അ​ന്ത​ർ സം​സ്ഥാ​ന​ തൊഴി​ലാ​ളി കു​ടും​ബ​ങ്ങ​ൾ​ക്ക് പാ​ടി​ക​ളിൽ ദു​രി​ത​ജീ​വി​തം

മേ​പ്പാ​ടി: എ​ച്ച്.​എം.​എ​ൽ അ​ട്ട​മ​ല ഡി​വി​ഷ​ൻ പാ​ടി​ക​ളി​ൽ താ​മ​സി​ക്കു​ന്ന അ​ന്ത​ർ സം​സ്ഥാ​ന​ത്തൊ​ഴി​ലാ​ളി​ക​ളു​ടെ ജീ​വി​തം ദു​രി​ത​മ​യം. അ​ട്ട​മ​ല ഡി​വി​ഷ​നി​ൽ താ​മ​സി​ച്ച് ജോ​ലി ചെ​യ്യു​ന്ന 50 ഓ​ളം അ​ന്ത​ർ സം​സ്ഥാ​ന​ത്തൊ​ഴി​ലാ​ളി കു​ടും​ബ​ങ്ങ​ൾ​ക്കാ​ണ് കാ​ട്ടാ​ന ആ​ക്ര​മ​ണ​ത്തോ​ടൊ​പ്പം സാ​മൂ​ഹിക​ ദ്രോ​ഹി​ക​ളു​ടെ ശ​ല്യ​വും സ​ഹി​ക്കേ​ണ്ടി വ​രു​ന്ന​ത്. വി​ജ​ന​മാ​യ പ്ര​ദേ​ശ​ത്തു​ള്ള പാ​ടി​ക​ളി​ലാ​ണ് ഇ​വ​ർ താ​മ​സി​ക്കു​ന്ന​ത്.

രാ​ത്രി കാ​ല​ങ്ങ​ളി​ൽ പാ​ടി​ക​ളി​ലെ​ത്തു​ന്ന സാ​മൂ​ഹിക​ദ്രോ​ഹി​ക​ൾ സ്വൈ​ര്യ ജീ​വി​ത​ത്തി​ന് ഭീ​ഷ​ണി​യാ​കു​ന്നു. പ​രാ​തി ല​ഭി​ച്ച​തി​നെ തു​ട​ർ​ന്ന് മേ​പ്പാ​ടി പൊ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ന​ട​ത്തി. താ​ര​ത​മ്യേ​ന വി​ജ​ന​മാ​യ പ്ര​ദേ​ശ​ത്തു​ള്ള പാ​ടി​ക​ളി​ൽ പൂ​ർ​ണ​മാ​യും അ​തി​ഥി​ത്തൊ​ഴി​ലാ​ളി​ക​ളാ​ണു​ള്ള​ത്. ത​ദ്ദേ​ശീ​യ​രാ​യ തൊ​ഴി​ലാ​ളി കു​ടും​ബ​ങ്ങ​ളൊ​ക്കെ മ​റ്റ് പ്ര​ദേ​ശ​ങ്ങ​ളി​ലു​ള്ള പാ​ടി​ക​ളി​ലാ​ണ് താ​മ​സി​ക്കു​ന്ന​ത്.

രാ​ത്രി​ കാ​ട്ടാ​ന​ക​ൾ പാ​ടി മു​റി​ക​ളു​ടെ വാ​തി​ൽ ത​ക​ർ​ത്ത് അ​ക​ത്തു ക​യ​റി ഭ​ക്ഷ്യ​ധാ​ന്യ​ങ്ങ​ളും പ​ച്ച​ക്ക​റി​ക​ളും ഭ​ക്ഷി​ക്കു​ന്ന​ത് പ​തി​വാ​ണ്.

ഒ​റ്റ​പ്പെ​ട്ട പ്ര​ദേ​ശ​ത്ത് രാ​ത്രി​കാ​ല​ങ്ങ​ളി​ലെ​ത്തു​ന്ന സാ​മൂ​ഹിക​ ദ്രോ​ഹി​ക​ളി​ൽ നി​ന്നും കാ​ട്ടാ​ന ആ​ക്ര​മ​ണ​ത്തി​ൽ നി​ന്നു​മു​ള്ള ര​ക്ഷ​ക്കാ​യി ഇ​വ​രെ സു​ര​ക്ഷി​ത പാ​ടി​ക​ളി​ലേ​ക്ക് മാ​റ്റി​പാ​ർ​പ്പി​ക്ക​ണ​മെ​ന്നാ​ണ് ആ​വ​ശ്യം.