പണമുണ്ടോ, എങ്കിൽ കുന്നോളം മണ്ണെടുത്തോളൂ

മേ​പ്പാ​ടി: ദു​ര​ന്ത​സാ​ധ്യ​ത, പ​രി​സ്ഥി​തി ആ​ഘാ​തം എ​ന്നി​വ​യെ​പ്പ​റ്റി ഒ​രു​വി​ധ പ​രി​ശോ​ധ​ന​യു​മി​ല്ലാ​തെ കു​ന്നു​ക​ൾ ഇ​ടി​ച്ചു​ള്ള മ​ണ്ണ് ഖ​ന​ന​ത്തി​ന് അ​നു​മ​തി ന​ൽ​കു​ന്ന അ​ധി​കൃ​ത​രു​ടെ നി​ല​പാ​ടി​ൽ പ്ര​തി​ഷേ​ധ​മു​യ​രു​ന്നു. മേ​പ്പാ​ടി കാ​പ്പം​കൊ​ല്ലി, കോ​ട്ട​നാ​ട് പ്ര​ദേ​ശ​ങ്ങ​ളി​ൽ അ​ടു​ത്ത നാ​ളു​ക​ളി​ൽ ന​ട​ന്ന​തും കോ​ഴി​ക്കോ​ട്-​ഊ​ട്ടി അ​ന്ത​ർ​സം​സ്ഥാ​ന പാ​ത​ക്ക​രി​കി​ൽ പ​ഞ്ച​മി​ക്കു​ന്നി​ൽ ഇ​പ്പോ​ൾ ന​ട​ന്നു​കൊ​ണ്ടി​രി​ക്കു​ന്ന​തു​മാ​യ മ​ണ്ണെ​ടു​പ്പ് സം​ഭ​വ​ങ്ങ​ളു​ടെ പ​ശ്ചാ​ത്ത​ല​ത്തി​ലാ​ണ് പ്ര​തി​ഷേ​ധ​മു​യ​ർ​ന്നി​ട്ടു​ള്ള​ത്. ഏ​റെ വി​നാ​ശ​ക​ര​മാ​യ രീ​തി​യി​ൽ മ​ണ്ണു​ഖ​ന​നം ന​ട​ക്കു​മ്പോ​ഴും ജി​ല്ല​യി​ലെ ഉ​ന്ന​ത അ​ധി​കാ​രി​ക​ൾ മൗ​നം​പാ​ലി​ക്കു​ക​യാ​ണ്.

പ​ഞ്ച​മി​ക്കു​ന്നി​ൽ ക​ഴി​ഞ്ഞ മൂ​ന്ന്​ ദി​വ​സ​ങ്ങ​ളാ​യി മ​ല​പ്പു​റം സ്വ​ദേ​ശി​യു​ടെ ഉ​ട​മ​സ്ഥ​ത​യി​ലു​ള്ള 30 സെ​ന്‍റോ​ളം വ​രു​ന്ന ഭൂ​മി​യി​ൽ​നി​ന്ന് മ​ണ്ണ് ഖ​ന​നം ന​ട​ക്കു​ന്നു. 1,35,985 രൂ​പ റോ​യ​ൽ​റ്റി ഇ​ന​ത്തി​ൽ സ​ർ​ക്കാ​റി​ലേ​ക്ക് അ​ട​ച്ച് മൈ​നി​ങ്​ ആ​ൻ​ഡ്​ ജി​യോ​ള​ജി വ​കു​പ്പി‍‍‍െൻറ അ​നു​മ​തി രേ​ഖ​യോ​ടെ 3398.8 ക്യു​ബി​ക് മീ​റ്റ​ർ മ​ണ്ണെ​ടു​ത്ത് നീ​ക്കം​ചെ​യ്യു​ന്ന പ്ര​വൃ​ത്തി​യാ​ണ് ന​ട​ക്കു​ന്ന​ത്.

ഇ​വി​ടെ വ്യാ​പാ​രാ​വ​ശ്യ​ത്തി​നാ​യി കെ​ട്ടി​ടം നി​ർ​മി​ക്കു​ന്ന​തി​ന് മേ​പ്പാ​ടി ഗ്രാ​മ​പ​ഞ്ചാ​യ​ത്ത് ലാ​ൻ​ഡ്​ ഡെ​വ​ല​പ്മെ​ന്‍റ്​​, ബി​ൽ​ഡി​ങ്​ അ​നു​മ​തി രേ​ഖ​ക​ളും ന​ൽ​കി​യി​ട്ടു​ണ്ട്. മ​ണ്ണ് നീ​ക്കം​ചെ​യ്യു​ന്ന​തി​ന് റ​വ​ന്യൂ വ​കു​പ്പും അ​നു​മ​തി ന​ൽ​കി​യി​ട്ടു​ണ്ടെ​ന്നാ​ണ​റി​യു​ന്ന​ത്.

കോ​ട്ട​പ്പ​ടി വി​ല്ലേ​ജി​ൽ​പെ​ട്ട ഈ ​കു​ന്നി​ൽ ഇ​തി​ന​ടു​ത്താ​യി മു​മ്പ് വേ​റെ​യും മ​ണ്ണെ​ടു​പ്പ് ന​ട​ന്നി​ട്ടു​ണ്ട്. കാ​പ്പം​കൊ​ല്ലി, നാ​ൽ​പ​ത്താ​റ് എ​ന്നി​വി​ട​ങ്ങ​ളി​ൽ പ​ല​ഭാ​ഗ​ത്താ​യി അ​ടു​ത്ത​കാ​ല​ത്ത് വ​ൻ​തോ​തി​ൽ സ​മാ​ന​മാ​യ രീ​തി​യി​ൽ മ​ണ്ണെ​ടു​പ്പ് ന​ട​ന്നു. പ്ര​കൃ​തി​ദു​ര​ന്ത സാ​ധ്യ​ത​യു​ള്ള പ്ര​ദേ​ശ​മാ​യ മേ​പ്പാ​ടി​യി​ൽ കു​ന്നു​ക​ൾ ഇ​ടി​ച്ച് മ​ണ്ണെ​ടു​പ്പ് ന​ട​ത്തു​ന്ന​തി‍‍െൻറ ഭ​വി​ഷ്യ​ത്തു​ക​ളെ​ക്കു​റി​ച്ച് ഏ​തു ത​ര​ത്തി​ലു​ള്ള പ​രി​ശോ​ധ​ന​ക​ൾ ന​ട​ത്തി​യ​ശേ​ഷ​മാ​ണ് അ​നു​മ​തി​രേ​ഖ​ക​ൾ ന​ൽ​കി​യ​ത് എ​ന്ന ചോ​ദ്യ​ത്തി​ന് അ​ധി​കൃ​ത​ർ​ക്ക് വ്യ​ക്ത​മാ​യ മ​റു​പ​ടി​യി​ല്ല. മ​ണ്ണെ​ടു​പ്പി​നാ​യി ക​ഴി​ഞ്ഞ മൂ​ന്നു വ​ർ​ഷ​ങ്ങ​ളാ​യി പ​രി​ഗ​ണി​ക്ക​പ്പെ​ടാ​തെ കി​ട​ന്നി​രു​ന്ന അ​പേ​ക്ഷ​ക​ൾ​ക്കെ​ല്ലാം ഒ​ന്നി​നു​പി​റ​കെ ഒ​ന്നാ​യി അ​നു​മ​തി​കൊ​ടു​ത്തു​കൊ​ണ്ടി​രി​ക്കു​ക​യാ​ണി​പ്പോ​ൾ.

ഹി​റ്റാ​ച്ചി, മ​ണ്ണു​മാ​ന്തി​യ​ന്ത്രം, ടി​പ്പ​ർ ലോ​റി​ക​ൾ എ​ല്ലാം ഉ​പ​യോ​ഗി​ച്ചാ​ണ് മ​ണ്ണെ​ടു​ത്ത് നീ​ക്കം​ചെ​യ്യു​ന്ന​ത്. സ​ർ​ക്കാ​ർ ഖ​ജ​നാ​വി​ലേ​ക്ക് റോ​യ​ൽ​റ്റി തു​ക ന​ൽ​കു​ന്ന​തു മാ​ത്ര​മാ​ണ് മാ​ന​ദ​ണ്ഡം. ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി​യും ഇ​വി​ടെ നോ​ക്കു​കു​ത്തി​യാ​യി മാ​റു​ന്നു എ​ന്നും ആ​ക്ഷേ​പ​മു​യ​ർ​ന്നി​ട്ടു​ണ്ട്. ഈ ​രീ​തി​യി​ൽ ല​ക്കും ല​ഗാ​നു​മി​ല്ലാ​തെ മ​ണ്ണ് ഖ​ന​ന​ത്തി​ന​നു​മ​തി ന​ൽ​കു​ന്ന അ​ധി​കൃ​ത​രു​ടെ നി​ല​പാ​ടി​നെ​തി​രെ സ​മ​ര​രം​ഗ​ത്ത്​ വ​രു​മെ​ന്ന് ഡി.​വൈ.​എ​ഫ്.​ഐ മേ​ഖ​ല ക​മ്മി​റ്റി ഭാ​ര​വാ​ഹി​യാ​യ പ്ര​ണ​വ് പ​റ​ഞ്ഞു.

ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി മേ​ഖ​ല​യി​ലെ വ​ൻ​തോ​തി​ലു​ള്ള കു​ന്നി​ടി​ക്ക​ലി​നെ കു​റി​ച്ച് അ​ന്വേ​ഷ​ണം ന​ട​ത്ത​ണ​മെ​ന്നും ഭാ​ര​വാ​ഹി​ക​ൾ ആ​വ​ശ്യ​പ്പെ​ട്ടു.