പാ​ർ​പ്പി​ട​വും ഭ​ക്ഷ​ണ​വു​മൊ​രു​ക്കി ഉ​സ്മാ​ൻ മ​ദാ​രി

മേ​പ്പാ​ടി: ദു​ര​ന്ത​ത്തി​ൽ ര​ക്ഷ​പ്പെ​ട്ട​വ​ർ​ക്കു ഭ​ക്ഷ​ണ​വും പാ​ർ​പ്പി​ട​വു​മൊ​രു​ക്കു​ന്ന തി​ര​ക്കി​ലാ​ണ് ഹ​ണി മ്യൂ​സി​യം ഫൗ​ണ്ട​റും പ​ഴ​യ​ വൈ​ത്തി​രി സ്വ​ദേ​ശി​യു​മാ​യ ഉ​സ്മാ​ൻ മ​ദാ​രി. ദു​ര​ന്ത ഭൂ​മി​യി​ൽ പ​ണ​മാ​യി​ട്ടും ഭ​ക്ഷ​ണ​മാ​യി​ട്ടും നി​ര​വ​ധി സ​ഹാ​യ​ങ്ങ​ൾ വ​ന്ന് കൊ​ണ്ടി​രി​ക്കു​ന്ന​ത് ചൂ​ര​ൽ മ​ല, മു​ണ്ട​ക്കൈ നി​വാ​സി​ക​ൾ​ക്ക് ആ​ശ്വാ​സ​ക​ര​മാ​ണ്. ര​ക്ഷ​പ്പെ​ട്ട​വ​ർ​ക്കും ബ​ന്ധു​ക്ക​ൾ​ക്കും ദു​ര​ന്ത മേ​ഖ​ല​യി​ലെ മ​റ്റു നി​വാ​സി​ക​ൾ​ക്കും ത​ൽ​ക്കാ​ലം വേ​ണ്ട​ത് പാ​ർ​പ്പി​ട​വും ഭ​ക്ഷ​ണ​വു​മാ​ണ് എ​ന്ന​ത് മ​ന​സിലാ​ക്കി​യാ​ണ് ഉ​സ്മാ​ൻ മ​ദാ​രി ഈ ​ദൗ​ത്യ​വു​മാ​യി മു​ന്നി​ട്ടി​റ​ങ്ങി​യ​ത്.

ഭാ​ഗ്യം കൊ​ണ്ട് മാ​ത്രം ര​ക്ഷ​പ്പെ​ട്ട മു​ണ്ട​ക്കൈ പു​ഞ്ചി​രി മ​ട്ട​ത്തെ മു​ഹ​മ്മ​ദ​ലി​യു​ടെ ഒ​ന്ന​ര വ​യ​സ്സു​ള്ള മ​ക​ളു​ടെ ര​ണ്ടു ഇ​ര​ട്ട കു​ട്ടി​ക​ൾ അ​ട​ക്കം ഒ​മ്പ​തു പേ​ര​ട​ങ്ങു​ന്ന കു​ടും​ബ​ത്തി​നാ​ണു ഉ​സ്മാ​ൻ മ​ദാ​രി ഒ​രാ​ഴ്ച​യോ​ളം സ്വ​ന്തം വീ​ട്ടി​ൽ അ​ഭ​യ​മൊ​രു​ക്കി​യ​ത്. എ​ങ്ങോ​ട്ട് പോ​ക​ണം എ​ന്ന​റി​യാ​തെ നി​ന്ന​വ​രാ​യി​രു​ന്നു ചൂ​ര​ൽ മ​ല, മു​ണ്ട​ക്കൈ​യി​ൽ മ​രി​ച്ച​വ​രും ര​ക്ഷ​പ്പെ​ട്ട​വ​രും. ആ ​ഭാ​ഗ​ത്തു​ള്ള​വ​രെ ജി​ല്ല ഭ​ര​ണ​കൂ​ടം നി​ർ​ബ​ന്ധി​ച്ച് ഒ​ഴി​പ്പി​ക്കു​ക​യും സു​ര​ക്ഷ കേ​ന്ദ്ര​ങ്ങ​ളി​ലേ​ക്ക് മാ​റ്റു​ക​യും ചെ​യ്തി​രു​ന്നെ​ങ്കി​ൽ ദു​ര​ന്ത​ത്തി​ൽ മ​ര​ണ സം​ഖ്യ കു​റ​യു​മാ​യി​രു​ന്നു എ​ന്നാ​ണ് മു​ഹ​മ്മ​ദ​ലി പ​റ​യു​ന്ന​ത്. കു​ട്ടി​ക​ളും മു​തി​ർ​ന്ന​വ​രു​മ​ട​ക്കം ഒ​മ്പ​തു പേ​ര​ട​ങ്ങു​ന്ന കു​ടും​ബ​മാ​ണ് മു​ഹ​മ്മ​ദലി​യു​ടെ​ത്. 16 വ​ർ​ഷ​ത്തെ പ്ര​വാ​സ ജീ​വി​തം അ​വ​സാ​നി​പ്പി​ച്ച് മു​ണ്ട​ക്കൈ​യി​ലെ ഒ​രു ക​ട​യി​ൽ ജോ​ലി ചെ​യ്യു​ക​യാ​യി​രു​ന്നു മു​ഹ​മ്മ​ദ​ലി. ത​ന്റെ വീ​ടി​ന്റെ തൊ​ട്ടു താ​ഴെ മു​ഹ​മ്മ​ദ​ലി​യു​ടെ ജ്യേ​ഷ്ഠ​നും കു​ടും​ബ​വും താ​മ​സി​ക്കു​ന്നു​ണ്ട്.

തൊ​ട്ട​ടു​ത്തു ത​ന്നെ മു​ഹ​മ്മ​ദ​ലി​യു​ടെ ഭാ​ര്യ പി​താ​വ് കു​ഞ്ഞി മു​ഹ​മ്മ​ദി​ന്റെ അ​നി​യ​നും കു​ടും​ബ​വു​മു​ണ്ട്. മു​ഹ​മ്മ​ദ​ലി​യു​ടെ കു​ടും​ബം ഒ​ഴി​കെ മ​റ്റെ​ല്ലാ​വ​രും കാ​പ്പം കൊ​ല്ലി​യി​ലെ ജു​മാ മ​സ്ജി​ദ് ഖ​ബ​ർ സ്ഥാ​നി​ൽ ഇ​പ്പോ​ൾ അ​ന്ത്യവി​ശ്ര​മം കൊ​ള്ളു​ക​യാ​ണ്.