സ്വ​കാ​ര്യ ബ​സ് വ്യ​വസായം ക​ട്ട​പ്പു​റ​ത്ത്

പ​ന​മ​രം: യാ​ത്ര​ക്കാ​രു​ടെ എ​ണ്ണ​ത്തി​ൽ ഗ​ണ്യ​മാ​യ കു​റ​വ് വ​ന്ന​തോ​ടെ ജി​ല്ല​യി​ൽ സ്വ​കാ​ര്യ ബ​സ് വ്യ​വ​സാ​യം പ്ര​തി​സ​ന്ധി​യി​ൽ. ഇ​തോ​ടെ ഉ​ട​മ​ക​ളും തൊ​ഴി​ലാ​ളി​ക​ളും ആ​ശ​ങ്ക​യി​ലാ​യി.

കോ​വി​ഡ് മ​ഹാ​മാ​രി​യെ​ത്തു​ട​ർ​ന്ന് വെ​ന്റി​ലേ​റ്റ​റി​ലാ​യ ബ​സ് വ്യ​വ​സാ​യം വ​ർ​ഷ​ങ്ങ​ൾ ക​ഴി​ഞ്ഞി​ട്ടും പ​ച്ച​പി​ടി​ക്കാ​ത്ത അ​വ​സ്ഥ​യാ​ണു​ള്ള​ത്. കോ​വി​ഡ് വ​ന്ന​തോ​ടെ ബ​സി​ൽ യാ​ത്ര​ചെ​യ്യാ​ൻ ആ​ളു​ക​ൾ വി​സ​മ്മി​ച്ച​തും നി​ര​വ​ധി പേ​ർ ബ​സ് ഒ​ഴി​വാ​ക്കി യാ​ത്ര സ്വ​കാ​ര്യം വാ​ഹ​ന​ങ്ങ​ളി​ലാ​ക്കി​യ​തും ക​ടു​ത്ത പ്ര​തി​സ​ന്ധി​യാ​ണ് സ്വ​കാ​ര്യ ബ​സ് വ്യ​വ​സാ​യ​ത്തി​ൽ ഉ​ണ്ടാ​ക്കി​യ​ത്.

കോ​വി​ഡ് മാ​റി​യെ​ങ്കി​ലും യാ​ത്ര​ക്കാ​ർ കൂ​ടു​ത​ലും ടൂ ​വീ​ല​റി​നെ​യും മ​റ്റും ആ​ശ്ര​യി​ച്ച​തോ​ടെ ബ​സി​ൽ യാ​ത്ര ചെ​യ്യാ​ൻ ആ​ളി​ല്ലാ​താ​യി. ജി​ല്ല​യി​ൽ 340 ഓ​ളം സ്വ​കാ​ര്യ ബ​സ് ഉ​ട​മ​ക​ളെ​യും 1500ഓ​ളം തൊ​ഴി​ലാ​ളി​ക​ളെ​യും തീ​ർ​ത്തും പ​ട്ടി​ണി​യി​ലേ​ക്ക് ത​ള്ളി​വി​ടു​ന്ന രീ​തി​യി​ലേ​ക്കാ​ണു നി​ല​വി​ൽ ബ​സ് വ്യ​വ​സാ​യം. നേ​ര​ത്തേ ഒ​രു ബ​സി​ന് മൂ​ന്നു തൊ​ഴി​ലാ​ളി​ക​ളാ​ണ് ഉ​ണ്ടാ​യി​രു​ന്ന​ത്. ഓ​ട്ടോ​മാ​റ്റി​ക് ഡോ​ർ സി​സ്റ്റം ന​ട​പ്പി​ലാ​ക്കു​ക​യും ദി​നം പ്ര​തി​യു​ള്ള വ​രു​മാ​ന​ത്തി​ൽ ഗ​ണ്യ​മാ​യ കു​റ​വും വ​ന്ന​തോ​ടെ നി​ര​വ​ധി ബ​സു​ക​ളി​ൽ ര​ണ്ട് തൊ​ഴി​ലാ​ളി​ക​ളാ​ക്കി കു​റ​ച്ചു.

നോ​ട്ട് നി​രോ​ധ​ത്തി​നു തൊ​ട്ടു​മു​മ്പ് ഡീ​സ​ൽ വി​ല 60 രൂ​പ ഉ​ണ്ടാ​യി​രു​ന്ന കാ​ല​ത്ത് ശ​രാ​ശ​രി ഒ​രു ബ​സി​ന് പ​ന്ത്ര​ണ്ടാ​യി​ര​ത്തോ​ളം രൂ​പ ക​ല​ക്ഷ​ൻ കി​ട്ടി​യ സ്ഥാ​ന​ത്ത് ഇ​ന്നു ഡീ​സ​ലി​നു 96 രൂ​പ കൊ​ടു​ക്കു​മ്പോ​ൾ ക​ല​ക്ഷ​ൻ പ​ര​മാ​വ​ധി പ​തി​നാ​യി​രം രൂ​പ​യി​ൽ ഒ​തു​ങ്ങി​യെ​ന്ന് ബ​സ് ഉ​ട​മ​ക​ൾ പ​റ​യു​ന്നു. ദി​നം പ്ര​തി 65 ലി​റ്റ​ർ ഡീ​സ​ല​ടി​ക്കു​ന്ന ഒ​രു ബ​സി​ന് പ​ര​മാ​വ​ധി ക​ല​ക്ഷ​ൻ ല​ഭി​ച്ചാ​ലും തൊ​ഴി​ലാ​ളി​ക​ളു​ടെ കൂ​ലി​യും മെ​യി​ന്റ​ന​ൻ​സും ഇ​ൻ​ഷൂ​റ​ൻ​സു​മെ​ല്ലാം ക​ഴി​ച്ചാ​ൽ അ​ട​വി​നു​പോ​ലും തി​ക​യാ​ത്ത അ​വ​സ്ഥ​യാ​ണെ​ന്ന് മാ​ന​ന്ത​വാ​ടി താ​ലൂ​ക്ക് പ്രൈ​വ​റ്റ് ബ​സ് ഓ​പ​റ്റേ​ഴ്സ് അ​സോ​സി​യേ​ഷ​ൻ സെ​ക​ട്ട​റി എ​ൻ.​ജെ. ചാ​ക്കോ പ​റ​യു​ന്നു. വ​ര​വും ചെ​ല​വും കൂ​ട്ടി​മു​ട്ടാ​തെ വ​ന്ന​തോ​ടെ പ​ല​രും ബ​സ് വ്യ​വ​സാ​യ​ത്തി​ൽ​നി​ന്ന് പി​ന്തി​രി​യാ​നു​ള്ള ശ്ര​മ​ത്തി​ലാ​ണ്.

നൂ​റു​ക​ണ​ക്കി​ന് തൊ​ഴി​ലാ​ളി​ക​ളാ​ണ് ഈ ​മേ​ഖ​ല​യി​ൽ ജോ​ലി​യെ​ടു​ക്കു​ന്ന​ത്. കൂ​ലി കു​റ​വാ​ണെ​ങ്കി​ലും അ​ന്ന​ന്ന​ത്തെ വ​രു​മാ​ന​ത്തി​ലാ​ണ് പ​ല കു​ടും​ബ​ങ്ങ​ളും പ​ട്ടി​ണി​യി​ല്ലാ​തെ മു​ന്നോട്ടുപോ​കു​ന്ന​ത്.