വാഹനത്തിരക്കിൽ വീർപ്പുമുട്ടി മേപ്പാടി ടൗൺ

മേ​പ്പാ​ടി: വാ​ഹ​ന​പ്പെ​രു​പ്പം മൂ​ല​മു​ണ്ടാ​കു​ന്ന ഗ​താ​ഗ​ത​ക്കു​രു​ക്കി​ലും തി​ര​ക്കി​ലും വീ​ർ​പ്പു​മു​ട്ടി മേ​പ്പാ​ടി. ഗ​താ​ഗ​ത പ​രി​ഷ്ക​ര​ണം പ്ര​ഖ്യാ​പ​ന​ത്തി​ൽ ഒ​തു​ങ്ങു​ന്നു​വെ​ന്നാ​ണ് ആ​രോ​പ​ണം. ട്രാ​ഫി​ക് ഉ​പ​ദേ​ശ​ക സ​മി​തി തീ​രു​മാ​ന​ങ്ങ​ൾ ഒ​ന്നും ന​ട​പ്പാ​യി​ല്ല.

ഗ​താ​ഗ​തം കു​ത്ത​ഴി​ഞ്ഞ നി​ല​യി​ലാ​ണ്. സാ​ധാ​ര​ണ വാ​ഹ​ന​ങ്ങ​ൾ​ക്കു പു​റ​മെ വി​നോ​ദ സ​ഞ്ചാ​ര വാ​ഹ​ന​ങ്ങ​ളും വ​ർ​ധി​ച്ച​തോ​ടെ ടൗ​ണി​ലെ തി​ര​ക്ക് നി​യ​ന്ത്ര​ണാ​ധീ​ത​മാ​ണ്. തി​ര​ക്കി​നി​ട​യി​ൽ ആം​ബു​ല​ൻ​സു​ക​ൾ​ക്ക് പോ​ലും ക​ട​ന്നു പോ​കാ​ൻ പ്ര​യാ​സ​പ്പെ​ടു​ന്നു. വ​നം വ​കു​പ്പി​ന് കീ​ഴി​ലു​ള്ള ടൂ​റി​സ്റ്റ് കേ​ന്ദ്ര​ങ്ങ​ളാ​യ ചെ​മ്പ്ര പീ​ക്ക്, സൂ​ചി​പ്പാ​റ എ​ന്നി​വ അ​ട​ഞ്ഞു​കി​ട​ക്കു​ക​യാ​ണെ​ങ്കി​ലും സ്വ​കാ​ര്യ സം​രം​ഭ​ങ്ങ​ളാ​യ ക​ണ്ണാ​ടി​പ്പാ​ല​ങ്ങ​ൾ പോ​ലു​ള്ള​വ പ്ര​വ​ർ​ത്തി​ക്കു​ന്നു​ണ്ട്.

അ​തി​നാ​ൽ വി​നോ​ദ സ​ഞ്ചാ​രി​ക​ളു​മാ​യെ​ത്തു​ന്ന വാ​ഹ​ന​ങ്ങ​ൾ​ക്ക് കു​റ​വ് വ​ന്നി​ട്ടി​ല്ല. ടൗ​ണി​ലെ പാ​ർ​ക്കി​ങ് ക്ര​മീ​ക​ര​ണം ഫ​ല​പ്ര​ദ​മ​ല്ല. ലോ​റി​ക​ളി​ലും മ​റ്റ് ക​ച്ച​വ​ട വാ​ഹ​ന​ങ്ങ​ളി​ലും ച​ര​ക്കു​ക​ൾ കൊ​ണ്ടു വ​ന്നി​റ​ക്കു​ന്ന​തി​ന് സ​മ​യം നി​ശ്ച​യി​ക്കാ​ൻ ട്രാ​ഫി​ക് ഉ​പ​ദേ​ശ​ക സ​മി​തി തീ​രു​മാ​നി​ച്ചി​രു​ന്നു​വെ​ങ്കി​ലും ന​ട​പ്പാ​യി​ല്ല. ടൗ​ണി​ൽ ബ​സു​ക​ൾ​ക്കു​ള്ള സ്റ്റോ​പ്പു നി​ശ്ച​യി​ച്ചെ​ങ്കി​ലും അ​തും പാ​ലി​ക്കു​ന്നി​ല്ലെ​ന്നാ​ണ് യാ​ത്ര​ക്കാ​ർ പ​റ​യു​ന്ന​ത്.

പ​ല​യി​ട​ത്തും റോ​ഡി​ന് ന​ടു​വി​ൽ നി​ർ​ത്തു​ന്ന ബ​സു​ക​ൾ ഗ​താ​ഗ​ത​ക്കു​രു​ക്ക് സൃ​ഷ്ടി​ക്കു​ന്നു. തി​ര​ക്കു​ള്ള ദി​വ​സ​ങ്ങ​ളി​ൽ ഡ്യൂ​ട്ടി​യി​ലു​ള്ള പൊ​ലീ​സു​കാ​ർ ഗ​താ​ഗ​തം നി​യ​ന്ത്രി​ക്കാ​ൻ പാ​ടു​പെ​ടു​ക​യാ​ണ്. ബൈ​പാ​സ് റോ​ഡി​നെ​ക്കു​റി​ച്ച് ബ​ന്ധ​പ്പെ​ട്ട​വ​രാ​രും ഇ​പ്പോ​ൾ സം​സാ​രി​ക്കു​ന്നു​മി​ല്ല. ബൈ​പാ​സ് റോ​ഡി​നു വേ​ണ്ടി ന​ട​ത്തി​യ സ​ർ​വേ, അ​ലൈ​ൻ​മെ​ന്റു​ണ്ടാ​ക്ക​ൽ എ​ന്ന​തും പ്ര​ഹ​സ​ന​മാ​യെ​ന്നാ​ണ് ആ​ക്ഷേ​പം.