ജ​ന​കീ​യ ഹോ​ട്ട​ലിന്റെ കിണറില്‍ സോപ്പ് കലക്കിയ സമീപത്തെ ഹോ​ട്ട​ലുടമ അറസ്റ്റിൽ

ക​മ്പ​ള​ക്കാ​ട്: കി​ണ​റി​ല്‍ സോ​പ്പ് ക​ല​ക്കി​യ​യാ​ളെ ക​മ്പ​ള​ക്കാ​ട് പൊ​ലീ​സ് അ​റ​സ്റ്റ് ചെ​യ്തു. വെ​ണ്ണി​യോ​ട് ടൗ​ണി​ലെ ജ​ന​കീ​യ ഹോ​ട്ട​ലി​ലേ​ക്ക് വെ​ള്ള​മെ​ടു​ക്കു​ന്ന കി​ണ​റി​ലാ​ണ് ക​ഴി​ഞ്ഞ ദി​വ​സം സോ​പ്പ് ക​ല​ക്കി​യ​ത്. സ​മീ​പ​ത്ത് മ​റ്റൊ​രു ഹോ​ട്ട​ല്‍ ന​ട​ത്തു​ന്ന വെ​ണ്ണി​യോ​ട് ക​രി​ഞ്ഞ​കു​ന്ന് വാ​ണ​പ്ര​വ​ന്‍ മ​മ്മൂ​ട്ടി (58) ആ​ണ് അ​റ​സ്റ്റി​ലാ​യ​ത്.

ബു​ധ​നാ​ഴ്ച രാ​വി​ലെ വെ​ള്ളം പ​മ്പ് ചെ​യ്ത​പ്പോ​ഴാ​ണ് വെ​ള്ളം പ​ത​യു​ക​യും സോ​പ്പ് പൊ​ടി​യു​ടെ മ​ണം അ​നു​ഭ​വ​പ്പെ​ടു​ക​യും ചെ​യ്ത​ത്. തുടർന്ന് ജനകീയ ഹോട്ടൽ നടത്തുന്ന കുടുംബശ്രീ അംഗങ്ങൾ പൊലീസിൽ പരാതിപ്പെടുകയായിരുന്നു. വര്‍ഷങ്ങളായി വെണ്ണിയോട് ടൗണില്‍ ഹോട്ടല്‍ നടത്തുന്ന മമ്മൂട്ടിക്ക് ജനകീയ ഹോട്ടല്‍ പ്രവര്‍ത്തനം തുടങ്ങിയതോടെ കച്ചവടം കുറഞ്ഞിരുന്നു. കൂടാതെ, മ​മ്മൂ​ട്ടി സ്ഥി​ര​മാ​യി വെ​ള്ള​മെ​ടു​ത്തി​രു​ന്ന കി​ണ​റി​ല്‍ നി​ന്ന് വെ​ള്ള​മെ​ടു​ക്ക​രു​തെ​ന്ന് പ​ഞ്ചാ​യ​ത്ത് അ​ധി​കൃ​ത​ര്‍ നി​ര്‍ദേ​ശി​ക്കുകയും ചെയ്തിരു​ന്നു. ഈ ​നി​ര്‍ദേ​ശ​ത്തി​ന് പി​ന്നി​ല്‍ ജ​ന​കീ​യ ഹോ​ട്ട​ല്‍ ന​ട​ത്തി​പ്പു​കാ​രാ​ണെ​ന്ന സം​ശ​യ​ത്തെ തു​ട​ര്‍ന്നാ​ണ് കി​ണ​റി​ല്‍ സോ​പ്പ് ക​ല​ക്കി ഒ​ഴി​ച്ച​തെ​ന്നാ​ണ് അ​ന്വേ​ഷ​ണ​ത്തി​ല്‍ മ​ന​സ്സി​ലാ​യ​തെ​ന്ന് പൊ​ലീ​സ് പ​റ​ഞ്ഞു. ഇ​യാ​ൾ കു​റ്റം സ​മ്മ​തി​ച്ചി​ട്ടു​ണ്ട്.

കേ​ര​ള പൊ​ലീ​സ് ആ​ക്ട് 118 ഇ, 120 ​ഇ, ഐ​പി​സി 269,277 എ​ന്നീ വ​കു​പ്പു​ക​ള്‍ പ്ര​കാ​ര​മാ​ണ് കേ​സെ​ടു​ത്ത​ത്. സ​മീ​പ​ത്തെ സ്‌​കൂ​ള്‍ വി​ദ്യാ​ർ​ഥി​ക​ളും പ​ഞ്ചാ​യ​ത്ത് ജീ​വ​ന​ക്കാ​രും സ്ഥി​ര​മാ​യി ഭ​ക്ഷ​ണം ക​ഴി​ക്കു​ന്ന ഇ​ട​മാ​ണ് ജ​ന​കീ​യ ഹോ​ട്ട​ൽ.

വെ​ള്ള​ത്തി​ന്റെ സാ​മ്പ്ള്‍ പ​രി​ശോ​ധ​ന​ക്ക​യ​ച്ച ശേ​ഷം കീ​ട​നാ​ശി​നി​യോ മ​റ്റോ ക​ല​ര്‍ത്തി​യ​താ​യി തെ​ളി​ഞ്ഞാ​ല്‍ പ്ര​തി​ക്കെ​തി​രെ വ​ധ​ശ്ര​മ​ത്തി​ന​ട​ക്കം കേ​സെ​ടു​ക്കു​മെ​ന്നും പൊ​ലീ​സ് വ്യ​ക്ത​മാ​ക്കി.