ജോലിക്കിടെ വീണ് എല്ല് പൊട്ടിയ തോട്ടം തൊഴിലാളി ദുരിതത്തിൽ

മേപ്പാടി: തോട്ടത്തിൽ ജോലി ചെയ്തു കൊണ്ടിരിക്കെ വീണ് കാലി​െൻറ എല്ലുപൊട്ടി ശസ്​ത്രക്രിയ നടത്തുകയും മാസങ്ങളോളം ജോലി ചെയ്യാൻ കഴിയാതെ കിടപ്പിലാവുകയും ചെയ്ത തൊഴിലാളി സ്ത്രീക്ക്​ ചികിത്സാ സഹായമോ നഷ്​ടപരിഹാരമോ ലഭിച്ചിട്ടില്ലെന്ന്​ ആക്ഷേപം.

മേപ്പാടി പൂത്തകൊല്ലി എസ്‌റ്റേറ്റിൽ കഴിഞ്ഞ 35 വർഷമായി സ്ഥിരം തൊഴിലാളിയായ നബീസയാണ് ദുരിതത്തിൽ ദിവസങ്ങൾ തള്ളിനീക്കുന്നത്.

2013 ഫെബ്രുവരി 27നാണ് ജോലിക്കി​െട വീണ് ഇടത് കാലി​െൻറ എ​െല്ലാടിഞ്ഞത്. വൈത്തിരി താലൂക്ക് ആശുപത്രിയിൽ ശസ്​ത്രക്രിയ നടത്തുകയും കാലിൽ സ്​റ്റീൽ കമ്പി ഇടുകയും ചെയ്തു. മാസങ്ങളോളം ജോലിക്ക് പോകാൻ കഴിയാതെ കിടപ്പിലായി. ചികിത്സക്ക്​ ഒന്നര ലക്ഷത്തോളം രൂപ ചെലവഴിച്ചു.

കടബാധ്യതയിലാണ് കഴിയുന്നതെന്ന്​ നബീസയും ഭർത്താവ് ഹംസയും പറഞ്ഞു. എംപ്ലോയീസ് കോമ്പൻസേഷൻ നിയമപ്രകാരം നഷ്​ടപരിഹാരം നൽകാൻ മാനേജ്മെൻറ് തയാറായിട്ടില്ലെന്നാണ് ആക്ഷേപം.

കോഴിക്കോട് ഡെപ്യൂട്ടി ലേബർ കമീഷണർക്ക് പരാതി നൽകിയതിനെത്തുടർന്ന് 84,000 രൂപ നഷ്​ടപരിഹാരം നൽകണമെന്ന് രണ്ടു വർഷം മുമ്പ് ലേബർ കോടതി വിധിച്ചു.

തുക നൽകിയില്ലെങ്കിൽ ജപ്തി നടപടിയിലൂടെ തുക ഈടാക്കുമെന്ന മുന്നറിയിപ്പോടെ വിധി പകർപ്പ് കോട്ടപ്പടി വില്ലേജ് ഓഫിസർക്ക് അയച്ചിട്ടുണ്ട്​. വില്ലേജ് അധികൃതരും നടപടി സ്വീകരിച്ചിട്ടില്ലെന്ന്​ നബീസ പരാതിപ്പെട്ടു. ജില്ല കലക്ടർ, ലേബർ കമീഷ

ണർ, തൊഴിൽ മന്ത്രി എന്നിവർക്ക് പരാതി നൽകാനൊരുങ്ങുകയാണ് നബീസയുടെ കുടുംബം.