പ്രഖ്യാപനം കടലാസിൽ; മോക്ഷം കാത്ത് സുഗന്ധഗിരി ആരോഗ്യകേന്ദ്രം

പൊ​ഴു​ത​ന: ജി​ല്ല​യി​ലെ ഏ​റ്റ​വും വ​ലി​യ പ​ട്ടി​ക​വ​ർ​ഗ മേ​ഖ​ല​യാ​യ സു​ഗ​ന്ധ​ഗി​രി​യി​ലെ പ്രാ​ഥ​മി​ക ആ​രോ​ഗ്യ കേ​ന്ദ്രം പ്രൈ​മ​റി ഹെ​ൽ​ത്ത് സെ​ന്റ​റാ​യി ഉ​യ​ർ​ത്തി വ​ർ​ഷ​ങ്ങ​ൾ പി​ന്നി​ട്ടി​ട്ടും കെ​ട്ടി​ട നി​ർ​മാ​ണം ക​ട​ലാ​സി​ൽ. അ​ടി​സ്ഥാ​ന സൗ​ക​ര്യ​ങ്ങ​ൾ ഇ​ല്ലാ​താ​യ​തോ​ടെ ചി​കി​ത്സ തേ​ടി​യെ​ത്തു​ന്ന പ​ട്ടി​ക​വ​ർ​ഗ വി​ഭാ​ഗ​ത്തി​ൽ​പ്പെ​ട്ട രോ​ഗി​ക​ൾ വ​ലി​യ ദു​രി​ത​ത്തി​ലാ​ണ്.

സു​ഗ​ന്ധ​ഗി​രി പ്ലാ​ന്റേ​ഷ​നു​സ​മീ​പം പ​തി​റ്റാ​ണ്ടു​കാ​ല​മാ​യി പ്ര​വ​ർ​ത്തി​ച്ചി​രു​ന്ന ആ​രോ​ഗ്യ കേ​ന്ദ്രം 2019 ൽ ​ത​ക​ർ​ച്ച ഭീ​ഷ​ണി​യെ​ത്തു​ട​ർ​ന്ന് സ​മീ​പ​ത്തെ വൃ​ന്ദാ​വ​ൻ എ​ൽ.​പി സ്കൂ​ളി​ലേ​ക്ക് മാ​റ്റി. 2022 ൽ ​ക​ൽ​പ​റ്റ നി​യോ​ജ​ക​മ​ണ്ഡ​ലം എം.​എ​ൽ.​എ ഒ​രു കോ​ടി രൂ​പ പ്രൈ​മ​റി ഹെ​ൽ​ത്ത് സെ​ന്റ​റി​ന്റെ നി​ർ​മാ​ണ​ത്തി​ന് വ​ക​യി​രു​ത്തി​യെ​ങ്കി​ലും നി​ർ​മാ​ണം ക​ട​ലാ​സി​ൽ ഒ​തു​ങ്ങി. സ്‌​കൂ​ളി​ലെ കു​ട്ടി​ക​ളു​ടെ ബു​ദ്ധി​മു​ട്ടു​ക​ൾ ക​ണ​ക്കി​ലെ​ടു​ത്ത് സു​ഗ​ന്ധ​ഗി​രി​യി​ൽ സ​ന്ന​ദ്ധ സം​ഘ​ട​ന ഭ​വ​ന​ര​ഹി​ത​ർ​ക്ക് നി​ർ​മി​ച്ചു ന​ൽ​കു​ന്ന കെ​ട്ടി​ട​ത്തി​ലാ​ണ് നി​ല​വി​ൽ ആ​രോ​ഗ്യ കേ​ന്ദ്രം പ്ര​വ​ർ​ത്തി​ക്കു​ന്ന​ത്.

സം​സ്ഥാ​ന സ​ർ​ക്കാ​ർ 2019- 20 വ​ർ​ഷ​ത്തി​ൽ ആ​ർ​ദ്രം മി​ഷ​​ന്റെ ഭാ​ഗ​മാ​യും സു​ഗ​ന്ധ​ഗി​രി ഉ​ൾ​പ്പെ​ടെ ജി​ല്ല​യി​ലെ 15 പ്രാ​ഥ​മി​ക ആ​രോ​ഗ്യ കേ​ന്ദ്ര​ങ്ങ​ളെ കു​ടും​ബാ​രോ​ഗ്യ കേ​ന്ദ്ര​ങ്ങ​ളാ​യി ഉ​യ​ർ​ത്തി​യി​രു​ന്നു. പൊ​ഴു​ത​ന പ​ഞ്ചാ​യ​ത്തി​ലെ ആ​ദി​വാ​സി മേ​ഖ​ല​യാ​യ സു​ഗ​ന്ധ​ഗി​രി പ്ലാ​ന്റേ​ഷ​നി​ൽ പ്ര​വ​ർ​ത്തി​ക്കു​ന്ന ആ​രോ​ഗ്യ​കേ​ന്ദ്ര​ത്തി​ന് പ​രി​മി​ത​മാ​യ സൗ​ക​ര്യ​ങ്ങ​ളാ​ണു​ള്ള​ത്. ആ​ദി​വാ​സി​ക​ൾ ഉ​ൾ​പ്പെ​ടെ ദി​വ​സ​വും നൂ​റു​ക​ണ​ക്കി​ന് രോ​ഗി​ക​ൾ ഇ​വി​ടെ ചി​കി​ത്സ തേ​ടി​യെ​ത്തു​ന്നു​ണ്ട്.

ആ​ഴ്ച​യി​ൽ തി​ങ്ക​ൾ, ബു​ധ​ൻ, വെ​ള്ളി ദി​വ​സ​ങ്ങ​ളി​ൽ ഡോ​ക്ട​ർ​മാ​രു​ടെ സേ​വ​നം ല​ഭ്യ​മാ​ക്കു​ന്നു​ണ്ട്. രോ​ഗ​നി​ർ​ണ​യ​ത്തി​ന് ആ​വ​ശ്യ​മാ​യ ഉ​പ​ക​ര​ണ​ങ്ങ​ൾ, ല​ബോ​റ​ട്ട​റി, ഫ​ർ​ണി​ച്ച​ർ, ആം​ബു​ല​ൻ​സ് തു​ട​ങ്ങി​യ സൗ​ക​ര്യ​ങ്ങ​ളെ​ല്ലാം പ​രി​മി​ത​മാ​ണ്.വൈ​ത്തി​രി പ​ഞ്ചാ​യ​ത്തി​ലെ ഏ​താ​നും കു​ടും​ബ​ങ്ങ​ളും ചി​കി​ത്സ​ക്കാ​യി സു​ഗ​ന്ധ​ഗി​രി പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തെ​യാ​ണ് ആ​ശ്ര​യി​ക്കു​ന്ന​ത്. ഡോ​ക്ട​ർ, ആ​ശു​പ​ത്രി ജീ​വ​ന​ക്കാ​ർ, ഫീ​ൽ​ഡ് സ്​​റ്റാ​ഫ് അ​ട​ക്കം പ​ത്തോ​ളം ജീ​വ​ന​ക്കാ​ർ ജോ​ലി ചെ​യ്യു​ന്നു. ആ​വ​ശ്യ​മാ​യ സൗ​ക​ര്യ​ങ്ങ​ളി​ല്ലാ​ത്ത​ത് ഏ​റെ പ്ര​യാ​സം സൃ​ഷ്​​ടി​ക്കു​ന്നു​ണ്ട്.