വന്യമൃഗങ്ങൾക്കു പിന്നാലെ പെരുമ്പാമ്പും; ഭീതിയൊഴിയാതെ പൊഴുതനക്കാർ

പൊ​ഴു​ത​ന: ആ​ന, പ​ന്നി, പു​ലി, കാ​ട്ടു​പോ​ത്ത് തു​ട​ങ്ങി​യ വ​ന്യ​ജീ​വി​ക​ൾ​ക്ക് പു​റ​മെ പെ​രു​മ്പാ​മ്പ് കൂ​ടി നാ​ട്ടി​ൽ എ​ത്തി​യ​തോ​ടെ പൊ​ഴു​ത​ന​യി​ലെ ജ​ന​വാ​സമേ​ഖ​ല ഭീ​തി​യി​ൽ. വ​ന്യ​ജീ​വി​ക​ൾ കൃ​ഷി ന​ശി​പ്പി​ക്കു​ന്ന​തി​ന് പു​റ​മെ വ​ള​ർ​ത്തു മൃ​ഗ​ങ്ങ​ളെ ആ​ക്ര​മി​ക്കു​ന്ന​തും വ​ർ​ധി​ച്ചു. പൊ​ഴു​ത​ന പ​ഞ്ചാ​യ​ത്തി​ലെ നി​ര​വ​ധി കു​ടും​ബ​ങ്ങ​ളാ​ണ് ദു​രി​ത​ത്തി​ലാ​യ​ത്.

ക​ഴി​ഞ്ഞ ഒ​രു വ​ർ​ഷ​ത്തി​നി​ടെ പ​ത്തോ​ളം വ​ള​ർ​ത്തു മൃ​ഗ​ങ്ങ​ളെ​യെ​യാ​ണ് പു​ലി അ​ട​ക്ക​മു​ള്ള ജീ​വി​ക​ൾ കൊ​ന്ന​ത്. പ​ല ക​ർ​ഷ​ക​ർ​ക്കും ന​ഷ്ട​പ​രി​ഹാ​ര തു​കപോ​ലും ഇ​നി​യും ല​ഭി​ച്ചി​ട്ടി​ല്ല. പു​ലി​ക്ക് പു​റ​മെ അ​ടു​ത്തി​ടെ പെ​രു​മ്പാ​മ്പ് ഭീ​ഷ​ണി​യും കൂ​ടു​ത​ലാ​യി​ട്ടു​ണ്ട്. ക​ഴി​ഞ്ഞ ദി​വ​സം കൊ​യി​ലാ​മൂ​ല പ്ര​ദേ​ശ​ത്ത് നി​ര​വ​ധി കോ​ഴി​ക​ളെ പെ​രു​മ്പാ​മ്പ് വി​ഴു​ങ്ങി.

പൊ​ഴു​ത​ന​യി​ൽ ഹാ​രി​സ​ൺ മ​ല​യാ​ളം പ്ലാ​ന്റേ​ഷ​ൻ, കു​റി​ച്യ​ർ​മ​ല എ​ന്നീ സ്വ​കാ​ര്യ എ​സ്റ്റേ​റ്റ് മേ​ഖ​ല​യി​ലാ​ണ് പ​ശു, പോ​ത്ത്, തു​ട​ങ്ങി​യ വ​ള​ർ​ത്തു മൃ​ഗ​ങ്ങ​ളെ കൂ​ടു​ത​ലും പു​ലി പി​ടി​ക്കു​ന്ന​ത്. ക​ല്ലൂ​ർ, പൊ​ഴു​ത​ന ഡി​വി​ഷ​നി​ൽ ഏ​ക്ക​ർ ക​ണ​ക്കി​ന് തേ​യി​ല തോ​ട്ടം കാ​ടു​ക​യ​റി​യ നി​ല​യി​ലാ​ണ്. വ​ന്യ​മൃ​ഗ​ങ്ങ​ള്‍ കാ​ടി​റ​ങ്ങി വ​ന്‍തോ​തി​ല്‍ കാ​ര്‍ഷി​ക​വി​ള​ക​ള്‍ ന​ശി​പ്പി​ക്കു​ന്ന​ത് പ​തി​വാ​യി​ട്ടു​ണ്ട്.

വ​നം വ​കു​പ്പ് സൗ​ത്ത് വ​യ​നാ​ട് ഫോ​റ​സ്റ്റ് ഡി​വി​ഷ​നി​ൽ ഉ​ൾ​പ്പെ​ടു​ന്ന സു​ഗ​ന്ധ​ഗി​രി, മേ​ൽ​മു​റി, ക​റു​വാ​ൻ​ത്തോ​ട്, സേ​ട്ട്കു​ന്ന് പ്ര​ദേ​ശ​ങ്ങ​ളി​ലെ മ​ല​യോ​ര ക​ര്‍ഷ​ക​രാ​ണ് പ്ര​തി​സ​ന്ധി നേ​രി​ടു​ന്ന​ത്. പ​ന്നി, കു​ര​ങ്ങ്, കാ​ട്ടാ​ന​ക​ള്‍ എ​ന്നി​വ​യു​ടെ ആ​ക്ര​മ​ണം മൂ​ല​മാ​ണ് ഏ​റെ​യും കൃ​ഷി ന​ശി​ക്കു​ന്ന​ത്. ബാ​ങ്ക് വാ​യ്പ​യെ​ടു​ത്തും മ​റ്റും കൃ​ഷി​ചെ​യ്യു​ന്ന​വ​രു​ടെ ആ​ധി ആ​രും കാ​ണു​ന്നി​ല്ല.