കർഷകർ കൊക്കോ നട്ടുവളർത്തും; ‘വിളവെടുക്കുന്നത്’ കുരങ്ങുകൾ

മേ​പ്പാ​ടി: പ​ള്ളി​ക്ക​വ​ല തി​റ​യ​ൻ​കു​ന്ന് പ്ര​ദേ​ശ​ത്തെ കൊ​ക്കോ ക​ർ​ഷ​ക​ർ​ക്ക് വാ​ന​ര​ശ​ല്യം വി​ന​യാ​കു​ന്നു. ക​ർ​ഷ​ക​രാ​ണ് കൃ​ഷി ന​ട്ടു​വ​ള​ർ​ത്തു​ന്ന​തെ​ങ്കി​ലും വി​ള​വെ​ടു​ക്കു​ന്ന​ത് വാ​ന​ര​ന്മാ​രാ​ണ് എ​ന്ന സ്ഥി​തി​യി​ലാ​ണ് കാ​ര്യ​ങ്ങ​ൾ. നീ​ണ്ട ഇ​ട​വേ​ള​ക്ക് ശേ​ഷ​മാ​ണ് കൊ​ക്കോ​ക്ക് വി​പ​ണി​യി​ൽ ഭേ​ദ​പ്പെ​ട്ട വി​ല വ​രു​ന്ന​ത്.

എ​ന്നാ​ൽ, കു​ര​ങ്ങു​ക​ൾ കൂ​ട്ട​മാ​യെ​ത്തി കാ​യ​ക​ൾ ക​ടി​ച്ചും മു​റി​ച്ചും പ​റി​ച്ചെ​റി​ഞ്ഞും ന​ശി​പ്പി​ക്കു​ന്നു. ഇ​തി​നാ​ൽ വി​ല വ​ർ​ധ​ന​യു​ടെ ഗു​ണം ക​ർ​ഷ​ക​ർ​ക്ക് ല​ഭി​ക്കു​ന്നി​ല്ല. ജ​യ്ഹി​ന്ദ് എ​സ്‌​റ്റേ​റ്റി​ല​ട​ക്കം ഏ​ക​ദേ​ശം 15 ഓ​ളം ക​ർ​ഷ​ക​രു​ടെ കൃ​ഷി​യി​ട​ത്തി​ലാ​ണ് തി​റ​യ​ൻ​കു​ന്ന് പ്ര​ദേ​ശ​ത്ത് കൊ​ക്കോ കൃ​ഷി​യു​ള്ള​ത്. കി. ​ഗ്രാ​മി​ന് 1000-1200 രൂ​പ വ​രെ ഈ ​വ​ർ​ഷം കൊ​ക്കോ​ക്ക് വി​പ​ണി​യി​ൽ വി​ല വ​ന്നു.

എ​ന്നാ​,ൽ പാ​ക​മാ​യ കാ​യ​ക​ൾ ഏ​റി​യ പ​ങ്കും ക​ർ​ഷ​ക​ർ​ക്ക് കി​ട്ടു​ന്നി​ല്ല. കു​ര​ങ്ങി​ൻ കൂ​ട്ട​മെ​ത്തി കാ​യ​ക​ൾ ക​ടി​ച്ചു പ​റി​ച്ചെ​റി​ഞ്ഞ് ന​ശി​പ്പി​ക്കു​ന്നു. കാ​പ്പി, വാ​ഴ​ക്കു​ല, തേ​ങ്ങ​ക​ൾ തു​ട​ങ്ങി​യ​വ​യും കു​ര​ങ്ങു കൂ​ട്ടം ന​ശി​പ്പി​ക്കു​ന്നു​ണ്ട്. കു​ര​ങ്ങു​ക​ൾ ‘സൗ​മ​ന​സ്യം’ കൊ​ണ്ട് ഉ​പേ​ക്ഷി​ച്ചു പോ​കു​ന്ന​വ മാ​ത്ര​മാ​ണ് ക​ർ​ഷ​ക​ർ​ക്ക് ല​ഭി​ക്കു​ന്ന​ത്. പ​ല​രും മ​റ്റ് കൃ​ഷി​ക​ളോ​ടൊ​പ്പം ഇ​ട​വി​ള​യാ​യി​ട്ടാ​ണ് കൊ​ക്കോ കൃ​ഷി ചെ​യ്യു​ന്ന​ത്.

വി​ല​യി​ല്ലാ​ത്ത കാ​ല​യ​ള​വി​ലും ഇ​വി​ടെ​യു​ള്ള ക​ർ​ഷ​ക​ർ കൊ​ക്കോ ചെ​ടി​ക​ളെ പ​രി​പാ​ലി​ച്ചു പോ​ന്നു. വി​പ​ണി​യി​ൽ ന​ല്ല വി​ല വ​ന്ന​പ്പോ​ഴും അ​തി​ന്റെ ഗു​ണം അ​നു​ഭ​വി​ക്കാ​ൻ കു​ര​ങ്ങു​ക​ൾ ക​ർ​ഷ​ക​രെ അ​നു​വ​ദി​ക്കു​ന്നി​ല്ല. കു​ര​ങ്ങ് ശ​ല്യ​ത്തി​ന് പ്ര​തി​വി​ധി കാ​ണാ​ൻ ക​ഴി​യാ​ത്ത നി​സ്സ​ഹാ​യാ​വ​സ്ഥ​യി​ലാ​ണ് തി​റ​യ​ൻ​കു​ന്നി​ലെ കൃ​ഷി​ക്കാ​ർ.