നിയന്ത്രണങ്ങളിൽ ഇളവില്ല; വിനോദ കേന്ദ്രങ്ങളിലേക്ക് നിരാശ യാത്ര

മേ​പ്പാ​ടി: പ്ര​തി​ദി​ന സ​ന്ദ​ർ​ശ​ക​ർ​ക്കു​ള്ള നി​യ​ന്ത്ര​ണ​ത്തി​ൽ ഇ​ള​വ് വ​രു​ത്താ​ത്ത​ത് കാ​ര​ണം വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലെ​ത്തി നി​രാ​ശ​രാ​യി മ​ട​ങ്ങു​ന്ന സ​ഞ്ചാ​രി​ക​ളു​ടെ എ​ണ്ണം വ​ർ​ധി​ക്കു​ന്നു. പ്ര​വേ​ശ​നം പ​രി​മി​ത​പ്പെ​ടു​ത്തി​യ​ത് കാ​ര​ണം മേ​പ്പാ​ടി സൂ​ചി​പ്പാറ, ചെ​മ്പ്ര​പീ​ക്ക് വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ൽ പ്ര​വേ​ശി​ക്കാ​നാ​വാ​തെ ഇ​ത​ര ജി​ല്ല​ക​ളി​ൽ നി​ന്ന​ട​ക്കം എ​ത്തു​ന്ന നൂ​റുക​ണ​ക്കി​ന് സ​ഞ്ചാ​രി​ക​ളാ​ണ് തി​രി​ച്ചു​പോ​വേ​ണ്ടി​വ​രു​ന്ന​ത്. വ​നം വ​കു​പ്പി​ന് കീ​ഴി​ലു​ള്ള വ​നസം​ര​ക്ഷ​ണ സ​മി​തി​ക​ളാ​ണ് ഈ ​ര​ണ്ട് കേ​ന്ദ്ര​ങ്ങ​ളി​ലെ​യും ന​ട​ത്തി​പ്പു​കാ​ർ.

നി​യ​ന്ത്ര​ണം വ​ന സം​ര​ക്ഷ​ണ സ​മി​തി​ക​ളു​ടെ വ​രു​മാ​ന​ത്തി​ൽ വ​ലി​യ കു​റ​വ് ഉ​ണ്ടാ​ക്കി​യി​ട്ടു​ണ്ട്. ഒ​രു ദി​വ​സം 1200 പേ​ർ​ക്ക് മാ​ത്ര​മേ സൂ​ചി​പ്പാ​റ​യി​ൽ പ്ര​വേ​ശ​നാ​നു​മ​തി​യു​ള്ളു. ചെ​മ്പ്ര​യി​ൽ 200 പേ​ർ​ക്ക് മാ​ത്ര​മാ​ണ് അ​നു​മ​തി. ജി​ല്ല​യി​ലെ ഒ​രു പ​രി​സ്ഥി​തി സം​ഘ​ട​ന​യു​ടെ ഹ​രജി​യെ​ത്തു​ട​ർ​ന്ന് കോ​ട​തി​യാ​ണ് പ്ര​തി​ദി​ന സ​ന്ദ​ർ​ശ​ക​രു​ടെ എ​ണ്ണ​ത്തി​ൽ നി​യ​ന്ത്ര​ണ​മേ​ർ​പ്പെ​ടു​ത്തി​യ​ത്. സ​ന്ദ​ർ​ശ​ക​രു​ടെ എ​ണ്ണം വ​ർ​ധി​ക്കു​ന്ന​ത് വ​ന​ത്തി​ന്റെ സം​ര​ക്ഷ​ണ​ത്തി​ന് ഭീ​ഷ​ണി​യാ​കു​മെ​ന്ന് ചൂ​ണ്ടി​ക്കാ​ട്ടി​യാ​യി​രു​ന്നു ഹ​ർ​ജി.

ഇ​തേത്തു​ട​ർ​ന്ന് കോ​ട​തി നി​യ​മി​ച്ച ക​മീ​ഷ​ന്റെ റി​പ്പോർ​ട്ട് കൂ​ടി പ​ രി​ഗ​ണി​ച്ചാ​യി​രു​ന്നു ഉ​ത്ത​ര​വ്. വ​ർ​ഷ​ങ്ങ​ൾ​ക്ക് മു​മ്പ് ഏ​ർ​പ്പെ​ടു​ത്തി​യ നി​യ​ന്ത്ര​ണം ഇ​പ്പോ​ഴും തു​ട​രു​ക​യാ​ണ്. ഇ​ത് നീ​ക്കി​ക്കി​ട്ടാ​ൻ അ​ധി​കൃ​ത​രു​ടെ ഭാ​ഗ​ത്തു​നി​ന്ന് തു​ട​ർ ന​ട​പ​ടി​ക​ൾ ഉ​ണ്ടാ​യി​ട്ടി​ല്ല.

നി​യ​ന്ത്ര​ണ​ത്തെ​ക്കു​റി​ച്ച് അ​റി​യാ​തെ കേ​ന്ദ്ര​ങ്ങ​ളി​ലെ​ത്തു​ന്ന നൂ​റുക്കണ​ക്കി​ന് സ​ഞ്ചാ​രി​ക​ളാ​ണ് നി​ത്യേ​ന പ്ര​വേ​ശ​നം ല​ഭി​ക്കാ​തെ നി​രാ​ശ​രാ​യി മ​ട​ങ്ങു​ന്ന​ത്. പ​ക​രം അ​വ​ർ സ​മീ​പ പ്ര​ദേ​ശ​ങ്ങ​ളാ​യ അ​ട്ട​മ​ല, തൊ​ള്ളാ​യി​രം ക​ണ്ടി എ​ന്നി​വി​ട​ങ്ങ​ളി​ലു​ള്ള സ്വ​കാ​ര്യ കേ​ന്ദ്ര​ങ്ങ​ളി​ലേ​ക്കാ​ണ് പോ​വു​ന്ന​ത്.

അ​വി​ടേ​ക്ക് സ​ഞ്ചാ​രി​ക​ളെ കൂ​ട്ടി​ക്കൊ​ണ്ടു പോ​കാ​നും ആ​ളു​ക​ളു​ണ്ട്. സ്വ​കാ​ര്യ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളും വ​ന​വു​മാ​യി ബ​ന്ധ​പ്പെ​ട്ട് സ്ഥി​തി ചെ​യ്യു​ന്ന​വ​യാ​ണ്. എ​ന്നാ​ൽ, അ​വി​ടെ നി​യ​ന്ത്ര​ണ​ങ്ങ​ളൊ​ന്നു​മി​ല്ല. ഡി.​ടി.​പി.​സി. നി​യ​ന്ത്ര​ണ​ത്തി​ലു​ള്ള കാ​ന്ത​ൻ​പാ​റ​യി​ലും സ​ന്ദ​ർ​ശ​ക​ർ​ക്ക് വി​ല​ക്കി​ല്ല.

മാ​റി​യ സാ​ഹ​ച​ര്യം കോ​ട​തി​യെ ബോ​ധ്യ​പ്പെ​ടു​ത്തി നി​യ​ന്ത്ര​ണ​ത്തി​ൽ ഇ​ള​വു വ​രു​ത്ത​ണ​മെ​ന്ന് ആ​വ​ശ്യ​പ്പെ​ടേ​ണ്ട വ​നം വ​കു​പ്പി​ന്റെ നി​സ്സം​ഗ​ത ഫ​ല​ത്തി​ൽ സ്വ​കാ​ര്യ മേ​ഖ​ല​യെ സ​ഹാ​യി​ക്കു​ക​യാ​ണെ​ന്നാ​ണ് ആ​രോ​പ​ണം. സ​ഞ്ചാ​രി​ക​ളു​ടെ എ​ണ്ണ​ത്തി​ൽ വ​ലി​യ വ​ർ​ധ​ന​യു​ണ്ടാ​യ​പ്പോ​ഴും പ്ര​യോ​ജ​നം വ​നം വ​കു​പ്പ് ഉ​പ​യോ​ഗ​പ്പെ​ടു​ത്തു​ന്നി​ല്ല.