​ടി പൂ​ർ​ത്തീ​ക​രി​ക്കു​ക​യും ചെ​യ്തു.പ്ര​വൃ​ത്തി ഏ​റ്റെ​ടു​ത്ത ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് സൊ​സൈ​റ്റി​യു​ടെ നേ​തൃ​ത്വ​ത്തി​ൽ റോ​ഡി​ന്റെ ടോ​പ്പോ ഗ്രാ​ഫി​ക് സ​ർ​വേ മേ​പ്പാ​ടി ടൗ​ണി​ൽ​നി​ന്ന് ആ​രം​ഭി​ച്ചു.

സ​ർ​വേ, റോ​ഡ് ലെ​വ​ലി​ങ് പ്ര​വൃ​ത്തി​ക​ൾ ഒ​രു മാ​സ​ത്തി​നു​ള്ളി​ൽ പൂ​ർ​ത്തീ​ക​രി​ച്ച് തു​ട​ർ​ന​ട​പ​ടി ഉ​ട​ൻ ആ​രം​ഭി​ക്കു​മെ​ന്നാ​ണ് അ​ധി​കൃ​ത​ർ ന​ൽ​കു​ന്ന സൂ​ച​ന. 2018 ന​വം​ബ​റി​ൽ ടെ​ൻ​ഡ​ർ ചെ​യ്ത് ആ​രം​ഭി​ച്ച റോ​ഡ് ന​വീ​ക​ര​ണ പ്ര​വൃ​ത്തി പ​ല​കാ​ര​ണ​ങ്ങ​ളാ​ൽ പാ​തി​വ​ഴി​ക്ക് മു​ട​ങ്ങു​ക​യാ​യി​രു​ന്നു. മേ​പ്പാ​ടി​യി​ൽ​നി​ന്ന് 12.8 കി.​മീ. ദൂ​ര​മാ​ണ് പ്ര​വൃ​ത്തി ന​ട​ത്തേ​ണ്ട​ത്. ഇ​തി​ൽ ആ​റു കി.​മീ​റ്റ​റോ​ളം ടാ​റി​ങ് ന​ട​ന്നു. ഓ​വു​ചാ​ൽ നി​ർ​മാ​ണം​കൂ​ടി എ​സ്റ്റി​മേ​റ്റി​ലു​ണ്ടാ​യി​രു​ന്നെ​ങ്കി​ലും തോ​ട്ട​ഭൂ​മി​ക​ൾ വി​ട്ടു​കി​ട്ടാ​ത്ത കാ​ര​ണ​ത്താ​ൽ അ​ത് ന​ട​ക്കി​ല്ലെ​ന്ന് വ​ന്നു.

റോ​ഡ് പൊ​ളി​ച്ചി​ട്ട ഭാ​ഗ​ത്തു കൂ​ടി​യു​ള്ള വാ​ഹ​ന ഗ​താ​ഗ​തം വ​ർ​ഷ​ങ്ങ​ളോ​ളം ദു​ഷ്ക​ര​മാ​യി തു​ട​ർ​ന്നു. ഇ​തി​നി​ടെ പ​ല ജ​ന​കീ​യ പ്ര​ക്ഷോ​ഭ​ങ്ങ​ളും ഉ​യ​ർ​ന്നു​വ​ന്നു. ഒ​ടു​വി​ൽ പ​ഴ​യ ടെ​ൻ​ഡ​ർ റ​ദ്ദാ​ക്കി​യ​ശേ​ഷം പു​തു​താ​യി 26.4 കോ​ടി രൂ​പ കി​ഫ്ബി ഫ​ണ്ട് അ​നു​വ​ദി​ച്ചു. ഊ​രാ​ളു​ങ്ക​ൽ സൊ​സൈ​റ്റി പ്ര​വൃ​ത്തി ഏ​റ്റെ​ടു​ക്കു​ക​യും ചെ​യ്ത​തോ​ടെ​യാ​ണ് റോ​ഡ് ന​വീ​ക​ര​ണം സം​ബ​ന്ധി​ച്ച അ​നി​ശ്ചി​ത​ത്വം നീ​ങ്ങി​യ​ത്.