കാറിന്റെ ഡോർ കുത്തിത്തുറന്ന് മോഷണം; യുവാവ് അറസ്റ്റിൽ
text_fieldsവിജയൻ
പനമരം: പനമരം വലിയപാലം അപ്രോച്ച് റോഡരികില് നിര്ത്തിയിട്ട മാരുതി ആള്ട്ടോ കാറിന്റെ മുന്വശത്തെ ഡോര് കുത്തിത്തുറന്ന് മോഷണം നടത്തിയ യുവാവിനെ പൊലീസ് അറസ്റ്റുചെയ്തു. തലപ്പുഴ വെള്ളാര്വീട്ടില് വിജയന് (43) ആണ് അറസ്റ്റിലായത്. പനമരത്ത് നടക്കുന്ന എക്സിബിഷന് കാണാനെത്തിയ കോറോം സ്വദേശിയുടെ കാറായിരുന്നു കുത്തിത്തുറന്നത്. വാഹനത്തിലുണ്ടായിരുന്ന കുറച്ച് പണവും ഇയാള് അപഹരിച്ചു.
പ്രദേശത്തെ സി.സി.ടി.വി പരിശോധിച്ചതില് മറ്റു ചില കാറുകളും ഇയാള് തുറക്കാന് ശ്രമിക്കുന്നത് കണ്ട പൊലീസ് പ്രതിയെ തിരിച്ചറിയുകയും മണിക്കൂറുകള്ക്കുള്ളിൽ അറസ്റ്റ് ചെയ്യുകയുമായിരുന്നു. പൊലീസ് ഇന്സ്പെക്ടര് സിജിത്ത്, എ.എസ്.ഐ വിനോദ് ജോസഫ്, സിവില് പൊലീസുകാരായ വിനായക്, നിശാദ് എന്നിവരാണ് പ്രതിയെ വലയിലാക്കിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.