സുഗന്ധഗിരി ആശുപത്രി കെട്ടിടം നിർമാണം തുടങ്ങിയില്ല

പൊ​ഴു​ത​ന: നാ​നൂ​റോ​ളം കു​ടും​ബ​ങ്ങ​ൾ താ​മ​സി​ക്കു​ന്ന ജി​ല്ല​യി​ലെ വ​ലി​യ പ​ട്ടി​ക​വ​ർ​ഗ മേ​ഖ​ല​യാ​യ സു​ഗ​ന്ധ​ഗി​രി​യി​ലെ പ്രാ​ഥ​മി​ക ആ​രോ​ഗ്യ കേ​ന്ദ്രം കെ​ട്ടി​ട​ത്തി​ന്റെ പ​ണി ഇ​നി​യും തു​ട​ങ്ങി​യി​ല്ല. സ്ഥാ​പ​നം കു​ടും​ബാ​രോ​ഗ്യ കേ​ന്ദ്ര​മാ​യി ഉ​യ​ർ​ത്തി​യെ​ങ്കി​ലും കെ​ട്ടി​ടം അ​ട​ക്ക​മു​ള്ള അ​ടി​സ്ഥാ​ന സൗ​ക​ര്യ​ങ്ങ​ളൊ​രു​ക്കാ​ത്ത​ത് ചി​കി​ത്സ തേ​ടി​യെ​ത്തു​ന്ന​വ​രെ ദു​രി​ത​ത്തി​ലാ​ക്കു​ന്നു.

2022ൽ ​ക​ൽ​പ​റ്റ നി​യോ​ജ​ക മ​ണ്ഡ​ലം എം.​എ​ൽ.​എ ഒ​രു കോ​ടി രൂ​പ​യാ​ണ് ആ​രോ​ഗ്യ കേ​ന്ദ്ര​ത്തി​ന് അ​നു​വ​ദി​ച്ച​ത്. ഫ​ണ്ട് അ​നു​വ​ദി​ച്ച് ര​ണ്ടു​വ​ർ​ഷം പൂ​ർ​ത്തി​യാ​യി​ട്ടും നി​ർ​മാ​ണം ചു​വ​പ്പു​നാ​ട​യി​ലാ​ണ്. സ്വ​ന്ത​മാ​യി കെ​ട്ടി​ടം ഇ​ല്ലാ​താ​യ​തോ​ടെ മാ​സ​ങ്ങ​ളാ​യി പ്ലാ​ന്റേ​ഷ​ൻ ഭാ​ഗ​ത്ത് സ​ന്ന​ദ്ധ സം​ഘ​ട​ന നി​ർ​മി​ച്ചു​ന​ൽ​കി​യ കെ​ട്ടി​ട​ത്തി​ലാ​ണ് കേ​ന്ദ്രം പ്ര​വ​ർ​ത്തി​ക്കു​ന്ന​ത്.

സം​സ്ഥാ​ന സ​ർ​ക്കാ​ർ 2019- 2020 വ​ർ​ഷ​ത്തി​ൽ ആ​ർ​ദ്രം മി​ഷ​​ന്റെ ഭാ​ഗ​മാ​യാ​ണ് സു​ഗ​ന്ധ​ഗി​രി ഉ​ൾ​പ്പെ​ടെ ജി​ല്ല​യി​ലെ 15 പ്രാ​ഥ​മി​ക ആ​രോ​ഗ്യ കേ​ന്ദ്ര​ങ്ങ​ളെ കു​ടും​ബാ​രോ​ഗ്യ കേ​ന്ദ്ര​ങ്ങ​ളാ​യി ഉ​യ​ർ​ത്തി​യ​ത്.പൊ​ഴു​ത​ന പ​ഞ്ചാ​യ​ത്തി​ലെ ആ​ദി​വാ​സി മേ​ഖ​ല​യാ​യ സു​ഗ​ന്ധ​ഗി​രി പ്ലാ​​ന്റേ​ഷ​നി​ൽ പ്ര​വ​ർ​ത്തി​ച്ചി​രു​ന്ന അ​ര​നൂ​റ്റാ​ണ്ടോ​ളം പ​ഴ​ക്ക​മു​ള്ള ആ​രോ​ഗ്യ​കേ​ന്ദ്രം ഏ​താ​നും മാ​സം മു​മ്പാ​ണ് ന​ശി​ച്ച​ത്. നി​ല​വി​ൽ കാ​ടു​മൂ​ടി​യ അ​വ​സ്ഥ​യി​ലാ​ണ് ഹെ​ൽ​ത്ത് സെ​ന്റ​റി​ന്റെ സ്ഥ​ല​മു​ള്ള​ത്.

സ്വ​ന്ത​മാ​യി കെ​ട്ടി​ടം ഇ​ല്ലാ​താ​യ​തോ​ടെ ഹെ​ൽ​ത്ത് സെ​ന്റ​റി​ന്റെ പ്ര​വ​ർ​ത്ത​നം പ്ലാ​ന്റേ​ഷ​ൻ സ്കൂ​ളി​ലും പി​ന്നീ​ട് സ​മീ​പ​ത്തെ സ​ന്ന​ദ്ധ സം​ഘ​ട​ന നി​ർ​മി​ച്ചു​ന​ൽ​കി​യ വീ​ട്ടി​ലേ​ക്കും മാ​റ്റു​ക​യാ​യി​രു​ന്നു.നി​ല​വി​ൽ പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ൽ പ​രി​മി​ത സൗ​ക​ര്യ​ങ്ങ​ളാ​ണു​ള്ള​ത്. ആ​ദി​വാ​സി​ക​ൾ ഉ​ൾ​പ്പെ​ടെ ദി​നം​പ്ര​തി നൂ​റു​ക​ണ​ക്കി​ന് രോ​ഗി​ക​ൾ ഇ​വി​ടെ ചി​കി​ത്സ തേ​ടി​യെ​ത്തു​ന്നു​ണ്ട്. രോ​ഗ​നി​ർ​ണ​യ​ത്തി​ന് ആ​വ​ശ്യ​മാ​യ ഉ​പ​ക​ര​ണ​ങ്ങ​ൾ, ല​ബോ​റ​ട്ട​റി, ഫ​ർ​ണി​ച്ച​ർ, ആം​ബു​ല​ൻ​സ് തു​ട​ങ്ങി​യ സൗ​ക​ര്യ​ങ്ങ​ളെ​ല്ലാം പ​രി​മി​ത​മാ​ണ്.വൈ​ത്തി​രി പ​ഞ്ചാ​യ​ത്തി​ലെ ഏ​താ​നും കു​ടും​ബ​ങ്ങ​ളും ചി​കി​ത്സ​ക്കാ​യി സു​ഗ​ന്ധ​ഗി​രി പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തെ​യാ​ണ് ആ​ശ്ര​യി​ക്കു​ന്ന​ത്.